عرفان صدیقی غزل ۔ زیرِ گرداب نہ بالائے مکاں بولتی ہے ۔ عرفان صدیقی

[محمداحمد]

غزل​

​

زیرِ گرداب نہ بالائے مکاں بولتی ہے​

خامشی آ کے سرِ خلوتِ جاں بولتی ہے​

​

یہ مرا وہم ہے یا مجھ کو بلاتے ہیں وہ لوگ​

کان بجتے ہیں کہ موجِ گذراں بولتی ہے​

​

لو سوالِ دہنِ بستہ کا آتا ہے جواب​

تیر سرگوشیاں کرتے ہیں، کماں بولتی ہے​

​

ایک میں ہوں کہ اس آشوبِ نوا میں چپ ہوں​

ورنہ دنیا مرے زخموں کی زباں بولتی ہے​

​

ہُو کا عالم ہے گرفتاروں کی آبادی میں​

ہم تو سنتے تھے کہ زنجیرِ گراں بولتی ہے​

​

درد کے باب میں تمثال گرہے خاموش​

بن بھی جاتی ہے تو تصویر کہاں بولتی ہے​

​

عرفان صدیقی​

 

[الف عین]

شکریہ احمد۔ عرفان صدیقی کی ایک اور ای بک کا مواد ہو جائے گا کیا؟ محاورہء جاں دیکھ لیں۔

 

[طارق شاہ]

ایک میں ہوں، کہ اِس آشوبِ نوا میں چُپ ہوں​

ورنہ دنیا مِرے زخموں کی زباں بولتی ہے​

​

ہُو کا عالم ہے گرفتاروں کی آبادی میں​

ہم تو سُنتے تھے، کہ زنجیرِ گراں بولتی ہے​

کیا کہنے صاحب!​

​

تشکّر یہاں پیش کرنے پر ​

بہت خوش رہیں​

 

[عمر سیف]

ایک میں ہوں کہ اس آشوبِ نوا میں چپ ہوں
ورنہ دنیا مرے زخموں کی زباں بولتی ہے

خوب ۔۔