جمال احسانی غزل ۔ جو لمحہ رائگاں گُذرا وہی تو کام کا تھا ۔ جمال احسانی

[محمداحمد]

غزل ​

​

جو لمحہ رائگاں گزرا وہی تو کام کا تھا​

بہر نفس یہ زیاں عمرِ ناتمام کا تھا​

​

یہ کیا ہوا کہ بھرے آسماں کے آنگن میں ​

بچھڑ گیا جو ستارہ ہمارے نام کا تھا​

​

بڑھا کے اُس سے رہ و رسم اب یہ سوچتے ہیں​

وہی بہت تھا جو رشتہ دعا سلام کا تھا​

​

ہر اک کے بس میں کہاں تھا کہ سو رہے سرِ شام​

یہ کام بھی ترے آوارگانِ شام کا تھا​

​

کوئی شجر، کوئی دیوار چاہتا تھا جمالؔ ​

سفر میں لوگ تھے جھگڑا مگر قیام کا تھا​

​

جمالؔ احسانی​

 

[صائمہ شاہ]

کیا خوبصورت شعر ہے بہت سے لوگوں کو لے کر اکثر دماغ میں گونجتا ہے


بڑھا کے اُس سے رہ و رسم اب یہ سوچتے ہیں
وہی بہت تھا جو رشتہ دعا سلام کا تھا

 

[محمداحمد]

کیا خوبصورت شعر ہے بہت سے لوگوں کو لے کر اکثر دماغ میں گونجتا ہے


بڑھا کے اُس سے رہ و رسم اب یہ سوچتے ہیں
وہی بہت تھا جو رشتہ دعا سلام کا تھا

صائمہ صاحبہ، انتخاب کی پسندیدگی کا شکریہ۔