جمال احسانی غزل ۔ تنہا بھی منہ اُٹھا کے نکلنا محال ہے ۔ جمال احسانی

[محمداحمد]

غزل ​

​

تنہا بھی منہ اُٹھا کے نکلنا محال ہے​

ہمراہ بھی ہجوم کے چلنا محال ہے​

​

حرفِ دعا کا صفحہ ء دستِ بلند پر​

وہ بوجھ ہے کہ ہاتھ بدلنا محال ہے​

​

دل نے جلائی ہیں جو سرِ طاقِ انتظار​

اُن موم بتیوں کا پگھلنا محال ہے​

​

گم کیا ہوا ہے کاسہ ء درویش شہر میں​

نظریں اُٹھا کے شہر کا چلنا محال ہے​

​

میرے بھی دستخط ہیں سرِ محضرِ شکست​

میرے لئے بھی بچ کے نکلنا محال ہے​

​

جمالؔ احسانی​

 

[انیس الرحمن]

میرے لئے بھی بچ کے نکلنا محال ہے
شاعر یقیناََ پاکستانی نہیں۔۔

 

[محمداحمد]

میرے لئے بھی بچ کے نکلنا محال ہے
شاعر یقیناََ پاکستانی نہیں۔۔

شاعر ہیں تو پاکستانی ہی ۔ لیکن شاعرانہ مزاج رکھتے ہیں سو خود بچ بھی نکلے تو ضمیر بھیا نہیں چھوڑیں گے۔

 

[عمر سیف]

گم کیا ہوا ہے کاسہ ء درویش شہر میں
نظریں اُٹھا کے شہر کا چلنا محال ہے
واہ

 

[محمداحمد]

گم کیا ہوا ہے کاسہ ء درویش شہر میں
نظریں اُٹھا کے شہر کا چلنا محال ہے
واہ

انتخاب کی پسندیدگی کا شکریہ۔۔۔۔۔!

 

[فرخ انیق]

اُن موم بتیوں کا پگھلنا محال ہے ۔۔۔۔ کیا اچھا کہا ہے۔۔ بھئی بہت خوب