نظر لکھنوی غزل: کوششِ مسلسل بھی رائیگاں سی لگتی ہے ٭ نظرؔ لکھنوی

دادا مرحوم کی ایک غزل احبابِ محفل کے ذوق کی نذر:

کوششِ مسلسل بھی رائیگاں سی لگتی ہے
آرزوئے دل اب تو نیم جاں سی لگتی ہے

کچھ مشیتِ یزداں سرگراں سی لگتی ہے
یا مری طبیعت ہی بد گماں سی لگتی ہے

نغمہ جُو نہ ہو اے دل وقت اب نہیں ایسا
ہر گھڑی مجھے دنیا نوحہ خواں سی لگتی ہے

جب بھی آئے یہ ظالم ساتھ لے کے ہے جائے
موت زندگی کی کچھ رازداں سی لگتی ہے

فنِ سحر کہئے یا سحرِ فن ستم گر کا
جور و قہر کی صورت مہرباں سی لگتی ہے

عضو عضو ناکارہ عالمِ ضعیفی میں
جز نظرؔ کہ ہے بالغ نوجواں سی لگتی ہے

محمد عبد الحمید صدیقی نظرؔ لکھنوی​

 

شکریہ شیزان بھائی پسند فرمانے کا۔

 

آمین۔ جزاک اللہ فاخر بھائی

 

پسندیدگی پر ممنون ہوں بہن۔

 

بہت خوب!
خوبصورت کلام۔

 

شکریہ جاسمن بہن

 

شکریہ ہادیہ بہن

 

آمین۔
پسندیدگی پر ممنون ہوں نایاب بھائی۔