غزل سازوں میں ہونے آیا شامل میں

[محمد یعقوب آسی]

غزل گوئی میں گرچہ ہوں نہ قابل میں
غزل سازوں میں ہونے آیا شامل میں

ایک بات بتائیے ۔۔ کہ یہ ’’غزل ساز‘‘ کیا ہوتا ہے؟

 

[مزمل شیخ بسمل]

نزع : وتد مفروق ہے۔

اب نزع کا عالم ہے مجھ پر تم اپنی محبت واپس لو​

جب کشتی ڈوبنے لگتی ہے تو بوجھ اتارا کرتے ہیں​

۔۔۔ ۔ قمر جلالوی​

بالکل. مگر وہاں وتد مجموع بتایا گیا ہے.

 

[مزمل شیخ بسمل]

ایک بات بتائیے ۔۔ کہ یہ ’’غزل ساز‘‘ کیا ہوتا ہے؟

غزل کی مرمت کرنے والا. جیسے گھڑی ساز وغیرہ

 

[محمد یعقوب آسی]

نزع ۔۔۔۔۔۔

بالکل. مگر وہاں وتد مجموع بتایا گیا ہے.​

​

​

اسی لئے میں نے عرض کیا تھا کہ ایسی سائٹس کے مشمولات بہت زیادہ قابلِ اعتماد نہیں ہوتے۔
وہ الگ بات کہ اردو والے کہیں ’’رعایت لیتے ہوئے‘‘ اس کو وتد مجموع باندھ جاتے ہیں تاہم اصل میں یہ وتد مفروق ہی ہے۔

 

[محمد اسامہ سَرسَری]

ایک بات بتائیے ۔۔ کہ یہ ’’غزل ساز‘‘ کیا ہوتا ہے؟

مراد غزل کہنے والا ہے۔ پہلے ”غزل گویوں“ لکھا تو زیادہ نامانوس لگا، ”غزل سنجوں“ میں کردوں؟

 

[محمد یعقوب آسی]

مراد غزل کہنے والا ہے۔ پہلے ”غزل گویوں“ لکھا تو زیادہ نامانوس لگا، ”غزل سنجوں“ میں کردوں؟​

​

​

اگر آپ مزاح کو اولیت دیتے ہیں تو ’’غزل سازوں‘‘ چلے گا! اور اگر نہیں تو ’’غزل گویوں‘‘ فصیح تر ہے، مانوس، غیر مانوس کا معاملہ بجا؛ ’’غزل سنجوں‘‘ میں بھی کوئی قباحت نہیں۔

محمد اسامہ سَرسَری