عشق

[الف نظامی]

عمر ہا در کعبہ و بت خانہ می نالد حیات
تاز بزم عشق یک دانائے راز آید بروں

 

[فریب]

دیکھنا بھی تو اُنھیں دور سے دیکھا کرنا
شیوہِ عشق نہیں حُسن کو رسوا کرنا۔۔

 

[الف نظامی]

آ کچھ سنا دے عشق کے بولوں میں اے رضا
مشتاق طبع لذتِ سوزِ جگر کی ہے

 

[فریب]

صادق نہیں وہ عشق جسے ازراہ نیاز
منظور ناز حسن کا پاس ادب نہیں۔۔

 

[الف نظامی]

دور بیٹھا غبارَ میر اس سے
عشق بن یہ ادب نہیں آتا

 

[فریب]

کوششیں ہم نے کیں ہزار مگر
عشق میں ایک معتبر نہ ہوئی

 

[الف نظامی]

بے وضو عشق کے مذہب میں عبادت ہے حرام
خوب رو لیتا ہوں خواجہ کی ثنا سے پہلے

 

[فریب]

لوٹ لو جی بھر کے حسرت لذِت آغازِ عشق
اس ستمگر کا یہ رنگِ آشنائی پھر کہاں

 

[الف نظامی]

کس کا دل سوزِ غمِ عشق سے تابندہ ہوا
کس نے بخشی ہے اندھیروں کو ضیا کون ہے یہ؟

 

[فریب]

حُسن خود ہو گیا غریب نواز
عشق محتاجِ اِلتجا نہ ہوا۔۔۔۔

 

[الف نظامی]

اس عشق پر کسی کا اجارہ نہیں ہے داغ
پروردگار جس کو یہ نعمت عطا کرئے

 

[فریب]

رہے گا حشر تک افسانہ باقی عشق بازوں میں
ہماری جاں فشانی کا، تمہاری بے نیازی کا۔۔

 

[الف نظامی]

نبی کے عشق نے جس کو حسیں بنایا ہے
وہی فرید وہی خواجہ بن کے آیا ہے

 

[الف نظامی]

پختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی

 

[فریب]

جوانی میں عشقِ بُتاں بس ہے حسرت
بڑھاپے میں یادِ خدا کیجئے گا۔۔۔۔۔۔

 

[الف نظامی]

عقل کو تنقید سے فرصت نہیں
عشق پر اعمال کی بنیاد رکھ

 

[فریب]

خود عشق کی گستاخی سب تجھ کو سکھا لے گی
اے حسنِ حیا پرور شوخی بھی ، شرارت بھی۔۔۔۔۔۔۔

 

[افتخار راجہ]

بہت خوب فریب

عشاقِ سلف میں اور ہم میں تعلیم کے باعث فرق یہ ہے
وہ ہجر میں رویا کرتے تھے ہم ہجر میں گایا کرتے ہیں

ظریف دہلوی

 

[شمشاد]

سارے ہی ممبران ایک سے بڑھ کر ایک ہیں
اور میں اس صنف میں بالکل کورہ ہوں پھر بھی ایک عدد شعر حاضر خدمت ہے :

عشق بتاں، یاد رفتگاں، غم روزگار
اس زندگی میں اب کوئی کیا کیا کیہ کرئے

 

[فریب]

حسن کو جور سے بیگانہ نہ سمجھو کہ اسے
یہ سبق عشق نے پہلے ہی پڑھا رکھا ہے۔۔۔