عشق

[پاکستانی]

کبھی تیغ تیز سپرد کی کبھی تحفہِ گل تر دیا
کسی شہزادی کے عشق نے میرا دل ستاروں سے بھر دیا

 

[عمر سیف]

میرے تصورات میں سب تحریریں عشق کی ہیں
زندانیِ خیال ہوں زنجیریں عشق کی ہیں

 

[پاکستانی]

عشق تنہا ہے سرِ منزلِ غم
کون یہ بوجھ اُٹھانے آئے

 

[عمر سیف]

تیرا عشق تھا جو غبار بن کر قدم قدم میرے ساتھ تھا
تیری خواہشوں کا دِیا بجھا تو نگر نگر ہے دُھواں دُھواں

 

[پاکستانی]

سنو لڑکی ۔۔۔
ابھی تم عشق مت کرنا
ابھی گڑیا سے کھیلو تم
تمھاری عمر ہی کیا ہے
فقط سترہ برس کی ہو
ابھی معصوم بچّی ہو
نہیں معلوم ابھی تم کو
کہ جب یہ عشق ہوتا ہے
تو انساں کتنا روتا ہے
ستارے ٹوٹ جاتے ہیں !
سہارے چھوٹ جاتے ہیں
ابھی تم نے نہیں دیکھا
کہ جب ساتھی بچھڑتے ہیں
تو کتنے درد ملتے ہیں
کہ ہر فرقت کے موسم میں
ہزاروں غم ابھرتے ہیں
ہزاروں زخم کھلتے ہیں
سنو لڑکی !
میری مانو
پڑھائی پر توجہ دو
کتابوں میں گلابوں کو
کبھی بھولے سے مت رکھنا
کتابیں جب بھی کھولو گی
یہ کانٹوں کی طرح دل میں
چبھیں گے خوں بہائیں گے
تمھیں پہروں ستائیں گے
کسی کو خط نہیں لکھنا
لکھائی پکڑی جاتی ہے
بڑی رسوائی ہوتی ہے
کسی کو فون مت کرنا
صدائیں دل دکھاتی ہیں
وہ آوازیں ستاتی ہیں
میری نظمیں نہیں پڑھنا
یہ محشر اٹھا دیں گی
تمھیں پاگل بنا دیں گی
سنو لڑکی !!!
میری مانو
ابھی تقدیر سے تم
کھل کہ مت لڑنا
ابھی گڑیا سے کھیلو تم
ابھی تم عشق مت کرنا

 

[عمر سیف]

صاحبِ عشق اسے عشق کی دولت دے دے
اک فقیر اور بھی ہے کاسہءِ سر سے آگے
تابش اس در پہ سب اسرارِ ازل کھلتے ہیں
میری حیات کی رسائی ہے خبر سے آگے

 

[حجاب]

وہ بے خبر ہیں جن کو ہے پندارِ تخت و تاج
دیکھا ہے ہم فقیروں کا جاہ و حشم کہاں
پلکوں پہ جُڑ گئے ہیں ستارے سے عشق میں
ہر ایک کے نصیب میں یہ اشکِ غم کہاں ۔

 

[عمر سیف]

تم محبت میں کہاں سود و زیاں لے آئے
عشق کا نام خِرد ہے نہ جَنوں ہے، یوں ہے
( احمد فراز )

 

[نوید ملک]

عشق میں جیت ہوئی یا مات
آج کی رات نہ چھیڑ یہ بات

(ناصر کاظمی)

 

[عمر سیف]

یہ عشق بھی ہے عجب امتحانِ عہدِ وفا
وہ آزمائے مجھے اور میں آزماؤں اُسے

 

[فریب]

قیس و فرہاد کو بتلاؤں گا کچھ عشق کی راہ
اب کے گر طرف دشت و جبل جاؤں گا

ابراہیم ذوق

 

[عمر سیف]

مجھے قسم ہے تیرے عشق باکمال کی اب
تم جان بھی مانگو گے تو انکار نہ ہوگا

 

[فریب]

گہ غمِ حور گہے عشقِ بتاں اے مومن
میں سدا سوختہ حسنِ خداداد رہا

مومن

 

[عمر سیف]

زندگی پھر زندگی ہے، بزمِ جاناں ہے تو کیا
عشق کو اندیشہِ سود و زیاں ہونا ہی تھا

 

[تیشہ]

برداشت درد عشق کی دشوار ہوگئی
اب زندگی بھی جان کا آزار ہوگئی

ہے وجہ انسباط، محبت میں اعتدال
جب حد سے بڑھ گئی،رسن ودار ہوگئی ۔

 

[عمر سیف]

عمر بھر پڑھتی رہی پھر بھی ادھورا ہی رہا
عشق کے مکتب کا تھا اے ناز کچھ ایسا نصاب

 

[نوید ملک]

کیا ضروری ہے کہ ہم ہار کہ جیتیں تابش
عشق کا کھیل برابر بھی تو ہو سکتا ہے

(عباس تابش)

 

[عمر سیف]

دامنِِ یار تک کہاں عشقِ زبوں کی دسترس
حشمتِ حُسن دیکھ کر بھول گیا سوال بھی

 

[فریب]

کمالِ عشق کو فرہاد و قیس کب پہنچے
وہ پختہ کار ہے دل جس کا بار بار آیا

 

[نوید ملک]

عشق کا لفظ بھی سادہ تھا بہت ، پھر اسکو
ہم نے بھی لقمہء اعراب نہیں ہونے دیا