" عشق " پر اشعار

[سراب]

عالم ذات مین درویش بنا دیتا ھے
عشق انسان کو پاگل نہیں ھونے دیتا

 

[الف عین]

ہم تو تھے رہِ عشق کے بھٹکے ہوئے راہی
منزل کی ہمیں راہ دکھانے لگا کوئی

خوش آمدید سراب۔ اپنا تعارف دیں

 

[شمشاد]

عشق میں دنیا گنوائی ہے نہ جاں دی ہے فراز
پھر بھی ہم اہل محبت کی مثالوں میں رہے
(احمد فراز)

 

[تیشہ]

غزل ذریعہ اظہار بے دلاں تجھ سے
بہت سی کرنے کی باتیں ہیں میری جاں تجھ سے

تو اِس کو میری رقابت کا مسئلہ نہ سمجھ
میں عشق میں ہوں مجھے رہنا ہے بدگماں تجھ سے

 

[شمشاد]

صرف دامن کا چاک کیا معنی
سب لباس اپنا تار تار کرو

عشق سودا ہے صرف گھاٹے کا
اب کوئی اور کاروبار کرو
(احمد فواد)

 

[جیا راؤ]

ہم کو بھی دیکھنا ہے کہ یہ منکرینِ عشق
کب تک رہیں گے تیری تمنا کئیے بغیر

 

[شمشاد]

اس بت سے عشق کیجیے لیکن کچھ اس طرح
پ۔وچھے ک۔وئی ت۔۔و صاف مُک۔ر ج۔ان۔ا چ۔اہیے
(حسن عباس رضا)

 

[جیا راؤ]

مری بات اور ہے چھوڑئیے، میں اسیرِ جذبہ عشق ہوں
ذرا اپنے دل کو بھی دیکھئیے، یہ بتائیے اسے کیا ہوا

 

[مغزل]

جو ان آنکھوں سے رواں ہیں اشک ہیں
جو ان اشکوں میں مکیں ہے عشق ہے
توقیر تقی

 

[پیاسا صحرا]

عشق میں دنیا گنوائی ہے نہ جاں دی ہے فراز
پھر بھی ہم اہل محبت کی مثالوں میں رہے۔

 

[راجہ صاحب]

میں نے ہر چند غمِ عشق کو کھونا چاہا
غمِ الفت غمِ دنیا میں سمونا چاہا

وہی افسانے مری سمت رواں ہیں اب تک
وہی شعلے مرے سینے میں نہاں ہیں اب تک

 

[شمشاد]

تجھکو رسوا نہ کیا، خود بھی پشیماں نہ ہوئے
عشق کی رسم کو اس طرح نبھایا ہم نے
(شہریار)

 

[راجہ صاحب]

عشق میں تیرے گزرتی نہیں بِن سر پٹکے
صورت اک یہ رہی ہے عمر بسر کرنے کی
(میر)

 

[الف نظامی]

توڑ دیتا ہے بتِ ہستی کو ابراہیمِ عشق
ہوش کا دارو ہے گویا مستی تسنیمِ عشق

 

[شمشاد]

پہلے پہل کا عشق ابھی یاد ہے فراز
دل خود یہ چاہتا تھا کہ رسوائیاں بھی ہوں
(احمد فراز)

 

[ناعمہ عزیز]

عالمِ ذات میں درویش بنا دیتا ہے۔
عشق انسان کو پاگل نہیں ہونے دیتا۔

 

[شمشاد]

ہر ایک عشق کے بعد اور اس کے عشق کے بعد
فراز اتنا بھی آساں نہ تھا سنبھل جانا
(احمد فراز)

 

[راجہ صاحب]

عشق کیا کیا فریب کھاتا ہے
حسن کیا شعبدے دکھاتا ہے

سرور عالم راز سرور

 

[شمشاد]

ترے عشق کی انتہا چاہتا ہوں
میری سادگی دیکھ کیا چاہتا ہوں
(علامہ)

 

[راجہ صاحب]

عشق مجھ کو نہیں‌ وحشت ہی سہی
میری وحشت تیری شہرت ہی سہی