ظالم پانی (سیلاب کے حوالے سے نظم)

[سید نصرت بخاری]

اے پانی اے ظالم پانی
آنکھ نے پہلے دیکھی نہ تھی
اب جو دیکھی ہے ویرانی
تو نے ہر بستی کو لوٹا
شہروں کو برباد کیا
تو نے بوڑھے دل توڑے ہیں
بچوں کو ناشاد کیا
روٹی چھینی،بستہ چھینا
گڑیا چھنی گُڈا چھینا
ممتا چھینی ،بھیا چھینا
درد بھری ہے ساری کہانی
اے پانی اے ظالم پانی
تو نے بنجر کھیتی کر دی
صحنِ چمن تاراج کیا
کل تک تھا تو رحمت جیسا
یہ تو نے کیا آج کیا
تو نے جانے کس کی مانی
اے پانی اے ظالم پانی

 

[مغزل]

نصرت بخاری صاحب۔ ماشا اللہ خوب نظم ہے ، سلامت رہیں ،

 

[سید نصرت بخاری]

مغل صاحب !آپ کا حسنِ نظر ہے۔حوصلہ افزائی کا شکریہ۔سلامت رہیں۔نصرت

 

[الف عین]

اچھی نظم ہے

 

[آصف شفیع]

عمدہ نظم ہے۔بخاری صاحب، سلامت رہیے۔

 

[ایس فصیح ربانی]

واہ صاحب! بہت اچھی نظم ہے
داد حاضر ہے۔

 

[سید نصرت بخاری]

دوستوں کی محبت کا شکریہ