شوق

[فرخ منظور]

یہاں لفظ "شوق" پر طبع آزمائی کی جائے گی تو پہلا شعر حضرت مرزا غالب سے -

شوق ہر رنگ رقیبِ سرو ساماں نکلا
قیس تصویر کے پردے میں بھی عریاں نکلا

 

[محمد وارث]

وا کر دیے ہیں شوق نے بندِ نقابِ حُسن
غیر از نگاہ اب کوئی حائل نہیں رہا

بیدادِ عشق سے نہیں ڈرتا مگر اسد
جس دل پہ ناز تھا مجھے وہ دل نہیں رہا

 

[شمشاد]

کیسی ہے تری انجمن آرائی مرے دل؟
تنہا سفرِ شوق کی عادت نہیں جاتی!
(ناہید ورک)

 

[محمد وارث]

میرے شوق دا نیں اعتبار تینوں، آ جا ویکھ میرا انتظار آ جا
اینوں لڑن بہانڑے لبھنا ایں، کی تو سوچنا ایں ستمگار آ جا

(صوفی تبسم کا غالب کے مندرجہ ذیل شعر کا منظوم پنجابی ترجمہ)

ز من گرت نہ بود باور انتظار بیا
بہانہ جوئے مباش و ستیزہ کار بیا

 

[شمشاد]

دیوانگئِ شوق کو یہ دھن ہے کہ ان دِنوں
گھر بھی ہو اور بے درودیوار سا بھی ہو
(ناصر کاظمی)

 

[فرخ منظور]

شوق ِ شراب نے مجھے ڈالا عذاب میں
جلتا ہوں ہجر و شاہد و یادِ شراب میں
(غالب)

 

[ساجد]

یہ عالم شوق کا دیکھا نہ جائے
وہ بُت ہے یا خُدا دیکھا نہ جائے

لیجئیے صاحب ہم بھی شاعروں کی محفل میں دوسروں کا چوری شدہ شعر لے کر وارد ہو گئے ہیں۔

 

[شمشاد]

آپ سے کس نے کہہ دیا کہ یہ شاعروں کی محفل ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حسن کو شوق ہے گر انجمن آرائی کا
آئے دیکھے وہ تماشا مری رسوائی کا
(سرور)

 

[ساجد]

شمشاد بھائی ،
سخنور اور وارث بھائی کے موجود ہوتے ہوئے اسے شعراء کی محفل کہا جا سکتا ہے نا!!!!

 

[شمشاد]

تو پھر اپنے آپ کو اور فاتح صاحب کو کیونکر بھول گئے؟

 

[ساجد]

ارے جناب ہم کہاں اور کہاں شعر و ادب ۔ فاتح بھائی تو باقاعدہ اپنی ذات میں ایک انجمن ہیں۔(اگرچہ وزن میں انجمن سے آدھے ہی ہوں گے)۔
اور ان کی انجمن آرائیاں ( آرائیں دوستوں کی بات نہیں ہو رہی) تو محفل کی جان ہیں۔

 

[شمشاد]

بجا اراشاد، اب واپس آتے ہیں موضوع کی طرف، ایسا نہ ہو کہ ناظمہ خاص +ہتھوڑا+

وارفتگئ شوق کی شدت نہ پوچھئے!
کیا ہے دلِ خراب کی حالت نہ پوچھئے
(سرور)

 

[فرخ منظور]

بہت شکریہ ساجد کہ مجھے اس قابل سمجھا ورنہ آپ تو خود بھی صاحبِ ذوق ہیں - بہر حال

اُس لب سے مل ہی جائے گا بوسہ کبھی تو، ہاں!
شوقِ فضول و جرأتِ رندانہ چاہئے

(غالب)

 

[شمشاد]

شوق برہنہ پا چلتا تھا اور رستے پتھریلے تھے
گِھستے گھستے گِھس گئے آخر کنکر جو نوکیلے تھے
(غلام محمد قاصر)

 

[فرخ منظور]

وا کر دیے ہیں شوق نے بندِ نقابِ حسن
غیر از نگاہ، اب کوئی حائل نہیں رہا

(نجات کا طالب، غالب)

 

[شمشاد]

وائے دیوانگئ شوق کہ ہر دم مجھ کو
آپ جانا اُدھر اور آپ ہی حیراں ہونا
(چچا)

 

[ہما]

آنسو میرے تھم جائیں تو پھر شوق سے جانا
ایسے میں‌کہاں جاؤ گے برسات بُہت ہے

 

[شمشاد]

گر ترے دل میں ہو خیال، وصل میں شوق کا زوال
موجِ محیطِ آب میں مارے ہے دست و پا کہ یُوں
(چچا)

 

[ہما]

نیتِ شوق بھر نہ جائے کہیں
تو بھی دل سے اُتر نہ جائے کہیں
آج دیکھا ہے تجھ کو دیر کے بعد
آج کا دن گُزر نہ جائے کہیں

 

[شمشاد]

ادھر وہ شوق تماشہ، ادھر یہ چشم امید
نظر وہ آتے رہے سو حجاب میں کیا کیا
(سرور)