شوق

[راجہ صاحب]

کس کو نہیں ہے شوق ترا پر نہ اس قدر
میں تو اسی خیال میں بیمار ہوگیا


میر

 

[شمشاد]

ایسا ہے کہ تنہا پھرنے کا کچھ اتنا زیادہ شوق نہیں
تیرے بعد سو، ان آنکھوں نے کبھی جشنِ مہتاب نہیں دیکھا

 

[راجہ صاحب]

زندۂ شوقِ شعر کو ایک چراغِ انجمن
کُشتۂ ذوقِ شعر کو شمعِ سرِ مزار ایک

غالب

 

[محمد سہیل]

شوق، ہر رنگ رقیبِ سروساماں نکلا
قیس تصویر کے پردے میں بھی عریاں نکلا

زخم نے داد نہ دی تنگئ دل کی یارب
تیر بھی سینۂ بسمل سے پَرافشاں نکلا

بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا

 

[راجہ صاحب]

یہ عالم شوق کا دیکھا نا جائے
وہ بت ہے یا خدا دیکھا نا جائے

فراز

 

[الف نظامی]

شوق اگر راہنما ہو تو کوئی مشکل ہی نہیں
شوق مشکل سے مگر راہنما ہوتا ہے

( قابل اجمیری )

 

[راجہ صاحب]

کیا پوچھتے ہو لذتِ آزارِ انتظار؟
ملنا ہے اور، شوقِ ملاقات اور ہے

سرور عالم راز سرور

 

[شمشاد]

شوق کی آگ کو مدھم نہ کرو دیوانو
اپنی آواز کی لَو کم نہ کرو دیوانو
(فراز)

 

[راجہ صاحب]

تو میرے شوقِ ملاقات پر تنقید نا کر
اچھے لگتے ہیں مجھے تیری شباہت والے

نامعلوم

 

[شمشاد]

نبھانا اگر شوق سے آپ کو ہے
جفاؤں کا یہ سلسلہ رہنے دیجے
(مومن خان شوق)

 

[راجہ صاحب]

مکاں بنا نہ یہاں اس دیار شر میں منیر
یہ قصر شوق نگر کے عذاب میں نہ ملا

 

[شمشاد]

مکاں بنا نہ یہاں اس دیار شر میں منیر
یہ قصر شوق نگر کے عذاب میں نہ ملا
(منیر نیازی)

 

[راجہ صاحب]

خوب ہے شوق کا یہ پہلو بھی
میں بھی برباد ہو گیا تو بھی

نامعلوم

 

[شمشاد]

نہیں بے حجاب وہ چاند سا کہ نظر کا کوئی اثر نہ ہو
اسے اتنی گرمئ شوق سے بڑی دیر تک نہ تکا کرو

(بشیر بدر)

 

[راجہ صاحب]

اے دوست چشم شوق نے ديکھا ہے بارہا
بجلي سے ترا نام گھٹا پر لکھا ہوا

شکیب جلالی

 

[شمشاد]

ہم سے مخفی نہیں کچھ راہگزرِ شوق کا حال
ہم نے اک عمر گزاری ہے ہوا خانے میں
(احمد مشتاق)

 

[راجہ صاحب]

بجُز پروازِ شوقِ ناز کیا باقی رہا ہوگا
قیامت اِک ہوائے تند ہے خاکِ شہیداں پر

غالب

 

[شمشاد]

حشر میری شعر گوئی ہے فقط فریاد شوق
اپنا غم دل کی زباں میں، دل کو سمجھاتا ہوں میں
(آغا حشر)

 

[راجہ صاحب]

ٹوٹ جائے دل تو ہو جاتی ہے بزمِ شوق گرم
غم کا شیرازہ بکھر جائے تو بن جاتی ہے بات

 

[شمشاد]

گرد بادِ رہِ بیتابی ہوں
صرصرِ شوق ہے بانی میری
(غالب)