طارق شاہ
محفلین
غزلِ
شفیق خلش
جب تعلّق نہ آشیاں سے رہے
کچھ نہ شِکوے بھی آسماں سے رہے
پَل کی فرقت نہ ہو گوارا جسے
دُور کیسے وہ دِل بُتاں سے رہے
سوچتے ہیں اب اُن حسینوں کو
جن کی قربت میں شادماں سے رہے
اُس کی یادوں نے کی پذیرائی
درد دِل میں جو بےکراں سے رہے
دُوریاں اُس پہ اِک قیامت ہیں
دِل جو خوش صُحبتِ بُتاں سے رہے
اب ہمیں سارے یاد بھی تو نہیں
سِلسِلے دل کے کب کہاں سے رہے
کیا نہ سوچا تھا اُن سے کہنے کو
سامنے اُن کے بے زباں سے رہے
خطرہ جس سے تھا پارسائی کو
باز ہم ایسے رازداں سے رہے
کیوں یہ حیرت، کہ دُکھ ، خلِش سارے
میرے ہی دل میں آ کہاں سے رہے
شفیق خلش