شعرائے اردو محفل فورم کے کونسے اشعار آپ کو پسند آئے؟

[مغزل]

میری تصویر سے ملتی نہیں میری صورت​

میں نے دیکھا ہے مکافات کے آئینے میں​

شاعر: م۔م۔مغل​

​

شکریہ اسامہ محبتوں کے لیے سراپا سپاس ہوں شاد رہو آباد رہو۔۔
حاشیہ : مغزل میرا کلمہ اندراج ہے شہزادے اور قلمی نام (م۔م۔مغل) ہے۔

 

[مغزل]

دل انتظار میں ہوگا کواڑ کھولے ہوئے ​

کسی بھی دن چلے آنا کسی بہانے سے !!​

کلامِ تازہ : ناز غزل ​

 

[محمد بلال اعظم]

بہت ہی اعلیٰ دھاگہ
میں بھی کچھ شئیر کروں گا

 

[امجد علی راجا]

راجا! نہیں ہے دل پہ ابھی سے کچھ اختیار​

آغاز اس طرح ہے تو انجام، سوچ لے​

شاعر: امجد علی راجا​

شکریہ محمد اسامہ سَرسَری بھیا! سلامت رہیں۔

 

[محمد اسامہ سَرسَری]

شکریہ محمد اسامہ سَرسَری بھیا! سلامت رہیں۔

آپ بھی اپنے پسندیدہ اشعار جو شعرائے محفل کے ہی ہوں یہاں پوسٹ کریں۔

 

[محمد اسامہ سَرسَری]

شکریہ اسامہ محبتوں کے لیے سراپا سپاس ہوں شاد رہو آباد رہو۔۔
حاشیہ : مغزل میرا کلمہ اندراج ہے شہزادے اور قلمی نام (م۔م۔مغل) ہے۔

اللہ تعالیٰ آپ کو ہمیشہ خوش و خرم رکھے۔
حاشیے پر متشکر ہوں۔

 

[محمد اسامہ سَرسَری]

بہت ہی اعلیٰ دھاگہ
میں بھی کچھ شئیر کروں گا

تعریف کا شکریہ جناب۔
انتظار رہے گا۔

 

[امجد علی راجا]

آپ بھی اپنے پسندیدہ اشعار جو شعرائے محفل کے ہی ہوں یہاں پوسٹ کریں۔

جی ضرور، آج کل صحت خراب ہونےکے باعث تھوڑا سست پڑ گیا ہوں، ذرا طبیعت سنبھل جائے تو انشاءاللہ۔

 

[شوکت پرویز]

یہ نہ کہتے پھرو کہ کچھ نہ ہوا
یہ بھی دیکھو بکھر گیا کوئی

کیسی حسرت، اجی کہاں کی اُمید
آپ سمجھیں کہ مر گیا کوئی!

شیخ کو مے کدے سے کیا مطلب
پر سنا ہے اُدھر گیا کوئی

شاعر: سید اِجلاؔل حسین صاحب۔۔۔

 

[شوکت پرویز]

مَوت اَنگُشت بدنداں ہے یہ کس کا ہے نصیب
اُستُخواں دار پہ، سر زانُوئے دِلدار کے پاس

شاعر: جناب فاتح صاحب۔۔

 

[شوکت پرویز]

دل میں ڈر اور ہاتھ میں ساغر لئے پھرتا رہا
گو بظاہر رند تھا پر صاحبِ ایماں بھی تھا
شاعر: جناب مزمل شیخ بسمل صاحب۔۔

 

[محمد یعقوب آسی]

واہ جی واہ علامہ صاحب۔

 

[محمد یعقوب آسی]

آشیانے کی بات کرتے ہو​

دل جلانے کی بات کرتے ہو​

۔۔۔۔۔۔۔

 

[محمداحمد]

واہ واہ بہت ہی خوب کام کیا ہے اسامہ بھائی۔۔۔!

خوش رہیے۔

 

[امجد علی راجا]

آشیانے کی بات کرتے ہو​

دل جلانے کی بات کرتے ہو​

۔۔۔ ۔۔۔ ۔

منہ نہیں دھو سکے دو دن سے​

تم نہانے کی بات کرتے ہو​

مزاح کی غرض سے لکھا ہے برا نہ منائیئے گا۔

 

[محمداحمد]

گل ہوئی ہر روشنی، بس ایک در روشن رہا​

شہرِ تاریکی میں اک آنکھوں کا گھر روشن رہا​

​

ذہن سوکھی گھاس تھا، ننھی سی چنگاری تھی یاد​

وہ الاؤ جل اٹھا جو رات پھر روشن رہا​

​

سارے گھر کی بتّیاں ایک ایک کر کے بجھ گئیں​

چھاؤں تھی تاروں کی بس، اور ایک در روشن رہا​

​

کشتیِ جاں تھی کہ سیلِ آب میں بہتی رہی​

آندھیوں میں اک چراغِ بے سپر روشن رہا​

​

*****​

پڑے رہ گئے کئیٔ زخمی جسم نواح میں​

وہ جو کج کلاہ تھے شہ سوار، چلے گئے​

​

*****​

​

لاکھ رستے بدل کے گھر جاؤں​

راہ میں وہ سڑک تو آئے گی​

​

محترم اعجاز عبید صاحب​

 

[شوکت پرویز]

منہ نہیں دھو سکے دو دن سے​

تم نہانے کی بات کرتے ہو​

مزاح کی غرض سے لکھا ہے برا نہ منائیئے گا۔

ایک موٹر تو لا نہیں سکتے
چاند لانے کی بات کرتے ہو

 

[محمد بلال اعظم]

آغاز استادِ محترم الف عین صاحب کی ایک خوبصورت غزل سے

کبھی تو دھوپ کبھی ابر کی رِدا مانگے
یہ کشتِ غم بھی عجب موسم و ہوا مانگے
فقیر جھولی کی کلیاں لٹانے آیا ہے
امیر شہر کو ڈر ہے نہ جانے کیا مانگے
کبھی ہو دورِ قناعت تو حالِ بد میں بھی خوش
جو مانگنے پہ دل آئے تو بارہا مانگے
قدم رکیں تو لہو کا بہاؤ رک جائے
شکستہ پا بھی پہاڑوں کا سلسلہ مانگے
میں جس تلاش میں تھک کر خموش بیٹھ رہا
وہ مل گیا ہے خزینہ مجھے بِنا مانگے
جو میرے ہاتھوں میں ہاتھ آگئے وہ رنگ بھرے
یہ دل کہ بھاگتے لمحوں کو تھامنا مانگے

1986ء​

​

 

[امجد علی راجا]

ایک موٹر تو لا نہیں سکتے
چاند لانے کی بات کرتے ہو

شوکت پرویز بھیا!

گیس، پٹرول ہو گئے نایاب​

"کار" لانے کی بات کرتے ہو؟​

 

[بنت عائشہ]

دل پہ قابو جو نہیں رہتا ہے دیدار کے دن
لفظ بھی ساتھ نہیں دیتے ہیں اظہار کے دن
روز مسکان سجاتے ہیں ہمیں دیکھ کے جو
کرتے اعراض ہیں پھر کیوں مرے اقرار کے دن
وصلِ احباب تو موسم پہ بھی رکھتا ہے اثَر
کیسی دلشاد فضا ہوتی ہے اتوار کے دن
پھر تو دو چند ہو یہ عید ، جو محبوب ہمیں
آکے خود ’’عید مبارک‘‘ کہے تہوار کے دن
رات ساری انھی سوچوں میں گزر جاتی ہے
کیسے پرلطف ہوا کرتے تھے وہ پیار کے دن
ہجر کی تیغِ جفا کھاکے ہمیں یاد آیا
قیس و لیلیٰ کا زمانہ ، وہی تلوار کے دن
سَرسَرؔی سی نظر اک بار پڑی تھی ان پر
اب گزرتے نہیں اُس دید کے بیمار کے دن​