شعرائے اردو محفل فورم کے کونسے اشعار آپ کو پسند آئے؟

مجھے محترم جناب محمد یعقوب آسی صاحب کا یہ شعر بہت اچھا لگتا ہے:

آج میرے ایک واقف کار نے مجھ سے کہا​

نام تیرا بن نہ جائے جنگ کا اعلان کل​

​

ان کی اسی غزل کا مقطع بھی بہت شاندار ہے:

آس کا دامن نہ چھوڑو یار آسی ، دیکھنا​

مشکلیں جو آج ہیں ہوجائیں گی آسان کل​

مزے کی بات یہ ہے کہ ان کی یہ غزل ۱۹۸۵ء کی ہے اور یہی میرا سن پیدائش ہے۔

 

ویسے تو بہت سے اشعار ہیں مگر ایک دم ایک غزل کا مطلع یاد آگیا ہے اور کیا ہی خوب یاد آیا صاحب! تو عرض کئے دیتا ہوں۔ شعر یوں ہے:

کبھی گلاب کبھی چاند مستعار لیا​

ترے فراق کا موسم یونہی گزار لیا​

عجیب موسم گل کا نکھار ہے اب کے​

لگے کہ تجھ سے بہاروں نے کچھ ادھار لیا​

​

یہ شعر محفل کی ایک خاتون سارہ بشارت گیلانی صاحبہ کا ہے۔​

 

آداب جناب محمد اسامہ سَرسَری صاحب۔

 

اختیار و جبر گویا ہیں بلمپَت لَے میں راگ​

سازِ استبداد کے ہر زمزمے میں قید ہوں​

جناب خدائے سخن کا شعر ​

 

دیکھ کر شام میں سورج کی بکھرتی کرنیں​

یاد آئے تری زلفوں کے سنہرے بادل​

شاعر: کاشف عمران کاؔمل​

 

چیخا کبھی جو دہر کے ظلم و ستم پہ میں​

قسمت کی لوری دے کے سلایا گیا مجھے​

شاعر: محمد وارث​

 

چمن میں تم اکیلے پی رہے ہو بیٹھ کر بسملؔ!​

مزہ جب تھا پلانے کو کوئی رشکِ قمر ہوتا​

نیز​

بسملؔ! زبان کٹ گئی اس میکدے میں آج​

معلوم جب ہوا مجھے ساغر میں بال تھا​

شاعر: مزمل شیخ بسمل​

​

 

ضبط اپنا شعار تھا لیکن​

کیا کریں اب اگر نہیں ہوتا​

شاعر: سید اِجلاؔل حسین​

 

میری تصویر سے ملتی نہیں میری صورت​

میں نے دیکھا ہے مکافات کے آئینے میں​

شاعر: مغزل​

​

 

دعا دیتے تھے "عمر ِجاوداں ہو“​

مبارک ہو! شہادت ہوگئی ہے​

شاعر: فرخ منظور​

 

کر دیا عشق نے کچھ ایسا نکما ہم کو​

آج کے کام بھی کل پرسوں پہ ٹالے ہوئے ہیں​

شاعر: ایم اے راجا​

 

مثالِ ذرۂ ناچیز تو نہیں دِکھتا​

بجا کہ دہر میں شاہد! ترا جواب نہیں​

شاعر: شاہد شاہنواز​

 

ترا نام دن کے نصاب میں ، ترا نام رات کے خواب میں​

ترا نام لوں تو میں سو سکوں ، ترا نام لے کے جگا کروں​

شاعر: جناب اعجاز عبید صاحب​

 

راجا! نہیں ہے دل پہ ابھی سے کچھ اختیار​

آغاز اس طرح ہے تو انجام، سوچ لے​

شاعر: امجد علی راجا​

 

کوئی دیکھے مری آنکھوں میں آکر
مگر دریا میں صحرا کون دیکھے​

شاعر: محمداحمد​

 

یہ اور بات کہ اب مصلحت شعار ہوئے​

قریب میرے بھی ورنہ کبھی رہے ہو تم​

شاعر: جناب منیر انور صاحب​

 

پتا چلتا نہیں اور آگ لگ جاتی ہے تن من میں​

خدا جانے کسی نے غم کی چنگاری کہاں رکھ دی​

شاعرہ: حوا کی بیٹی​

 

وہ آگ کا دریا تھا کہ محشر کی گھڑی تھی​

اشکوں کا جو بند اسکا تھا ٹوٹا مرے آگے​

شاعر: محمد خلیل الرحمٰن​

 

​

شاعر: فاتح الدین بشیر​

 

محبتوں پہ اثر موسموں کا ہونے لگا​

کہ منجمد ہے محبت دسمبروں کی طرح​

شاعر: محمد اظہر نذیر​