شاعری ، اپنی پسند کی ،

[ماوراء]

سبھی لوگ تو کبھی بھی اچھے نہیں ہوتے
جن سے سچ سیکھا ہو وہ بھی سچے نہیں رہتے
کیوں ایسا ہوتا ہے کہ اعتبار کی ٹوٹی دہلیز پر
جو بہت اپنے ہوں وہ اپنے نہیں رہتے​

بہت خوب ظفری۔

 

[ظفری]

شعر لکھنے والے میرا نام چرا لیتے ہیں۔

کہنا یہ تھا کہ لکھنے والے میرے شعر چرا لیتے ہیں ۔

 

[ظفری]

ذرا بھی جس کی وفا کا یقین آیا ہے
قسم خدا کی اسی سے فریب کھایا ہے
اُداس دیکھ کے مجھ کو اُداس بیھٹے ہیں
تمام عمر کا غم آج راس آیا ہے​

 

[ماوراء]

ذرا بھی جس کی وفا کا یقین آیا ہے
قسم خدا کی اسی سے فریب کھایا ہے
اُداس دیکھ کے مجھ کو اُداس بیھٹے ہیں
تمام عمر کا غم آج راس آیا ہے​

ظفری، آج تو بہت اچھی اچھی شاعری پوسٹ کر رہے ہیں۔ یا روز ہی کرتے ہیں لیکن دیکھ میں آج ہی رہی ہوں۔

 

[ظفری]

وہ تو میں روز ہی کرتا ہوں مگر آپ دیکھ آج ہی رہیں ہیں ۔

 

[شمشاد]

وہ کیا ہے کہ دماغ کے ساتھ ساتھ نظر بھی کمزور ہے ناں اس لیے

 

[ماوراء]

ہاں، شاید میں نے آج ہی دیکھی ہیں۔
شکریہ شمشاد بھائی۔

کل رات گئے
جب چاند کی طرف
ہاتھ اُٹھا کر دعا مانگی
کہ اے رب
صدا صرف اتنی ہے
کہ خوشیوں کا بسیرا ہو
نہ کہیں غم کا اندھیرا ہو
چھٹ جائیں یہ بادل
رک جائے بارش
خزاں کے اس موسم میں
تنہا گلاب کی مانند
آنسوؤں میں ڈوبے جواب کی مانند
قبول کر لے سارے خواب
جواب ملا کہ
اے ابنِ آدم
تیری جھولی میں کچھ نہیں ہے
ہاں
صرف وفا کا نام باقی ہے​

 

[ماوراء]

پلٹ کر راستےچھوڑنا اچھا نہیں ہوتا
یوں ساتھ چھوڑ کر منزل بدلنا اچھا نہیں ہوتا

آسان نہیں اتنا سمندرِ عشق کی وسعتوں کا شمار
فقط ساحل پہ قیاس آرائیاں کرنا اچھا نہیں ہوتا

نہ ہو کچھ پاس متاعِ خودی تو ہونی چاہیے
یونہی کسی کے آگے ٹوٹ کر بکھرنا اچھا نہیں ہوتا

سمجھنے کے لئے صدیاں درکار ہوتی ہیں
یوں پہلی ملاقات میں رائے قائم کرنا اچھا نہیں ہوتا

نہ جانے کب کسی کی آہ فلک تک پہنچ جائے
یونہی معصوم دلوں کو توڑنا اچھا نہیں ہوتا

ہم خاک ہیں اور خاک میں ہو جائیں گے فنا
پھر اس قدر ذات پر غرور اچھا نہیں ہوتا​

 

[سارا]

دوریاں ہیں مگر ملال نہیں
تیری یادیں جو پاس رہتی ہیں

خوبصورت سی ہستیوں کے بغیر
گھر کیا گلیاں اداس رہتی ہیں۔۔

 

[سارا]

جن کو امید ہے بہاروں کی
ان کی قسمت سنورتی جاتی ہے

چند لمحوں کو اپنے نام بھی کر
زندگی تو گزرتی جاتی ہے۔۔

 

[سارا]

صحرا کی دھوپ میں کوئی سایہ نہ مل سکا
جتنے ملے درخت سبھی کھوکھلے ملے

آئی نہ ہاتھ پیار کی خیرات آج تک
ہم کاسہء خلوص لیے در بدر پھرے۔۔

 

[سارا]

تھے نظر میں وہ جگنوؤں کی طرح
آج بکھرے ہیں خوشبوؤں کی طرح

دور رہتا ہے دنیا داری سے
دل یہ میرا ہے سادھوؤں کی طرح۔۔

 

[سارا]

منزلیں بھی اس کی تھیں‘رستہ بھی اس کا تھا
ایک میں اکیلا تھا‘ سارا جہاں اس کا تھا

ساتھ ساتھ چلنے کی سوچ بھی اس کی تھی
پھر رستہ بدلنے کا فیصلہ بھی اس کا تھا۔۔

 

[سارا]

بس ایک چہرہ کتابی نظر میں ہے ناصر
کسی کتاب سے میں استفادہ کیا کرتا۔۔

 

[شمشاد]

بہزاد لکھنوی کی لکھی ہوئی اور نیرہ نور کی گائی ہوئی یہ غزل مجھے بہت پسند ہے :


اے جذبہ دل گر ميں چاہوں ہر چيز مقابل آجائے
منزل کے لئے دو گام چلوں اور سامنے منزل آجائے

اے دل کي خلش چل يوں ہي سہي چلتا تو ہوں ان کي محفل ميں
اس وقت مجھے چونکا دينا جب رنگ پہ محفل آجائے

اے رہبر کامل چلنے کو تيار تو ہوں پر ياد رہے
اس وقت مجھے بھٹکا دينا جب سامنے منزل آجائے

ہاں ياد مجھے تم کر لينا آواز مجھے تم دے لينا
اس راہ محبت ميں کوئي درپيش جو مشکل آجائے

اب کيوں ڈھونڈوں وہ چشم کرم ہونے دے ستم بالائے ستم
ميں چاہتا ہوں اے جذبہ غم مشکل پہ مشکل آجائے

 

[سارا]

یہ ساری عمر کس آشفتگی میں رائیگاں کر دی
اس کو یاد رکھا ہے جسے دل سے بھلانا تھا

وہ جب اوجھل ہوا تو ہم بھی اپنے آپ سے چونکے
اسے آواز دینی تھی‘ اسے واپس بھلانا تھا۔۔

 

[سارا]

گھر موم کا پہلے تو بنایا نہیں جاتا
بن جائے تو سورج سے بچایا نہیں جاتا

اب تم ہو مقابل تو مجھے ہارنا ہو گا
تم کو تو میری جان ہرایا نہیں جاتا۔۔

 

[سارا]

تم لاکھ چھپاؤ ہم سے احساس ہماری چاہت کا
دل جب بھی تمہارا دھڑکا ہے آواز یہاں تک آئی ہے۔۔

 

[شمشاد]

غضب کيا تيرے وعدے کا اعتبار کيا
تمام رات قيامت کا انتظار کيا

کسي طرح جو نہ اس بت نے اعتبار کيا
مري وفا نے مجھے خوب شرمسار کیا

 

[سارا]

بہزاد لکھنوی کی لکھی ہوئی اور نیرہ نور کی گائی ہوئی یہ غزل مجھے بہت پسند ہے :


اے جذبہ دل گر ميں چاہوں ہر چيز مقابل آجائے
منزل کے لئے دو گام چلوں اور سامنے منزل آجائے

اے دل کي خلش چل يوں ہي سہي چلتا تو ہوں ان کي محفل ميں
اس وقت مجھے چونکا دينا جب رنگ پہ محفل آجائے

اے رہبر کامل چلنے کو تيار تو ہوں پر ياد رہے
اس وقت مجھے بھٹکا دينا جب سامنے منزل آجائے

ہاں ياد مجھے تم کر لينا آواز مجھے تم دے لينا
اس راہ محبت ميں کوئي درپيش جو مشکل آجائے

اب کيوں ڈھونڈوں وہ چشم کرم ہونے دے ستم بالائے ستم
ميں چاہتا ہوں اے جذبہ غم مشکل پہ مشکل آجائے

زبردست۔۔مجھے بھی یہ بہت پسند ہے۔۔