زیرک کے پسندیدہ اشعار

[زیرک]

بارش کی بہت تیز ہوا میں کہیں مجھ کو
درپیش تھا اک مرحلہ جلنے کی طرح کا
ظفر اقبال​

 

[زیرک]

کوئی دیکھے تو مِری آنکھ سے دیکھے اس کو
ایک بستی جو بسائی ہے "خیالی" میں نے
شمشیر حیدر​

 

[زیرک]

بت خانہ توڑ ڈالئے، مسجد کو ڈھائیے
دل کو نہ توڑیئے، یہ خدا کا مقام ہے
آتش​

 

[زیرک]

مالِ مفلس مجھے سمجھا ہے جنوں نے شاید
وحشتِ دل سرِ بازار لیے پھرتی ہے
آتش​

 

[زیرک]

تمہاری باتوں میں کوئی مسیحا بستا ہے
حسین لبوں سے برستی شفا میں جیتے ہیں
گلزار​

 

[زیرک]

ایک پگڈنڈی شہر تک آ کر
کچھ مسافر تلاش کرتی ہے
گلزار​

 

[زیرک]

حجرے پہ میرے عشق نے آ کر کہا کہ اٹھ
دروازہ کھول تیری گرفتاری آئی ہے
علی ارمان​

 

[زیرک]

بچا سکتا تھا تُو دستار او بُزدل
زیادہ سے زیادہ کیا تھا سر جاتا
اعجاز حیدر​

 

[زیرک]

ہمسائے کے گھر دُھول اڑانے کی غرض سے
کچھ لوگ گِرا دیتے ہیں خود، اپنی ہی دیوار
اعجاز حیدر​

 

[زیرک]

چھیڑو نہ مجھے آج کہ مصروف بہت ہوں
اتوار کا دن خود سے 'ملاقات' کا دن ہے
افتخار حیدر​

 

[زیرک]

ایک تنہائی کی آفت ہے، گزر جائے گی
لوگ دیوار سے باتیں بھی تو کر لیتے ہیں

افتخار حیدر​

 

[زیرک]

عذاب ہوتی ہیں اکثر شباب کی گھڑیاں
گلاب اپنی ہی خوشبو سے ڈرنے لگتے ہیں
بدر واسطی​

 

[زیرک]

آیا ہے اکیلا، تجھے جانا ہے اکیلا
بس دیکھتے رہ جائیں گے سب یار کسی دن
بدر واسطی​

 

[زیرک]

آستینیں ٹٹول کر دیکھو
دوستی کس ڈگر پہ بیٹھ ہے
بدر واسطی​

 

[زیرک]

خدا کرے کسی دیوار کو پتا نہ چلے
گِرا نہیں مگر اندر سے ہِل چکا گھر ہے​

 

[زیرک]

چارہ چرتے ہوں جہاں اہلِ قلم شاہوں کا
ایسی بستی پہ اگر ظلم نہ ہو تو کیا ہو؟
نعیم ضرار​

 

[زیرک]

پہلے کٹھ پتلیاں نچاتے تھے
اب تو کٹھ پتلیاں نچاتی ہیں

فرخ محمود​

 

[زیرک]

تعویذ الٹے، ادھوری منت، وظیفے، جادو ناکام سارے
نہ استخارہ ہی کام آیا،۔ نہ کوئی دھاگہ،۔ بغیر تیرے​

 

[زیرک]

ڈھونڈتے ہو وفا زمانے میں
بات کرتے ہو کس زمانے کی​

 

[زیرک]

وسعتِ رزق کی دعا دیجے
درد کا کاروبار ہے سائیں​