زیرک کے پسندیدہ اشعار

[زیرک]

منزلیں پاؤں پکڑتی ہیں ٹھہرنے کے لیے
شوق کہتا ہے کہ، دو چار قدم اور سہی
ساحر لکھنوی​

 

[زیرک]

کھرا کھوٹا پرکھنا ہے تو بس ذکر علیؑ چھیڑو
دلوں کا حال کہہ دیتے ہیں چہرے آئینہ ہو کر
ساحر لکھنوی​

 

[زیرک]

جو سنبھل سنبھل کے بہک گئے، وہ فریب خوردۂ راہ تھے
وہ مقامِ عشق کو پا گئے، جو بہک بہک کے سنبھل گئے
ساحر لکھنوی​

 

[زیرک]

کیوں میری طرح راتوں کو رہتا ہے پریشاں
اے چاند! بتا، کس سے تری آنکھ لڑی ہے؟
ساحر لکھنوی​

 

[زیرک]

یہ عدل ہے کہ رہے تیغ دستِ منصف میں
یہ ظلم ہے کہ قلم دستِ بے ہنر میں رہے
ساحر لکھنوی​

 

[زیرک]

حکومت کی ہاؤسنگ سکیم پر ایک شعر ذہن میں آ گیا

گلی میں عشق کی مہنگا تھا وصل کا بنگلہ
تو سانس ہجر کے سستے مکان میں گزری​

 

[زیرک]

گھر لَوٹ کے روئیں گے ماں باپ اکیلے میں
مٹی کے کھلونے بھی سستے نہ تھے میلے میں​

 

[زیرک]

اب ترے ترکِ تعلق کی سمجھ آئی ہے
لوگ سستے میں ملی چیز گنوا دیتے ہیں​

 

[زیرک]

کہنے کو ایک صحن میں دیوار ہی بنی
گھر کی فضا، مکان کو نقشہ بدل گیا​

 

[زیرک]

کہاں پہ کرتی ہے سرکارِ دل رعایت کچھ
کمائی عشق کی ساری "لگان" میں گزری​

 

[زیرک]

کہانی آپ الجھی ہے، کہ الجھائی گئی ہے
یہ عقدہ تب کھلے گا جب تماشا ختم ہو گا
افتخار عارف​

 

[زیرک]

ہمارے عشق میں رسوا ہوئے تم
مگر ہم تو تماشا ہو گئے ہیں
اطہر نفیس​

 

[زیرک]

دھڑکن کی ڈگڈگی پہ کب سے ہے محوِ رقص
دل تھک کے گر ہی جائے، تماشا تو ختم ہو​

 

[زیرک]

قابل داد یہ آنکھیں ہیں کہ ان آنکھوں سے
خود ہی پامال ہوئے، خود ہی تماشا دیکھا​

 

[زیرک]

بِن تیرے با خدا نہیں آتا
لفظ جس کو قرار کہتے ہیں​

 

[زیرک]

بے بسی دیکھ تُو فون ہاتھوں میں ہے
چند ہندسے کہ ڈائل نہیں ہو رہے​

 

[زیرک]

یہ عہد کیا ہے کہ خونِ آدم کبھی بھی ارزاں نہیں تھا اتنا
کہ فرق کرنا ہُوا ہے مشکل، ہلاکتوں میں، شہادتوں میں​

 

[زیرک]

انساں کا ضمیر بکا کوڑیوں کے مول
"غلہ مگر گراں رہا، ارزاں نہ ہو سکا"​

 

[زیرک]

سودائے زلفِ یار میں ہے تلخ زندگی
یہ زہر ہم نے مول لیا سانپ پال کے
لالہ مادھو رام جوہر​

 

[زیرک]

استخارے کے لیے باغ میں ہم رندوں نے
بارہا دانۂ انگور کی کی ہے تسبیح
لالہ مادھو رام جوہر​