زیرک کے پسندیدہ اشعار

[زیرک]

جنہیں زعمِ کمانداری بہت ہے
انہیں پر خوف بھی طاری بہت ہے
احمد فراز​

 

[زیرک]

سنا ہے اہلِ ہوس اب وفا کے گاہک ہیں
یہ کاروبار نہ ہم سے ہوا، نہ آگے تھا
احمد فراز​

 

[زیرک]

فراز! اس کو کوئی قاتل کہے، کوئی مسیحا
جدا اک دوسرے سے ہر کسی کے تجربے ہیں
احمد فراز​

 

[زیرک]

مسیحاؤں کو جب آواز دی ہے
پلٹ کر آ گئے ہر بار قاتل
احمد فراز​

 

[زیرک]

نظریں حیا کی دیوی کو نوچتی ہیں
وبالِ جان ہے کسی کی بیٹی کا جواں ہونا​

 

[زیرک]

یہ قوم کا اعلیٰ طبقہ ہے، کہتے ہیں انہیں سردار سبھی
یہ جاہل ہیں، یہ وحشی ہیں، ہوئیں گے نہ یہ بیدار کبھی
گل خان نصیر​

 

[زیرک]

کیسے مانوں کہ بدل جائیں گے ان کے انداز
جبکہ ہے نعرۂ لا دینی و مستانہ وہی
گل خان نصیر​

 

[زیرک]

نام کٹنے کے بعد بھی ہم نے
مکتبِ دل میں حاضری دی ہے
فہمی بدایونی​

 

[زیرک]

چار دن کا ہے مکتبِ ہستی
اس میں بھی امتحاں پڑتا ہے
فہمی بدایونی​

 

[زیرک]

انا للہ و اناالیہ راجعون

کیسا ماتم، کیسا رونا مٹی کا
ٹوٹ گیا ہے ایک کھلونا مٹی کا
عارف شفیق​

 

[زیرک]

غريبِ شہر تو فاقے سے مر گيا عارف
اميرِ شہر نے ہيرے سے خودکشی کر لی
عارف شفیق​

 

[زیرک]

بہت ذہین ہے عارف شفیق تُو، لیکن
ذرا سی بات پہ کیوں خاندان چھوڑ دیا
عارف شفیق​

 

[زیرک]

جب بھی دشمن بن کے اس نے وار کیا
میں نے بھی اپنے لہجے کو تلوار کیا
عارف شفیق​

 

[زیرک]

ہم نے سردی میں بھی مزدور کے ماتھے پہ پسینہ دیکھا
تُو نے اے امیر رشوت کی کمائی سے مکہ و مدینہ دیکھا​

 

[زیرک]

آساں نہیں ہیں میری اذیت کے داؤ پیچ
مرتا ہوں اور جان سے جاتا نہیں ہوں میں
اکبر معصوم​

 

[زیرک]

وہ اور ہوں گے جو کارِ ہوس پہ زندہ ہیں
میں اس کی دھوپ سے سایہ بدل کے آیا ہوں
اکبر معصوم​

 

[زیرک]

توڑی جو اس نے مجھ سے تو جوڑی رقیب سے
انشاء تُو میرے یار کے بس توڑ جوڑ دیکھ

انشاء اللہ خان انشاء​

 

[زیرک]

تخریب محبت آسان ہے، تعمیر محبت مشکل ہے
تم آگ لگانا سیکھ گئے، تم آگ بجھانا کیا جانو
رضی اختر شوق​

 

[زیرک]

جامِ سفال و جامِ جم، کچھ بھی تو ہم نہ بن سکے
اور بکھر بکھر گئے، کُوزہ گروں کے درمیاں
رضی اختر شوق​

 

[زیرک]

ہم اتنے پریشاں تھے کہ حالِ دلِ سوزاں
ان کو بھی سنایا کہ جو غم خوار نہیں تھے
رضی اختر شوق​