زیرک کے پسندیدہ اشعار

[زیرک]

نہیں آتا مانگنا تو خالی ہاتھ پھیلا دو
وہ بند لبوں کی بولیاں بھی سنتا ہے​

 

[زیرک]

اول تو زمانے میں نہیں تم سا کوئی اور
گر ہو بھی تو ہم کون سا تسلیم کریں گے​

 

[زیرک]

انہیں تھوڑا زہر پلا دیجئے
شاید مر جائیں غم میرے​

 

[زیرک]

فقیر کہہ گیا مجھ کو تُو سر کا صدقہ دے
فقیر دیکھ چکا تھا زوال ماتھے پر​

 

[زیرک]

میری منزل کا پتہ کون بتائے مجھ کو
خود ہیں گمراہ یہاں راہ دکھانے والے​

 

[زیرک]

جہاں ہم ہیں وہاں سب دائرے ہیں
کسی کا کوئی مرکز ہے، نہ محور
انجم خیالی​

 

[زیرک]

ہنسی میں ٹال تو دیتا ہوں اکثر
مگر میں خوش نہیں برباد ہو کر
انجم خیالی​

 

[زیرک]

کہاں ملا میں تجھے، یہ سوال بعد کا ہے
تُو پہلے یاد تو کر کس جگہ گنوایا مجھے
انجم خیالی​

 

[زیرک]

اسی طرح در و دیوار تنگ ہوتے رہے
تو کوئی اپنے لیے گھر نہیں بنائے گا
انجم خیالی​

 

[زیرک]

اپنی طرف سے تُو نے بہت اے خدا دیا
یہ میں تھا جس نے ہاتھ کو کاسہ بنا دیا
انجم خیالی​

 

[زیرک]

دل کا ضامن تُو، تیرا کیا اعتبار؟
پہلے اک ضامن ہو ضامن کے لیے
سیماب اکبر آبادی​

 

[زیرک]

جنت بھی خوب بھر گئی، دوزخ بھی بھر گیا
جوشِ جنوں بتائے مجھے، میں کدھر گیا؟
سیماب اکبر آبادی​

 

[زیرک]

مزہ آجائے گا محشر میں کچھ سننے سنانے کا
زباں ہو گی ہماری، اور کہانی آپ کی ہو گی
سیماب اکبر آبادی​

 

[زیرک]

تم نیا زخم لگاؤ، تمہیں اس سے کیا ہے
بھرنے والے ہیں ابھی زخم پرانے کتنے
سیماب اکبر آبادی​

 

[زیرک]

میں بعدِ مرگ بھی بزمِ وفا میں زندہ ہوں
تلاش کر مِری محفل، مِرا مزار نہ پوچھ
سیماب اکبر آبادی​

 

[زیرک]

دوستوں کی زباں تو کھلنے دو
بھول جاؤں گے زخم خنجر کے
محسن نقوی​

 

[زیرک]

بھول جانے میں وہ ظالم ہے بلا کا ماہر
یاد آنے پہ بھی آئے تو غضب یاد آئے
محسن نقوی​

 

[زیرک]

ہم نے جو کمائی ہے تیری یاد کی دولت
ضائع نہیں کی تو سنبھالی بھی نہیں ہے
ظفر اقبال​

 

[زیرک]

میں چوم لیتا ہوں اس راستے کی خاک ظفر
جہاں سے کوئی بہت بے خبر گزرتا ہے
ظفر اقبال​

 

[زیرک]

محبت تو چوری کا گُڑ ہے ظفر
یہ میٹھا زیادہ تو ہونا ہی تھا
ظفر اقبال​