1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $420.00
    اعلان ختم کریں
  2. اردو محفل سالگرہ چہاردہم

    اردو محفل کی یوم تاسیس کی چودہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

ن م راشد رقص -- از ن م راشد

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏ستمبر 26, 2007

  1. فرخ منظور

    فرخ منظور لائبریرین

    مراسلے:
    12,525
    جھنڈا:
    Pakistan
    موڈ:
    Cold
    رقص -- از ن م راشد

    اے مری ہم رقص مجھ کو تھام لے
    زندگی سے بھاگ کر آیا ہوں میں
    ڈر سے لرزاں ہوں کہیں ایسا نہ ہو
    رقص گہ کے چور دروازے سے آ کر زندگی
    ڈھونڈ لے مجھ کو، نشاں پا لے مرا
    اور جرم عیش کرتے دیکھ لے!

    اے مری ہم رقص مجھ کو تھام لے
    رقص کی یہ گردشیں
    ایک مبہم آسیا کے دور ہیں
    کیسی سرگرمی سے غم کو روندتا ہوں میں!
    جی میں کہتا ھوں کہ ہاں،
    رقص گہ میں زندگی کے جھانکنے سے پیشتر
    کلفتوں کا سنگریزہ ایک بھی رہنے نا پائے!

    اے مری ہم رقص مجھ کو تھام لے
    زندگی میرے لیے
    ایک خونیں بھیڑ یے سے کم نہیں
    اے حسین و اجنبی عورت اسی کے ڈر سے میں
    ہو رہا ہوں لمحہ لمحہ اور بھی تیرے قریب
    جانتا ھوں تو مری جاں بھی نہیں
    تجھ سے ملنے کا پھر امکاں بھی نہیں
    تو مری ان آرزوؤں کی مگر تمثیل ھے
    جو رھیں مجھ سے گریزاں آج تک!

    اے مری ہم رقص مجھ کو تھام لے
    عہد پارینہ کا میں انساں نہیں
    بندگی سے اس در و دیوار کی
    ہو چکی ہیں خواہشیں بے سوز و رنگ و ناتواں
    جسم سے تیرے لپٹ سکتا تو ہوں
    زندگی پر میں جھپٹ سکتا نہیں!
    اس لیے اب تھام لے
    اے حسین و اجنبی عورت مجھے اب تھام لے!
     
    • پسندیدہ پسندیدہ × 2
  2. محمد وارث

    محمد وارث لائبریرین

    مراسلے:
    24,932
    جھنڈا:
    Pakistan
    موڈ:
    Depressed
    شکریہ شیئر کرنے کیلیے آپ کا۔
     
  3. بے الف اذان

    بے الف اذان محفلین

    مراسلے:
    204
    جھنڈا:
    Pakistan
    موڈ:
    Busy
    بہت بہت خوبصورت
     
    • پسندیدہ پسندیدہ × 1

اس صفحے کی تشہیر