راستے میں شام از توقیر علی زئی
- صاحب لڑی ابن توقیر
- تاریخ ابتداء
ابن توقیر
محفلین
تری ہر بات کی تصدیق کروں یا نہ کروں!
کچھ نئے جھوٹ میں تخلیق کروں یا نہ کروں
کتنے خوانوں میں بٹے ہیں ترے لہجے اے دوست!
میں ترے حسن پہ تحقیق کروں یا نہ کروں!
بھوک ابھی تک مری آنکھوں میں نہیں پہنچی ہے
ظلم و عدوات کی تصدیق کروں یا نہ کروں
سرِ آفاق نمودار ہوا نجمِ سحر
وعدہ شب کی میں توثیق کروں یا نہ کروں
علم معیارِ فضیلیت ہے کہ دولت توقیر!
علم و دولت کی میں تطبیق کروں یا نہ کروں!
توقیر علی زئی
1953-2001
کچھ نئے جھوٹ میں تخلیق کروں یا نہ کروں
کتنے خوانوں میں بٹے ہیں ترے لہجے اے دوست!
میں ترے حسن پہ تحقیق کروں یا نہ کروں!
بھوک ابھی تک مری آنکھوں میں نہیں پہنچی ہے
ظلم و عدوات کی تصدیق کروں یا نہ کروں
سرِ آفاق نمودار ہوا نجمِ سحر
وعدہ شب کی میں توثیق کروں یا نہ کروں
علم معیارِ فضیلیت ہے کہ دولت توقیر!
علم و دولت کی میں تطبیق کروں یا نہ کروں!
توقیر علی زئی
1953-2001
ابن توقیر
محفلین
پھول شاخوں پہ کھلیں بھنورے نگل جاتے ہیں
پھول شاخوں سے گریں لوگ مسل جاتے ہیں
ہمیں اب تک تری آنکھوں نے سنبھلنے نہ دیا
لوگ گرتے ہیں مگر گر کے سنبھل جاتے ہیں
تم سے توڑا نہ گیا آئینہ خانوں کا طلسم
لوگ کہتے ہیں کہ پتھر بھی پگھل جاتے ہیں
کل یہی دوست تیرے تجھ پہ گواہی دیں گے
وقت بدلے تو سبھی لوگ بدل جاتے ہیں
شام کے ماتھے پہ خورشید درخشاں ہوں گے
یہ مناظر مری آنکھوں میں مچل جاتے ہیں
ہم سے اے دوست قصیدے نہیں لکھے جاتے
لے تری بزم سے ہم آج نکل جاتے ہیں
میں بہرحال سچ بات کہوں گا توقیر
تری پیشانی پہ آتے ہیں کہ بل جاتے ہیں
توقیر علی زئی
پھول شاخوں سے گریں لوگ مسل جاتے ہیں
ہمیں اب تک تری آنکھوں نے سنبھلنے نہ دیا
لوگ گرتے ہیں مگر گر کے سنبھل جاتے ہیں
تم سے توڑا نہ گیا آئینہ خانوں کا طلسم
لوگ کہتے ہیں کہ پتھر بھی پگھل جاتے ہیں
کل یہی دوست تیرے تجھ پہ گواہی دیں گے
وقت بدلے تو سبھی لوگ بدل جاتے ہیں
شام کے ماتھے پہ خورشید درخشاں ہوں گے
یہ مناظر مری آنکھوں میں مچل جاتے ہیں
ہم سے اے دوست قصیدے نہیں لکھے جاتے
لے تری بزم سے ہم آج نکل جاتے ہیں
میں بہرحال سچ بات کہوں گا توقیر
تری پیشانی پہ آتے ہیں کہ بل جاتے ہیں
توقیر علی زئی
محمد عدنان اکبری نقیبی
لائبریرین
زبردست توقیر صاحب
ابن توقیر
محفلین
گلشنِ فکر پہ کیا کیا ترے جلوے اترے
مری ہر بات میں جاناں ترے لہجے اترے
ہر طرح تو نے ستمگر ہمیں جانچا پرکھا
ہر طرح ہم ترے معیار پہ پورے اترے
ہم بتائیں گے انہیں اپنی زمیں کی رفعت
جب کبھی اوجِ ثریا سے وہ نیچے اترے
کیا کہیں وہ ترا موہوم تصوّر کیا تھا
قریۂ جاں میں بھی خوابوں کے جزیرے اترے
ایک سونے کی ترازو میں پڑا ہے انساں
کتنی ناداریٔ احساس میں بندے اترے
چوڑیاں دوست کبھی بر سرِ محفل ٹوٹیں
اور کبھی بر سرِ بازار دوپٹے اترے
مگر انساں پہ اثر ان کا مرتب نہ ہوا
ورنہ انساں کے لئے کتنے صحیفے اترے
رنگ لائی ہے میری تیرہ نصیبی کیا کیا
مرے آنگن میں گھٹا ٹوپ اجالے اترے
تیری آنکھوں کی یہ ابہام مزاجی توبہ
ہم نے مفہوم جو چاہے تو اشارے اترے
آج یاروں پہ کوئی حادثہ گزرا توقیر
کیسے بیٹھے ہیں ذرا دیکھو تو چہرے اترے
توقیر علی زئی
1953-2001
مری ہر بات میں جاناں ترے لہجے اترے
ہر طرح تو نے ستمگر ہمیں جانچا پرکھا
ہر طرح ہم ترے معیار پہ پورے اترے
ہم بتائیں گے انہیں اپنی زمیں کی رفعت
جب کبھی اوجِ ثریا سے وہ نیچے اترے
کیا کہیں وہ ترا موہوم تصوّر کیا تھا
قریۂ جاں میں بھی خوابوں کے جزیرے اترے
ایک سونے کی ترازو میں پڑا ہے انساں
کتنی ناداریٔ احساس میں بندے اترے
چوڑیاں دوست کبھی بر سرِ محفل ٹوٹیں
اور کبھی بر سرِ بازار دوپٹے اترے
مگر انساں پہ اثر ان کا مرتب نہ ہوا
ورنہ انساں کے لئے کتنے صحیفے اترے
رنگ لائی ہے میری تیرہ نصیبی کیا کیا
مرے آنگن میں گھٹا ٹوپ اجالے اترے
تیری آنکھوں کی یہ ابہام مزاجی توبہ
ہم نے مفہوم جو چاہے تو اشارے اترے
آج یاروں پہ کوئی حادثہ گزرا توقیر
کیسے بیٹھے ہیں ذرا دیکھو تو چہرے اترے
توقیر علی زئی
1953-2001
ابن توقیر
محفلین
یہ تلخیٔ اظہارِ حقیقت نہیں اچھی
ہر شخص سے اے دوست عداوت نہیں اچھی
یک طرفہ محبت میں توازن نہیں رہتا
شوریدہ سروں سے یہ شکایت نہیں اچھی
صدیوں کی مسافت سے یہ اعزاز ملا ہے
تہذیب و تمدن سے بغاوت نہیں اچھی
بے داغ جوانی پہ کوئی حرف نہ آئے
رک جا! شبِ مہتاب کی شہرت نہیں اچھی
مثلاً یہ کہے کوئی تم جانِ چمن ہو
ہر بات پہ انکار کی عادت نہیں اچھی
موسم کی روش بھی کوئی معقول نہیں تھی
اس نے بھی کہا میری طبیعت نہیں اچھی
روشن نہ ہوا کوئی ستارہ،نہ تم آئے
لگتا ہےکہ اس رات کی قسمت نہیں اچھی
ملاح سفینوں کو کنارے سے لگادیں
بپھرے ہوئے طوفاں کی نیت نہیں اچھی
توقیرعلی زئی
ہر شخص سے اے دوست عداوت نہیں اچھی
یک طرفہ محبت میں توازن نہیں رہتا
شوریدہ سروں سے یہ شکایت نہیں اچھی
صدیوں کی مسافت سے یہ اعزاز ملا ہے
تہذیب و تمدن سے بغاوت نہیں اچھی
بے داغ جوانی پہ کوئی حرف نہ آئے
رک جا! شبِ مہتاب کی شہرت نہیں اچھی
مثلاً یہ کہے کوئی تم جانِ چمن ہو
ہر بات پہ انکار کی عادت نہیں اچھی
موسم کی روش بھی کوئی معقول نہیں تھی
اس نے بھی کہا میری طبیعت نہیں اچھی
روشن نہ ہوا کوئی ستارہ،نہ تم آئے
لگتا ہےکہ اس رات کی قسمت نہیں اچھی
ملاح سفینوں کو کنارے سے لگادیں
بپھرے ہوئے طوفاں کی نیت نہیں اچھی
توقیرعلی زئی
ابن توقیر
محفلین
بہت شکریہ سر جی
میں بہت جلد اپنے ریکارڈ سے نکال کر آپ کو مکمل ان پیج فائل ارسال کرتا ہوں، محفل کے لیے تو میں دوبارہ سے ٹائپ کررہا تها وگرنہ پبلشنگ والی فائل میں نے محفوظ رکهی ہوئی ہے. وہ آپ کو جلد ارسال کرتا ہوں. ان شاءاللہ
الف عین
لائبریرین
ٹائپ کرنے کی ضرورت؟ کیا اسی فائل کو کنورٹ نہیں کر سکتے؟ ان پیج ۳ میں تو راست کاپی پیسٹ کر سکتے ہیں!
ابن توقیر
محفلین
آپ کی بات بالکل درست ہے سر جی،کمپیوٹرٹیبل پر ہروقت کتاب پڑی رہتی ہے تو اکثر جب فارغ ہوتا ہوں تو پڑھتے وقت شوق سے محفل میں براہ راست ٹائپ کرکے شیئر کردیتا ہوں وگرنہ پبلشنگ کے لیے جو فائل بھیجی تھی وہ بھی ہماری اپنی کمپوزڈشدہ ہے۔
ابن توقیر
محفلین
جی ضرور،جب کبھی ضرورت پڑی حاضر ہوں۔کسی زمانے میں آن لائن کمپوزنگ مشن کا حصہ رہ چکا ہوں جبکہ اپنا سیٹ اپ شروع کرنے سے پہلے ماموں کے ساتھ کمپوزنگ ٹیم میں تھا،تب کئی پبلشڈ کتابیں کمپوز کیں۔اب تو صرف یادیں ہی رہ گئی ہیں۔
ابن توقیر
محفلین
میں نہ سورج نہ اجالے میرے
ڈھونڈھ مٹی میں حوالے میرے
کس سے دریائے رواں رُکتا تھا
اشک دامن میں سنبھالے میرے
میں کبھی روپ پہن لوں تیرا
تو کبھی شعر چُرا لے میرے
میں کبھی خوبیاں لکھوں تیری
تُو کبھی عیب نکالے میرے
پارسائی کا تجھے دعویٰ ہے
کچھ گنہ تُو بھی اٹھا لے میرے
یادگارِ غمِ الفت ہی سہی
چند آنسو ہی بچا لے میرے
میں کبھی بات بنا دوں تیری
تُو کبھی کام نکالے میرے
میں کبھی بال سنواروں تیرے
تُو کبھی جام اچھالے میرے
میں کبھی شوق چُرا لوں تیرا
تُو کبھی رنگ اُڑا لے میرے
میں کوئی بات نہ ٹالوں تیری
تُو کوئی روگ نہ پالے میرے
جام کیا اوک سے پی لیتا ہوں
کوئی توڑے جو پیالے میرے
توقیر علی زئی
1953-2001ء
ڈھونڈھ مٹی میں حوالے میرے
کس سے دریائے رواں رُکتا تھا
اشک دامن میں سنبھالے میرے
میں کبھی روپ پہن لوں تیرا
تو کبھی شعر چُرا لے میرے
میں کبھی خوبیاں لکھوں تیری
تُو کبھی عیب نکالے میرے
پارسائی کا تجھے دعویٰ ہے
کچھ گنہ تُو بھی اٹھا لے میرے
یادگارِ غمِ الفت ہی سہی
چند آنسو ہی بچا لے میرے
میں کبھی بات بنا دوں تیری
تُو کبھی کام نکالے میرے
میں کبھی بال سنواروں تیرے
تُو کبھی جام اچھالے میرے
میں کبھی شوق چُرا لوں تیرا
تُو کبھی رنگ اُڑا لے میرے
میں کوئی بات نہ ٹالوں تیری
تُو کوئی روگ نہ پالے میرے
جام کیا اوک سے پی لیتا ہوں
کوئی توڑے جو پیالے میرے
توقیر علی زئی
1953-2001ء
ابن توقیر
محفلین
نہ کوئی زیبِ سرِ دار ہوامیرے بعد
کتنا بے معنی ہوا حرفِ وفا میرے بعد
میرؔکے بعد تو اے دشتِ جنوں خیر ہوئی
شاید آئے نہ کوئی آبلہ پا میرے بعد
تھا وہ اک عالمِ وارفتگی ، سواب نہ رہا
کتنا بے فیض ہوا حرفِ دعا میرے بعد
میرے ہوتے بھی بہت عذر تھے،اس کو لیکن
محفل آرا نہ ہوا جانِ حیا میرے بعد
نہ وہ شوخی،نہ شکایت،نہ وہ انداز و ادا
اب کسی سے نہیں ہوتا وہ خفا میرے بعد
توقیر علی زئی
کتنا بے معنی ہوا حرفِ وفا میرے بعد
میرؔکے بعد تو اے دشتِ جنوں خیر ہوئی
شاید آئے نہ کوئی آبلہ پا میرے بعد
تھا وہ اک عالمِ وارفتگی ، سواب نہ رہا
کتنا بے فیض ہوا حرفِ دعا میرے بعد
میرے ہوتے بھی بہت عذر تھے،اس کو لیکن
محفل آرا نہ ہوا جانِ حیا میرے بعد
نہ وہ شوخی،نہ شکایت،نہ وہ انداز و ادا
اب کسی سے نہیں ہوتا وہ خفا میرے بعد
توقیر علی زئی
ابن توقیر
محفلین
موجِ صرصر ہوئی بے باک بہت
پھول کم ہیں خس و خاشاک بہت
سوچ کر رہ گئے وہ رستے میں
دوست تھے صاحبِ ادراک بہت
یہ کسی کا بھی طرف دار نہیں
قاضئ وقت ہے سفاک بہت
تند بارش کا عذاب اپنی جگہ
لبِ ہر غنچہ ہے نمناک بہت
ہم کو معلوم تھے کچھ راز مگر
شہرِ یاراں تھے غضب ناک بہت
دشمنی مول نہ لی سچ نہ کہا
یوں تو ہم لوگ تھے بے باک بہت
کیسے کاٹی شبِ ہجراں مت پوچھ
یہ کہانی ہے الم ناک بہت
توقیر علی زئی
[1953-2001]
پھول کم ہیں خس و خاشاک بہت
سوچ کر رہ گئے وہ رستے میں
دوست تھے صاحبِ ادراک بہت
یہ کسی کا بھی طرف دار نہیں
قاضئ وقت ہے سفاک بہت
تند بارش کا عذاب اپنی جگہ
لبِ ہر غنچہ ہے نمناک بہت
ہم کو معلوم تھے کچھ راز مگر
شہرِ یاراں تھے غضب ناک بہت
دشمنی مول نہ لی سچ نہ کہا
یوں تو ہم لوگ تھے بے باک بہت
کیسے کاٹی شبِ ہجراں مت پوچھ
یہ کہانی ہے الم ناک بہت
توقیر علی زئی
[1953-2001]
ابن توقیر
محفلین
قصہ خوانوں کی کیا ضرورت تھی!
داستانوں کی کیا ضرورت تھی!
سر جھکانا تھا، سر جھکا لیتے
آستانوں کی کیا ضرورت تھی
آدمی جب انا کا قیدی تھا
قید خانوں کی کیا ضرورت تھی
کشتیوں میں پڑے تھے چھید تو پھر
بادبانوں کی کیا ضرورت تھی!
زندگی ایک امتحان تھی جب
امتحانوں کی کیا ضرورت تھی!
باغ اجڑنا تھا اس طرح تو پھر
باغبانوں کی کیا ضرورت تھی!
توقیر علی زئی
[1953-2001]
داستانوں کی کیا ضرورت تھی!
سر جھکانا تھا، سر جھکا لیتے
آستانوں کی کیا ضرورت تھی
آدمی جب انا کا قیدی تھا
قید خانوں کی کیا ضرورت تھی
کشتیوں میں پڑے تھے چھید تو پھر
بادبانوں کی کیا ضرورت تھی!
زندگی ایک امتحان تھی جب
امتحانوں کی کیا ضرورت تھی!
باغ اجڑنا تھا اس طرح تو پھر
باغبانوں کی کیا ضرورت تھی!
توقیر علی زئی
[1953-2001]