بابا نجمی دیہاڑی دار از بابا نجمی

[نیرنگ خیال]

اک دیہاڑے انکھاں والا اک مزدور​

سڑک کنارے​

وانگ کبوتر اکھاں میٹی​

تیلے دے نال ماں دھرتی دا سینہ پھولے​

خورے کنک دادا نہ لبھے​

رمبا کہئی تے چھینی ہتھوڑا​

گینتی اپنے اگے دھر کے​

چوری اکھیں ویکھ کے اپنے آل دوالے​

کر کے موہنہ اسماناں ولے​

ہولی ہولی بھیڑے بھیڑے اکھر بولے​

اچی اچی​

اچیا ربا، سچیا ربا، چنگیا ربا​

تو نہیوں ڈبیاں تارن والا​

ساری دنیا پالن والا​

جتھوں کل ادھار اے کھاہدا​

اوتھے وی اے اج دا وعدہ​

میری اج دیہاڑی ٹٹی​

میرے دل چوں تیری چھٹی​

اچیا ربا سچیا ربا چنگیا ربا​

پنجاں کلیاں مگروں جہیڑا​

میرے ویہڑے کھڑیا پھل​

باہحھ دوائیوں​

پونی ورگا ہوندا جاوے​

میرے مستوبل کا دیوا​

ویکھیں کدھرے بجھ نہ جاوے​

اچیا ربا سچیا ربا چنگیا ربا​

اج نئیں جانا خالی ہتھ​

ویچاں بھانویں اپنی رت​

 

[شمشاد]

اچیا ربا، سچیا ربا، چنگیا ربا
تو نہیوں ڈبیاں تارن والا
ساری دنیا پالن والا

بہت خوب بہت ہی خوب
بہت شکریہ

 

[نیرنگ خیال]

اچیا ربا، سچیا ربا، چنگیا ربا
تو نہیوں ڈبیاں تارن والا
ساری دنیا پالن والا

بہت خوب بہت ہی خوب
بہت شکریہ

شکریہ شمشاد بھائی

 

[فلک شیر]

میرے دل چوں تیری چھٹی...........
نہ سئیں، شک نہیں کہ غربت وڈا امتحان اے...........پر اک مومن دے واسطے خالق دی چھٹی ؟؟؟؟
باقی نظم شاندار صورت گری اے مزدور دی حیاتی دی.........

 

[زبیر مرزا]

کدی رج کھان والے جے بُکھے رہن والیا دا دُکھ جان لین تے اک بُرکی روٹی دی کھانی اوکھی ہوجاوے
بڑی کوڑی تے سچی گل بابانجمی نے نظم کیئتی اے

 

[نیلم]

بہت ودیاں جی ۔۔لیکن بہتی مشکل پنجابی ہے

 

[نیرنگ خیال]

میرے دل چوں تیری چھٹی...........
نہ سئیں، شک نہیں کہ غربت وڈا امتحان اے...........پر اک مومن دے واسطے خالق دی چھٹی ؟؟؟؟
باقی نظم شاندار صورت گری اے مزدور دی حیاتی دی.........

پیلے تے ائے دسو کہ التباس توں ناں بدلان وچ کیڑی رمز ائے۔۔۔
دوجا تہاڈی گل نال سولا آنے متفق ہے گا واں پر شاعر شائد بوتا ائ جذباتی ہوگیا۔۔۔ تے دل دی واج نہ دبا سکیا۔۔

کدی رج کھان والے جے بُکھے رہن والیا دا دُکھ جان لین تے اک بُرکی روٹی دی کھانی اوکھی ہوجاوے
بڑی کوڑی تے سچی گل بابانجمی نے نظم کیئتی اے

جی زبیر بھائی۔۔۔ میں سوچ ریا کہ ایہوں جئی کوئی تحریر وی لکھی جائے۔۔۔ جیڑی غربت وچ کیتے گئے کماں نوں کھول کے دسے۔۔۔

بہت ودیاں جی ۔۔لیکن بہتی مشکل پنجابی ہے

بنی پھردی ایں جٹی تے پنجابی تینوں آندی نئیں۔۔۔ کیوں کڑے۔۔۔ کیڑا لفظ نئیوں پلے پیا۔۔۔ دس تینوں سمجھا دیندے آں۔۔۔

 

[بھلکڑ]

اچیا ربا سچیا ربا چنگیا ربا
اج نئیں جانا خالی ہتھ
ویچاں بھانویں اپنی رت

سبحان اللہ جی ۔۔۔۔​

 

[فلک شیر]

التباس کہانی فیر سہی لالہ جی..........

 

[نایاب]

بہت خوب شراکت

 

[نیرنگ خیال]

التباس کہانی فیر سہی لالہ جی..........

اڈیک رئے گی۔۔

بہت خوب شراکت

شکریہ سرکار

اچیا ربا سچیا ربا چنگیا ربا
اج نئیں جانا خالی ہتھ
ویچاں بھانویں اپنی رت

سبحان اللہ جی ۔۔۔ ۔​

شکریہ جناب