دیئے ہوئے لفظ پر شاعری۔۔

[ڈاکٹر عباس]

شکریہ شمشاد بھائی۔

 

[الف عین]

لیکن اگلا لفظ تو دیا ہی نہیں پ ک گ نے۔ اب دے دیں تو گاڑی چلتی رہے

 

[توقیر]

اے موجِ بلا ان کو بھی دو چار تھپیڑے ہلکے سے
کچھ لوگ ابھی تک ساحل سے طوفان کا نظارہ کرتے ہیں

طوفان

 

[ڈاکٹر عباس]

بحر ساکن ھو تو ان کو کوئی پوچھے بھی نہیں
ناخدا خیر مناتے رھیں طوفانوں کی


ساکن​

 

[توقیر]

کبھی ہم بھی خوبصورت تھے
کتابوں میں بسی خوشبو کے مانند
سانس ساکن تھی
بہت سے ان کہے لفظوں سے تصویریں بناتے تھے
پرندوں کے پروں پہ نظم لکھ کر
دور کی جھیلوں میں بسنے والے
لوگوں کو سناتے تھے جو ہم سے دور تھے لیکن
ہمارے پاس رہتے تھے
نئے دن کی مسافت جب کریں کے ساتھ
آنگن میں اُتارتی تھی تو تم کہتے تھے
ہمیں ماتھے پہ بوسہ دو کہ ہم کو
جگنو کی تِتلیاں کے دیس جانا ہے
نئے دن کی مسافت رنگ میں ڈوبی ہوا کے ساتھ
کھڑکی سے بولتی ہے ہمیں ماتھے پہ بوسہ دو

اب
باسی

 

[ڈاکٹر عباس]

بھائی یہ آزاد نظم کا دھاگا نہیں۔ اور لفظ بھی درست نہیں۔یہ کچھ یوں ھے۔کتابوں میں بسی خوشبو۔

 

[توقیر]

یہ عناصر کا پرانا کھیل! یہ دُنیائے دوں
ساکنانِ عرش اعظم کی تمناوں کا خوں!

کیا ساکن کی جمع منظور ہے

 

[الف عین]

اتنے مشکل الفاظ نہیں دئے جائیں تو بہتر ہے۔ ساکنان قبول تو کیا جا سکتا ہے توقیر، لیکن اگلا لفظ تو دو!!!

 

[عمر سیف]

اگلا حرف کیا ہے ؟

 

[توقیر]

اگلا لفظ

کھیل

 

[الف عین]

قطرے میں دجلہ دکھائی نہ دے اور جزو میں کُل
کھیل لڑکوں کا ہوا، دیدۂ بینا نہ ہوا
غالب

قطرہ

 

[شمشاد]

اک اک قطرے کا مجھے دینا پڑا حساب
خونِ جگر ودیعتِ مژگانِ یار تھا
(چچا)

اگلا لفظ “ حساب “

 

[تیشہ]

عذاب دربدری کا حساب دوں کیونکر ۔ ۔۔
مسافتوں کا میں رکھتی نہیں شمار ابھی ۔


عذاب ‘

 

[شمشاد]

آئے کچھ ابر کچھ شراب آئے
اس کے بعد آئے جو عذاب آئے
(فیض احمد فیض)

اگلا لفظ “ شراب “

 

[الف عین]

یہ لوگ کہتے رہا کیا مزا شراب میں تھا
مجھے یقیں نہیں آیا کہ سحرِ آب میں تھا
مابدولت

سحر بمعنی جادو، نہ کہ صبح

 

[الف عین]

سحر پر یہاں گاڑی اٹک گئ؟؟؟؟
حاضر ہے:
جسم کا سحر، طلسم آنکھ کا، لب کے منتر
اُس میں بھی کتنے فسوں ساز ہنر رہتے ہیں
۔۔۔ طلسم

 

[عمر سیف]

میرے پاس ایسا طلسم ہے، جو کئی زمانوں کا اسم ہے
اسے جب بھی سوچا بُلا لیا، اسے جب بھی چاہا بنا دیا
منیر نیازی

اب پھر طلسم

 

[ظفری]

طلسمِ عشق تھا اس کا سات ہونے تک
آیا نہیں خیالِ درد ، نجات ہونے تک
( تاجدار عادل )

نجات

 

[الف عین]

کی عید میں سب اسے بھول گئے۔ ارے یہ آخری عشرہ تو یوں بھی دوزخ سے نجات کا ہے۔ لو چچا کا ہی لو:
قیدِ حیات و بند ِ غم اصل میں دونو ایک ہیں
موت سے پہلے آدمی غم سے نجات پائے کیوں

موصوم سا
غم

 

[جیہ]

استاد محترم کے تخلص کی مناسبت سے چچا کا شعر پیش خدمت ہے
کیوں اندھیری ہے شبِ غم، ہے بلاؤں کا نزول
آج اُدھر ہی کو رہے گا دیدۂ اختر کھلا

اختر