دیئے ہوئے لفظ پر شاعری۔۔

[ڈاکٹر عباس]

جب زندہ لوگ موت کی راھوں پہ چل پڑیں
اتنا ھنسو کہ آنکھ سے آنسو نکل پڑیں

آنسو​

 

[توقیر]

آدھا چہرہ دِکھا کے ہنستے ہیں
ہم تو آنسو بہا کے بستے ہیں

بہا​

 

[عمر سیف]

بہا لو خون سڑکوں پر، مکر اتنا ذرا سوچو
وطن جب خون مانگے گا، تمھارے پاس کیا ہوگا۔

اگلا حرف خون

 

[جیہ]

اسد بسمل ہے کس انداز کا، قاتل سے کہتا ہے
تو مشقِ ناز کر، خونِ دو عالم میری گردن پر

غالب


اگلا لفظ

قاتل

 

[عمر سیف]

میرا قاتل ہی میرا منصف ہے
کیا میرے حق میں فیصلہ دے گا ؟

اگلا حرف
کیا ۔

 

[جیہ]

کیا وہ نمرود کی خدائی تھی؟
بندگی میں مرا بھلا نہ ہوا

غالب



اب خدائی

 

[عمر سیف]

خدا ہم کو ایسی خدائی نہ دے
کہ اپنے سوا کچھ دکھائی نہ دے
خطاوار سمجھے گی دُنیا تجھے
اب اتنی زیادہ صفائی نہ دے

اگلا حرف دُنیا

 

[توقیر]

یہ دنیا ہے تو پھر ایسی یہ دنیا کیوں ہے
یہی ہوتا ہے تو آخیر یہی ہوتا کیوں ہے

اب “ یہی“

 

[جیہ]

بزم میں اُس کے روبرو کیوں نہ خموش بیٹھیے
اُس کی تو خامُشی میں بھی ہے یہی مدّعا کہ یُوں


بزم

 

[عمر سیف]

مجھ تک کب ان کی بزم میں آتا ہے دورِ جام
ساقی نے کچھ ملا نہ دیا ہو شراب میں

شراب

 

[توقیر]

.
زاہد شراب پینےدے مسجد میں بیٹھ کر
یا وہ جگہ بتا دے جہاں پر خدا نہ ہو

اب
مسجد
.

 

[الف عین]

جب مے کدہ چھٹا تو پھر اب کیا جگہ کی قید
مسجد ہو، مدرسہ ہو، کوئی خانقاہ ہو

مدرسہ

 

[توقیر]

.
جب میکدہ چھوٹا تو پھر اب کیاجگہ کی قید
مسجد ہو مدرسہ ہو کوئ خانقاہ ہو

اب
خانقاہ
.

 

[الف عین]

یہ دھاندلی ہے بھائ پ ک گ، اپنا نام بتاؤ تو اس سے مخاطب کیا جائے۔
وہی شعر دوہرا دینے سے کام نہیں چلے گا، اس میں دیا ہوا لفظ تو ظاہر ہے کہ ہوگا ہی
مدرسہ سے دوسرا شعر دیں۔

 

[توقیر]

معافی چاہتا ہوں۔جان بوجھ کر نہیں کیا۔ پیارکروگی

مدرسے نے تری آنکھوں سے چھپایا جن کو
خلوتِ کوہ و بیاباں میں وہ اسرار ہیں فاش!

اب
فاش

 

[ڈاکٹر عباس]

تو نے یہ کیا غضب کیا مجھ کو بھی فاش کر دیا
میں ھی تو ایک راز تھا سینہء کائنات میں

کائنات​

اب درست شمشاد بھائی۔

 

[توقیر]

اللہ رے خوف تیغِ شاہِ کائنات کا
زہر آہ تھا اب خوف کے مارے فرات کا
دریا میں حال یہ تھا ہر ایک بدصِفات کا
چہرہ فرار کا تھا نا یارہ صبات کا
غل تھا کے برق گرتی ہے ہر دِرع پوش پر
بھاگو خدا کے قہر کا دریا ہے جوش پر

اب
فرات

 

[ڈاکٹر عباس]

پیاسی جو تھی فوجِ خدا تین رات کی
ساحل پہ سر پٹختی تھیں موجیں فرات کی
ساحل​

 

[توقیر]

اے موجِ بلا ان کو بھی دو چار تھپیڑے ہلکے سے
کچھ لوگ ابھی تک ساحل سے طوفان کا نظرہ کرتے ہیں

 

[شمشاد]

یہ تو نے کیا غضب کیا مجھ کو بھی فاش کر دیا
میں ھی تو ایک راز تھا سینہء کائنات میں

کائنات​

پہلا مصرعہ یوں ہے :

“ تو نے یہ کیا غضب کیا ۔۔۔۔۔۔“