دیئے گئے لفظ پر شاعری

[محمد وارث]

کبھی زلفوں کی گھٹا نے گھیرا
کبھی آنکھوں کی چمک یاد آئی

ذرّے پھر مائلِ رَم ہیں ناصر
پھر اُنھیں سیرِ فلک یاد آئی

(کاظمی)

زلف

 

[الف عین]

رنگ پیراہن کا خوشبو زلف لہرانے کا نام
موسمِ گُل ہے تمھارے بام پر آنے کا نام
فیض

موسم

 

[عیشل]

یادوں کے نئے موسم نے یہ احسان کیے ہیں
اب یاد مجھے درد پرانے نہیں آتے

درد

 

[محمد وارث]

درد ہو دل میں تو دوا کیجے
دل ہی جب درد ہو تو کیا کیجے

(غالب)

دل

 

[عمر سیف]

پھر نظر میں پھول مہکے، دل میں شمعیں جلیں
پھر تصور نے لیا اس بزم میں جانے کا نام

اب مہک ۔۔۔

 

[الف عین]

چند راتوں کا کاجل، دِنوں کی چمک، چند خوابوں کے پھولوں کی جنگلی مہک
میں تو دست تہی اُن سے رخصت ہوا، میرے پیچھے بہت سلسلے رہ گئے
اعجاز عبید

سسلہ، سلسلے

 

[عمر سیف]

سلسلے توڑ گیا وہ سبھی جاتے جاتے
ورنہ اتنے تو مراسم تھے کے آتے جاتے

اب مراسم ۔۔۔۔

 

[الف عین]

پہلے سے مراسم نہ سہی، پھر بھی کبھی تو
رسم و رہِ دنیا ہی نبھانے کے لئے آ
فراز

رسم و رہ

 

[شمشاد]

کوئی کاش مجھ کو بتاسکے رہ و رسمِ عشق کی الجھنیں
وہ کہے تو بات پتے کی ہے میں کہوں تو خام خیال ہے
(سرور)


الجھن

 

[ہما]

ڑاستہ روکے کھڑی ہے یہی اُلجھن کب سے
کوئی پوچھے تو کہیں‌کیا ، کہ کدھر جاتے ہیں
چھت کی کھڑکیوں سے اُترتے ہیں میرے خواب مگر
میری دیواروں سے ٹکرا کے بکھر جاتے ہیں

بکھر

 

[شمشاد]

نظّارے نے بھی کام کِیا واں نقاب کا
مستی سے ہر نگہ ترے رخ پر بکھر گئی
(چچا)


مستی

 

[الف عین]

گانا ہی نہیں شعر بھی ہے۔۔۔

ان آنکھوں کی مستی کے مستانے ہزاروں ہیں
ان آنکھوں سے وابستہ افسانے ہزاروں ہیں

افسانے

 

[شمشاد]

افسانہ لکھ رہی ہوں دل بے قرار کا
آنکھوں میں رنگ بھر کے تیرے انتظار کا


اب آنکھ

 

[ہما]

کسی کلی نے بھی دیکھا نہ آنکھ بھر کے مُجھے
گُزر گئی جرسِ گُل اُداس کر کے مُجھے

میں سو رہا تھا کسی یاد کے شبستاں میں
جگا کے چھوڑ گئے قافلے سحر کے مجھے

آنکھیں

 

[شمشاد]

لگا کر آگ خود اہل چمن آنکھیں دکھاتے ہیں
روایت اک نئی گلشن میں قائم ہوتی جاتی ہے
(سرور)


آگ

 

[ہما]

آگ پوری کہاں بُجھی ہے ابھی
دیدہ ء تر میں تشنگی ہے ابھی
دوستوں سے چُکا رہا ہوں حساب
دشمنوں‌سے کہاں ٹھنی ہے ابھی

دُشمن

 

[شمشاد]

اس رنگ سے اٹھائی کل اس نے اسد کی نعش
دشمن بھی جس کو دیکھ کے غمناک ہو گئے
(چچا)


اگلا لفظ غمناک

 

[شمشاد]

یہ ایک اچھا سلسلہ ہے۔ اسی کو آگے بڑھائیں۔

 

[شمشاد]

مجھے ایسا کوئی شعر نہیں ملا جس میں لفظ " غمناک " آیا ہو۔ اس لیے لفظ " غم " سے شعر دے رہا ہوں۔

نصیر اب کھیلنا ہے بحرِ غم کے تیز دھارے سے
سفینہ زیست کا ممنونِ ساحل ہو نہیں سکتا
(سیّد نصیر الدین نصیر)

اگلا لفظ " زیست "

 

[یونس رضا]

زیست کرنے کو مرے پاس بہت کچھ ہے ابھی
تری آواز کا جادو ہے ابھی مرے لئے

(پروین شاکر

اگلا لفظ ہے "جادو"