دیئے گئے لفظ پر شاعری

[شمشاد]

سارہ کے ' دیئے ہوئے لفظ پر شاعری ' والا دھاگہ 100 صفحے پورے کر کے مقفل ہوا۔ اب نیا دھاگہ ' دیئے گئے لفظ پر شاعری ' کے نام سے۔

تو شروع کریں حرف " وفا " سے۔

 

[فاتح]

دل نے وفا کے نام پر کارِ وفا نہیں کیا
خود کو ہلاک کر لیا، خود کو فدا نہیں کیا​

(جون ایلیا)

ہلاک

 

[شمشاد]

کسی پہ ہوتی ہے سرمست شاخسار دونیم
کسی پہ بادِ صبا کو ہلاک کرتے ہیں
(فیض)


بادِ صبا / صبا

 

[محمد وارث]

جاتے ہوائے شوق میں ہیں اس چمن سے ذوق
اپنی بلا سے بادِ صبا اب کبھی چلے

چمن

 

[شمشاد]

لیے ہے بوئے رفاقت اگر ہوائے چمن
تو لاکھ پہرے بٹھائیں قفس پہ ظلم پرست
(فیض)

قفس

 

[عمر سیف]

عدم اب تک وہی بچپن، وہی تخریب کاری ہے
قفس کو توڑتا ہوں پرندے چھوڑ دیتا ہوں

اب بچپن ۔۔۔۔

 

[شمشاد]

وہ ماتھے کا مطلع ہو کہ ہونٹوں کے دو مصرعے
بچپن کی غزل ہی میری محبوب رہی ہے
(بشیر بدر)

ہونٹ

 

[عمر سیف]

زخمی ہوئے ہونٹ تو محسوس یہ ہوا
چوما تھا کسی پھول کو دیوانگی کے ساتھ

اب محسوس

 

[شمشاد]

ہم اُس محفل میں بس ایک بار سچ بولے تھے اے والی
زبان پر عمر بھر محسوس کیں چنگاریا ں ہم نے



چنگاری

 

[محمد وارث]

وہ چنگاری خس و خاشاک سے کس طرح دب جائے
جسے حق نے کیا ہو نیستاں کے واسطے پیدا


وہی ہے صاحب امروز جس نے اپنی ہمت سے
زمانے کے سمندر سے نکالا گوہر فردا

(اقبال)

حق

 

[الف عین]

جان دی، دی ہوئ اسی کی تھی
حق تو یہ ہے کہ حق ادا نہ ہوا
چچا

جان
(جانِ من والا نہیں)

 

[شمشاد]

اب شہر میں اس کا بدل ہی نہیں، کوئی ویسا جانِ غزل ہی نہیں
ایوانِ غزل میں لفظوں کے گُلدان سجاؤں کس کے لیے
(ناصر کاظمی)


شہر

 

[عمر سیف]

یہاں سے شہر کو دیکھو تو حلقہ در حلقہ
کھیچی ہے جیل کی صورت ہر ایک سمت فصیل
ہر ایک راہگزر گردشِ اسیراں ہے
نہ سنگِ میل، نہ منزل نہ مخلصی کی سبیل

اب حلقہ ۔۔۔۔

 

[شمشاد]

اے دل تجھے دشمن کی بھی پہچان کہاں ہے
تُو حلقہء یاراں میں بھی محتاط رہا کر!
(محسن نقوی)

دشمن

 

[عمر سیف]

دشمن ہے اور ساتھ رہے جان کی طرح
مجھ میں اتر گیا ہے وہ سرطان کی طرح

اب سرطان ۔۔۔۔

 

[شمشاد]

جس وقت فراز خون کا سرطان بن گیا
وہ لمحے ، وہ وصال کے منظر بدل گئے
(فاخرہ بتول)


وصال

 

[الف عین]

شبِ وصال کے بعد آئینہ تو دیکھ اے دوست
ترے جمال کی رعنائیاں نکھر آئیں
فراق

رعنائی

 

[فاتح]

دل اُڑانے کے سب اسباب ملے ہیں ان کو
ناز ہے، غمزہ ہے، انداز ہے، رعنائی ہے

غمزہ

 

[شمشاد]

بہ نیم غمزہ ادا کر حقِ ودیعتِ ناز
نیامِ پردۂ زخمِ جگر سے خنجر کھینچ
(چچا)

اب ' جگر '

 

[فاتح]

نالۂ بلبلِ شیدا تو سنا ہنس ہنس کر
اب جگر تھام کے بیٹھو مری باری آئی
(لالا مدھو رام جوہر)

شیدا