دیئے گئے لفظ پر شاعری - دوسرا دور

[اکمل زیدی]

بلاشبہ تخیل اچھا ہے

بہت شکریہ حوصلہ افزائی کا ...دراصل خوش سلیقگی پر بہت ڈھونڈا شعر نہ مل سکا تو یہ طبع آزمائی کاری حالانکہ گرہ بندی کا ایک سیکشن موجود ہے اس کے لئے

 

[یوسف سلطان]

آپ کے شعر میں خوش سلیقگی استعمال نہیں ہوا

کیونکہ پہلے جو ادب دوست بھائی نے جو شعر لکھا تھا اس میں انہوں نے لفظ نمو منتحب کیا تھا ۔ پھر لگتا ہے تدوین کر دی انہوں نے

 

[یوسف سلطان]

مصرع کبھو کبھو کوئی موضوع کروں ہوں میں
کس خوش سلیقگی سے جگر خوں کروں ہوں میں

مصرع کوئی کوئی کھبو موزوں کروں ہوں میں
کس خوش سلیقگی سے جگر خوں کروں ہوں میں
ادب دوست بھائی یہ بھی دیکھ لیں۔

 

[ادب دوست]

کیونکہ پہلے جو ادب دوست بھائی نے جو شعر لکھا تھا اس میں انہوں نے لفظ نمو منتحب کیا تھا ۔ پھر لگتا ہے تدوین کر دی انہوں نے

جی جی ایسا ہی ہے
رات کے آخری پہر یہ شرارت سوجھی کہ مشکل لفظ دیا جائے

 

[ادب دوست]

مصرع کوئی کوئی کھبو موزوں کروں ہوں میں
کس خوش سلیقگی سے جگر خوں کروں ہوں میں
ادب دوست بھائی یہ بھی دیکھ لیں۔

جی یوسف بھائی یہی درست ہوگا میں نے تو اپنی یاداشت سے لکھا تھا ہوسکتا ہے غلطی ہوگئی ہو۔
باقی املا درست کرلیا ہے بہت شکریہ

 

[میاں وقاص]

جُڑ گئے کیسے ستارے پردہ افلاک پر
فرش سبزے کا بچھایا ہے یہ کس نے خاک پر

صبا اکبر الہ آبادی

خاک

 

[یوسف سلطان]

پریشاں ہو کے میری خاک آخر دل نہ بن جائے
جو مشکل اب ہے یا رب پھر وہی مشکل نہ بن جائے
علامہ اقبال
آخر

 

[اکمل زیدی]

میں تجھ کو بتاتا ہوں تقدیر اُمم کیا ہے
شمشیر و سناں اول ، طاؤس و رباب آخر
علامہ اقبال
شمشیر

 

[نازنین شاہ]

ٹوٹ کر کس پر گرے گی کب قیامت ڈھائے گی
کچے دھاگوں سے لٹکتی وقت کی شمشیر ہے
ضیاء خان

اگلا لفظ : لٹکتی

 

[زھرا]

اب تو کچھ اور ہی خطرات سے دو چار ہوں میں
اپنے ہی سر پہ لٹکتی ہوئی تلوار ہوں میں
رفیق راز

اگلا لفظ : تلوار

 

[ادب دوست]

سامنے ابروِ خم دار کے رکھ دیتے ہیں
حوصلے توڑ کہ تلوار کے رکھ دیتے ہیں

ابرو
شاعر: اعجاز رحمانی

 

[سارہ خان]

صبح سے جنبشِ ابرو و مژدہ سے پیہم​

نہ تیرے تیر رکے ہیں نہ کماں ٹھہری ہے​

دم نکلنے کو ہے ایسے میں وہ آ جائیں قمرؔ​

صرف دم بھر کے لیے روح رواں ٹھہری ہے
دم​

 

[لاریب مرزا]

محبت میں نہیں ہے فرق جینے اور مرنے کا،
اسی کو دیکھ کر جیتے ہیں جس کافر پہ دم نکلے..!!

محبت

 

[سارہ خان]

محبت کی منزل ہی شاید نہیں ہے
کہ جب دیکھیے امتحاں اور بھی ہیں
(جگر مراد آبادی)

شاید​

 

[لاریب مرزا]

خزاں کا موسم تیری بے رُخی کو کہتے ہیں،
بہار ________ تیری توجہ کا نام ہے شاید..!!!

نام

 

[ادب دوست]

کوئی نام و پتا پوچھے تو قاصد صاف کہہ دینا
تخلص داغؔ ہے اور عاشقوں کے دل میں رہتے ہیں

تخلص

 

[ناصر رانا]

تخلص کی رعایت سے مجھے احمق سمجھ لیجیے وگرنہ فی الحقیقت حسن ظن ہے بندہ پرور کا

حسن ظن

 

[سارہ خان]

حسن ظن کام لیجے بد گمانی پھر سہی

بے تکلف اور کیجیئے مہربانی پھر سہی
مغیث الدین فریدی

تکلف

 

[یوسف سلطان]

بناوٹ اور تکلف سے ہمیں فطری عداوت ہے
کہ ہم سادہ طبیعت ، سادگی کو پیار کرتے ہیں
سادگی​

 

[ناصر رانا]

اس سادگی پہ کون نہ مر جائے اے خدا
لڑتے ہیں اور ہاتھ میں تلوار بھی نہیں

تلوار