دیئے گئے لفظ پر شاعری - دوسرا دور

[ماہی احمد]

امن و امانِ شہرِ دل خواب و خیال ہے ابھی
یعنی کہ شہرِ دل کا حال اور خراب چاہیے
جون ایلیا

امن

 

[شمشاد]

جس گھر کی فضا ایک قبیلے کی طرح ہے
وہ امن کے سر سبز جزیرے کی طرح ہے
(حزیں صدیقی)


گھر

 

[اوشو]

میرے خدا مجھے اتنا تو معبتر کر دے
میں جس مکان میں رہتا ہوں اس کو گھر کر دے
معتبر

 

[شمشاد]

وہ میرے نام کی نسبت سے معتبر ٹھہرے
گلی گلی میری رسوائیوں کا ساتھی ہو
(افتخار عارف)

گلی

 

[عمر سیف]

اس کی گلی سے اٹھ کے میں، آن پڑا تھا اپنے گھر
ایک گلی کی بات تھی، اور گلی گلی گئی
جون ایلیا

بات

 

[شمشاد]

سنا ہے بولےتو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں
(احمد فراز)

پھول

 

[ماہی احمد]

خوشبو کے ہاتھ پھول کا پیغام رہ گیا
یہ دل کا سلسلہ بھی سرِعام رہ گیا

فاخرہ بتول

سلسلہ

 

[میاں وقاص]

یہ لبوں کی تھرتھراہٹ یہ جو دل کی بے کلی ہے
ترے پیار کی بدولت مجھے میرے رب نے دی ہے

سعادت حسن

منٹو نی بھی شعر کہے ہیں

 

[یوسف سلطان]

میری زنجیر کی جھنکار نہ کوئی سنتا
شورمجنوں نہ اگر سلسلہ جنباں ہوتا
میر تقی میر

زنجیر

 

[عمر سیف]

یہ آرزو تھی تجھے گل کے رُوبرو کرتے
ہم اور بلبلِ بے تاب گفتگو کرتے
جو دیکھتے تیری زنجیر زلف کا عالَم
اسیر ہونے کی آزاد آرزو کرتے

بےتاب

 

[یوسف سلطان]

عاشقی صبر طلب اور تمنا بےتاب..

دل کا کیا رنگ کریں خون جگر ہوتے تک..
غالب

جگر

 

[ادب دوست]

مصرع کبھو کبھو کوئی موزوں کروں ہوں میں
کس خوش سلیقگی سے جگر خوں کروں ہوں میں


خوش سلیقگی

 

[یوسف سلطان]

تم جس کو دیکھتے ہو کھلتے ہوئے ، وہ چہرہ
افلاک سے نمو کی مٹی پہن کے نکلا
افتخار نسیم (اِفتی نسیم)
افلاک

 

[محمد تابش صدیقی]

تم جس کو دیکھتے ہو کھلتے ہوئے ، وہ چہرہ
افلاک سے نمو کی مٹی پہن کے نکلا
افتخار نسیم (اِفتی نسیم)
افلاک

آپ کے شعر میں خوش سلیقگی استعمال نہیں ہوا

 

[اکمل زیدی]

نالہ تابہ افلاک جو نہ ہو سکا بلند
بیاں میں احتمال خوش سلیقگی رہا
راقم

دونوں حروف کو نبھانے کی کوشش کی ہے۔

احتمال

 

[محمد تابش صدیقی]

نالہ تابہ افلاک جو نہ ہو سکا بلند
بیاں میں احتمال خوش سلیقگی رہا
راقم

دونوں حروف کو نبھانے کی کوشش کی ہے۔

احتمال

کوشش کافی ہلی ہوئی ہے وزن سے، مزید کوشش کریں۔

 

[سید عاطف علی]

نالہ تابہ افلاک جو نہ ہو سکا بلند
بیاں میں احتمال خوش سلیقگی رہا
راقم
دونوں حروف کو نبھانے کی کوشش کی ہے۔
احتمال

کوشش کافی ہلی ہوئی ہے وزن سے، مزید کوشش کریں۔

اس طرح موزون ہو سکتا ہے ۔
نالہ سر فلک جونہ پہنچے تو جان لے
کچھ خوش سلیقگی میں کمی کا ہےاحتمال

 

[اکمل زیدی]

اس طرح موزون ہو سکتا ہے ۔
نالہ سر فلک جونہ پہنچے تو جان لے
کچھ خوش سلیقگی میں کمی کا ہےاحتمال

بہت خوب ..کیا بات ہے
ہمارے ...کچھ خیال ہی کی تعریف کردیں

 

[محمد تابش صدیقی]

بلاشبہ تخیل اچھا ہے

 

[اکمل زیدی]

کوشش کافی ہلی ہوئی ہے وزن سے، مزید کوشش کریں۔

مجھے اندازہ تھا اس بات کا اور یہ یقین تھا کے سنبھالنے والے بھی ہیں ....