دو جہاں میں اس کی وقعت ہو گئی

خواجہ عزیز الحسن مجذوبؔ کی زمین میں ایک کاوش اساتذہ کرام اور محفلین کی خدمت میں پیش ہے۔امید ہے رائے سے آگاہ کریں گے۔

دو جہاں میں اس کی وقعت ہو گئی
ایک تجھ سے جس کو نسبت ہو گئی

بے خودی میں ایسی حالت ہو گئی
جو کہا تیری ہی مدحت ہو گئی

منکشف ہم پر حقیقت ہو گئی
جس کا تُو اس کی یہ خلقت ہو گئی

ہر الم سے ہی کفایت ہو گئی
جب ہمیں تجھ سے محبت ہو گئی

گر نصیب اک تیری قربت ہو گئی
پھر تو یہ دنیا ہی جنت ہو گئی

اہلِ دل میں اپنی شہرت ہو گئی
جگ ہنسائی گویا نعمت ہو گئی

ایک پل گر تجھ سے غفلت ہو گئی
اس گھڑی میری ہلاکت ہو گئی

جب تری چشمِ عنایت ہو گئی
عاطفِؔ مضطر پہ رحمت ہو گئی​

عاطفؔ ملک
مارچ ۲۰۲۰​

 

کیا بات ہے! پتہ ہی نہیں چلا کب مطلعے سے مقطعے تک پہنچ گئے

 

نوازش راحلؔ بھائی

 

ہماری نظر بھی کچھ یوں ہی پھسلی ہے
بہت خوب عاطف صاحب۔۔

 

نوازش

بہت بہت شکریہ خلیل صاحب

 

ماشاءاللہ بہت خوب

 

ہاہاہاہا۔۔۔۔۔بہت شکریہ

بہت بہت شکریہ جناب

 

بہت خوب ! عاطف بھائی ! اچھی غزل ہے!

 

بہت بہت شکریہ ظہیر صاحب

 

بہت اچھی غزل ہے ملک صاحب!

یہ شعر مجھے خاص طور سے بہت پسند آیا۔

 

بہت خوب عاطف بھائی داد قبول کیجیے

 

بہت شکریہ فرحان

 

ماشاءاللہ۔ بہت خوبصورت غزل ہے عاطف بھائی۔بہت خوب۔