ابن انشا دل ہجر کے درد سے بوجھل ہے، اب آن ملو تو بہتر ہو۔۔۔۔۔ انشاء جی

دل ہجر کے درد سے بوجھل ہے، اب آن ملو تو بہتر ہو
اس بات سے ہم کو کیا مطلب، یہ کیسے ہو، یہ کیونکر ہو

یہ دل ہے کہ جلتے سینے میں، اک درد کا پھوڑا الہڑ سا
نہ گپت رہے، نہ پھوٹ بہے، کوئی مرہم ہو، کوئی نشتر ہو

ہم سانجھ سمے کی چھایا ہیں، تم چڑھتی رات کی چندرما
ہم جاتے ہیں، تم آتے ہو، پھر میل کی صورت کیونکر ہو

اب حسن کا رتبہ عالی ہے، اب حسن سے صحرا خالی ہے
چل بستی میں بنجارہ بن، چل نگری میں سوداگر ہو

وہ راتیں چاند کے ساتھ گئیں، وہ باتیں چاند کے ساتھ گئیں
اب سکھ کے سپنے کیا دیکھیں، جب دکھ کا سورج سر پر ہو‌

اب انشاء جی کو بلانا کیا، اب پیار کے دیپ جلانا کیا
جب دھوپ اور چھایا ایک سے ہوں، جب دن اور رات برابر ہوں

انشاء جی

 

واہ واہ کیا بات ہے انشا جی کی - بہت شکریہ پوسٹ کرنے کے لیے جیا راؤ !

 

واہ واہ بہت خوبصورت غزل ہے، شکریہ جیا راؤ شیئر کرنے کیلیئے!

 

واہ واہ .....کمال کر دیا آپ نے غزل پیش کر کے ........مجھے یہ بہت پسند ہے.......
؎آپ کا شکریہ جیا راؤ

 

شکریہ جناب غزل پسند کرنے کا۔

 

شکریہ وارث جی

 

شکریہ فاروقی
مجھے بھی یہ بہت پسند ہے۔۔

 

ابنِ انشاء کی تو بات ہی نرالی ہے۔ بہت ہی مترنم اور بھرپور غزلیں کہیں ہیں انشاء جی نے۔

یہ غزل بھی ایک شاہکار ہے۔

بہت شکریہ کہ آپ نے اسے یہاں پیش کیا

 

شکریہ احمد صاحب

 

بہت خوب لاجواب غزل ہے، جیا جی شیئر کرنے کا بہت شکریہ۔

 

وہ راتیں چاند کے ساتھ گئیں، وہ باتیں چاند کے ساتھ گئیں
اب سکھ کے سپنے کیا دیکھیں، جب دکھ کا سورج سر پر ہو‌

واہ۔ عمدہ!
ابنِ انشاء کی شاعری اور چاند کا ذکر نہ ہو۔ ناممکن

بہت شکریہ جیا!

 

​

دل ہجر کے درد سے بوجھل ہے، اب آن ملو تو بہتر ہو​

اس بات سے ہم کو کیا مطلب، یہ کیسے ہو، یہ کیونکر ہو​

​

اک بھیک کے دونوں کاسے ہیں، اک پیاس کے دونوں پیاسے ہیں​

ہم کھیتی ہیں، تم بادل ہو، ہم ندیا ہیں تم ساگر ہو​

​

یہ دل ہے کہ جلتے سینے میں، اک درد کا پھوڑا الہڑ سا​

نہ گپت رہے، نہ پھوٹ بہے، کوئی مرہم ہو، کوئی نشتر ہو​

​

ہم سانجھ سمے کی چھایا ہیں، تم چڑھتی رات کی چندرما​

ہم جاتے ہیں، تم آتے ہو، پھر میل کی صورت کیونکر ہو​

​

اب حسن کا رتبہ عالی ہے، اب حسن سے صحرا خالی ہے​

چل بستی میں بنجارہ بن، چل نگری میں سوداگر ہو​

​

وہ راتیں چاند کے ساتھ گئیں، وہ باتیں چاند کے ساتھ گئیں​

اب سکھ کے سپنے کیا دیکھیں، جب دکھ کا سورج سر پر ہو‌​

​

اب انشاء جی کو بلانا کیا، اب پیار کے دیپ جلانا کیا​

جب دھوپ اور چھایا ایک سے ہوں، جب دن اور رات برابر ہوں​

 

یہ دل ہے کہ جلتے سینے میں، اک درد کا پھوڑا الہڑ سا
نہ گپت رہے، نہ پھوٹ بہے، کوئی مرہم ہو، کوئی نشتر ہو

 

انشا جی ! کمال کرتے ہو۔ عمدہ انتخاب

 

واہ جناب بہت خُوب
وہ راتیں چاند کے ساتھ گئیں، وہ باتیں چاند کے ساتھ گئیں

 

شکریہ پسندیدگی کے لئے۔

 

دل ہجر کے درد سے بوجھل ہے، اب آن ملو تو بہتر ہو
اس بات سے ہم کو کیا مطلب، یہ کیسے ہو، یہ کیونکر ہو

واہ کيا بات ھے۔۔۔ بہت عمدہ شعر ھے

 

انشاء جی کی کیا بات ہے۔۔

 

اعلیٰ انتخاب

 

اس بات سے ہم کو کیا مطلب، یہ کیسے ہو، یہ کیونکر ہو


کیا خوب