دل کے موضوع پر اشعار!

[نوید صادق]

دل لگانے کا ارادہ پھر ہے شائد شیفتہ
ایسی حسرت سے جو ہے گزری ہوئی الفت کی یاد

شاعر: شیفتہ

 

[عمر سیف]

دل ناامید تو نہیں، ناکام ہی تو ہے
لمبی ہے غم کی شام، مگر شام ہی تو ہے

 

[شمشاد]

جو ابر ہے سو وہ اب سنگ و خشت لاتا ہے
فضا یہ ہو تو دلوں کی نزاکتیں کیسی
(عبید اللہ علیم)

 

[عمر سیف]

تنہائی میں لے جائیں گے سمجھائیں گے دل کو
یہ مان بھی جائے گا یہ دعویٰ نہ کریں گے
وعدہ ہے کہ اب اور جلائیں گے نہ جی کو
نقصان ہے اسمیں تو یہ سودا نہ کریں گے

 

[شمشاد]

جسم کی بات نہیں تھی ان کے دل تک جانا تھا
لمبی دوری طے کرنے میں وقت تو لگتا ہے

 

[عمر سیف]

زبانوں پر دلوں کی بات جب ہم لا نہیں سکتے
جفا پر بھی وفا کی داستاں کہنا ہی پڑتا ہے

 

[شمشاد]

جس دھوپ کی دل میں ٹھنڈک تھی وہ دھوپ اُسی کے ساتھ گئی
اِن جلتی بَلتی گلیوں میں اب خاک اُڑاؤں کس کے لیے
(ناصر کاظمی)

 

[نوید صادق]

اس کے آتے ہی بھڑک اٹھی اور
آتشِ دل کو بجھاؤں کیوں کر


شاعر: شیفتہ

 

[شمشاد]

خیال و خواب کو اب مل نہیں رہی ہے اماں
نہ اب وہ مستیِ دل ہے نہ اب وہ نشہ جاں
(جون ایلیا)

 

[نوید صادق]

تیری راہیں تکتے آنکھیں سُوج گئیں
تیری چاپ ترستے دل پامال ہوا


شاعر: رام ریاض

 

[شمشاد]

میرے دل میں بڑے آئینے ہیں، تصویریں ہیں
سچ بتانا کہ تمہیں کیسا یہ گھر لگتا ہے
(رام ریاض)

 

[نوید صادق]

حوصلہ ہار گیا دل تو چھٹی درد کی دُھند
سوچ کے پاؤں ہوئے شل تو سحر دیکھی ہے

شاعر: سید آلِ احمد

 

[شمشاد]

میرے مسلک میں تو جس دل میں تری چاہ نہ ہو
کشتنی، سوختنی ہے مرے مکی مدنی
(رام ریاض)

 

[بلال]

مجھ کو ديوانہ سمجھتے ہيں تيرے شہر کے لوگ
ميرے دامن سے الجھتے ہيں تيرے شہر کے لوگ
اور کيا دوں ميں تجھے اپني وفاؤں کا ثبوت
اب ميرے حال پے ہنستے ہيں تيرے شہر کے لوگ
ميں گيا وقت ہوں واپس نہيں آنے والا
کيوں ميرا راستہ تکتے ہيں تيرے شہر کے لوگ
دل کي باتوں کو لب پے نہيں لاتے ليکن
مجھ پے آواز تو کستے ہيں تيرے شہر کے لوگ

 

[بلال]

دل کے پھپھولے جل اٹھے سينے کے داغ سے
اس گھر کو آگ لگ گئ گھر کے چراغ سے

یہ شعر میں‌نے کافی عرصہ پہلے سنا تھا اب پتہ نہیں‌ٹھیک ہے یا غلط اگر غلط ہے تو صحیح کر دیجئے گا۔۔۔

 

[شمشاد]

تیری راہیں تکتے آنکھیں سُوج گئیں
تیری چاپ ترستے دل پامال ہوا
(رام ریاض)

 

[فیصل عظیم فیصل]

دل کی پامالی ہو یا پھر آنکھیں سُوج نشیلی ہوں
نزع کے عالم میں بھی تیری یادیں خوب رسیلی ہوں
جسم میں خون کی مانند چلنا تیری قسمت بن جائے
میری یاد تجھے جب آئے تیری آنکھیں گیلی ہوں

(فیصل عظیم)

 

[شمشاد]

اکثر تیری صورت دیکھ کے یوں محسوس ہوا
جیسے دل میں ٹوٹ کہیں بجلی کے تار گئے
(رام ریاض)

 

[فیصل عظیم فیصل]

اکثر تیری صورت دیکھ کے یوں محسوس ہوا
جیسے دل میں ٹوٹ کہیں بجلی کے تار گئے
(رام ریاض)

لیجئے ایک پرانی کاوش آج یاد آگئی

 

[شمشاد]

لیکن یہ کیا؟ اسے یونیکوڈ میں پوسٹ کریں تو مزہ بھی آئے۔