دل کے موضوع پر اشعار!

[سارہ خان]

ہم سمندر کی طرح ظرف وسیع رکھتے ہیں
دل میں طوفاں چہرے پر تسکیں رکھتے ہیں

 

[سارہ خان]

نظر میں ڈھل کے ابھرتے ہیں دل کے افسانے
یہ اور بات ہے دنیا نظر نہ پہچانے

 

[شمشاد]

دل اور وہ بھی ٹوٹا ہوا دل
اب زندگی ہے جینے کے قابل
(تسکین قریشی)

 

[سارہ خان]

چہرے سجے سجے ہیں تو دل ہیں بجھے بجھے
ہر شخص میں تضاد ہے دن رات کی طرح

 

[ظفری]

مجھے کیا پڑی ھے ساجد کب پرائی آگ مانگوں
میں غزل کا آدمی ھوں میرے اپنے ہیں الاؤ
مرے چارہ گر بہت ہیں یہ خلش مگر ہے دل میں
کوئی ایسا ھو کہ جس کو ہوں عزیز میرے گھاؤ​

 

[شمشاد]

نہ جاؤ حالِ دلِ زار دیکھتے جاؤ
کہ جی نہ چاہے تو ناچار دیکھتے جاؤ
(داغ دہلوی)

 

[شمشاد]

دل کے آئینے پہ نہ لکھو راز کی باتیں
آنکھ کی کھڑکی کھلی ہے عکس باہر آئے گا

 

[الف عین]

دل ہے تو دھڑکنے کا بہانہ کوئ ڈھونڈھے
پتھر کی طرح بے حس و بے جان سا کیوں ہے
شہر یار

 

[شمشاد]

دلِ ناداں تجھے ہوا کیا ہے
آخر اس درد کی دوا کیا ہے

 

[شمشاد]

داستانِ غمِ دل ان کو سنائی نہ گئی
بات بگڑی تھی کچھ ایسی کہ بنائی نہ گئی
(جگر مراد آبادی)

 

[ڈاکٹر عباس]

یہی دل تھا کہ تڑپتا تھا مراسم کے لئے
اب یہی ترکِ تعلق کے بہانے مانگے

 

[شمشاد]

تلخیِ مئے میں ذرا تلخیِ دل تھی گھولیں
اور کچھ دیر یہاں بیٹھ کے پی لیں رہ لیں

ہائے یہ دل کی کسک ہائے یہ آنکھوں کی جلن
نیند آ جائے اگر تو ہم بھی سو لیں
(کرشن ادیب)

 

[شمشاد]

پھر کوئی آیا دلِ زار نہیں کوئی نہیں
راہ رو ہو گا کہیں اور چلا جائے گا
(فیض احمد فیض)

 

[ڈاکٹر عباس]

دل کی دھڑکن کا اعتبار نہیں
ورنہ آواز تو تمہاری ھے

 

[شمشاد]

تصویر تیری دل میرا بہلا نہ سکے گی
یہ تیری طرح مجھ سے تو شرما نہ سکے گی
(فیاض ہاشمی)

 

[شمشاد]

تیرا جلوہ نہایت دل نشیں ہے
محبت لیکن اس سے بھی حسیں ہے
(شمیم جے پوری)

 

[عبدالجبار]

یہی دل تھا کہ ترستا تھا مراسم کے لئے
اب یہی ترکِ تعلق کے بہانے مانگے​

 

[شمشاد]

آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا
(احمد فراز)

 

[عبدالجبار]

اُن کی محفل میں تو ہو ہی جائے گا اک دن گزر
وہ ہمیں دل میں جگہ دیں، یہ ہمارے دل میں ہے
دل کی باتیں پوچھنے کی ضد ہے آخر کس لئے ؟
دل ہی دل میں خود سمجھ لو، جو ہمارے دل میں‌ہے​

 

[عمر سیف]

بےدم ہوئے بیمار دوا کیوں نہیں دیتے
تم اچھے مسیحا ہو شفا کیوں نہیں دیتے
بربادیِ دل جبر نہیں فیض کسی کا
وہ دشمنِ جاں ہے تو بھلا کیوں نہیں دیتے