دل کے موضوع پر اشعار!

[زیرک]

شہرِ دل، آہ عجب جائے تھی پر اس کے گئے
ایسا اجڑا کہ کسی طرح بسایا نہ گیا
میر تقی میر

 

[زیرک]

ہمارا گوشۂ دل ہے کہ اک چمن جس میں
تمہاری یاد مہکتی ہے موتیے کی طرح

 

[زیرک]

بدن میں اتریں تھکن کے سائے تو نیند آئے
یہ دل، کہانی کوئی سنائے تو نیند آئے
محسن نقوی

 

[زیرک]

دل کی خلش تو ساتھ رہے گی تمام عمر
دریائے غم کے پار اتر جائیں ہم تو کیا
منیر نیازی

 

[طاہر شیخ]

کیا ستم ہے کہ اب تری صورت
غور کرنے پہ یاد آتی ہے

جون ایلیا

 

[زیرک]

کیا ستم ہے کہ اب تری صورت
غور کرنے پہ یاد آتی ہے
جون ایلیا

موضوع دل ہے جناب
ان کے وعدے تو خیر مت پوچھو
دلِ خوش فہم کا جواب نہیں
راحیل فاروق

 

[زیرک]

کسی بھی روز مجھے دل سزا سنا دے گا
میں خواہشوں کا بہت قتلِ عام کرتا ہوں
کاشف حسین غائر

 

[زیرک]

دل ہے کہ نشور اک باجا ہے سینے کے اندر تاروں کا
جب چوٹ پڑے جھنکار اٹھے جب ٹھیس لگے تھرا جائے
نشور واحدی

 

[طاہر شیخ]

موضوع دل ہے جناب
ان کے وعدے تو خیر مت پوچھو
دلِ خوش فہم کا جواب نہیں
راحیل فاروق

معذرت، مجھے خیال نہیں رہا

 

[طاہر شیخ]

یوں ہی اداس ہے دل بے قرار تھوڑی ہے
مجھے کسی کا کوئی انتظار تھوڑی ہے
جتندر پرواز

 

[زیرک]

آج سے دل بھی ترے حال میں ہوتا ہے شریک
لے، یہ حسرت بھی مری چشمِ گنہگار نہ رکھ
عرفان صدیقی

 

[عبدالرحمن آزاد]

ہم سمندر کی طرح ظرف وسیع رکھتے ہیں
دل میں طوفاں چہرے پر تسکیں رکھتے ہیں

دل ڈھڑکنے کا سبب یاد ایا
وہ تری یاد تھی اب یاد ایا

 

[زیرک]

ہے سینے میں عجب اک حشر برپا
کہ دل سے بے قراری جا رہی ہے
جون ایلیا کی برسی پر یہ شعر سب کے نام

 

[عبدالرحمن آزاد]

مک

بدن میں اتریں تھکن کے سائے تو نیند آئے
یہ دل، کہانی کوئی سنائے تو نیند آئے
محسن نقوی

مکمل غزل چاٸے جناب

 

[عبدالرحمن آزاد]

کیا ستم ہے کہ اب تری صورت
غور کرنے پہ یاد آتی ہے

جون ایلیا

اے دل سماعتوں پہ ستم کی دہاٸی دے
اس بیکراں سکوت میں کچھ تو سناٸی دے
نکہت بریلوی
موضوع دل تھا جناب

 

[عبدالرحمن آزاد]

ستم وہ تم نے کیے بھولے ہم گلہ دل کا
ہوا تمہارے بگڑنے سے فیصلہ دل کا
ارشد علی خان قلق

 

[زیرک]

مک

مکمل غزل چاٸے جناب

محسن نقوی - :::::: بَدن میں اُتریں تھکن کے سائے تو نیند آئے :::::: Mohsin Naqvi

 

[زیرک]

اچھا نہیں ہے یوں دلِ سوزاں کو چھیڑنا
جلتے ہوئے چراغ سے کھیلا نہ کیجیئے

 

[زیرک]

دل پاگل ہے روز نئی نادانی کرتا ہے
آگ میں آگ ملاتا ہے پھر پانی کرتا ہے
افتخار عارف

 

[زیرک]

تم اب تک منافق دلوں میں رہی ہو
مِرے دل کی آب و ہوا مختلف ہے
علی زریون