دل کے موضوع پر اشعار!

[زیرک]

دل اذیت منانا چاہتا ہے
دوستا! انتظام ہے کوئی؟
علی زریون

 

[زیرک]

وقت کے انہدام میں، دل کی کتاب دب گئی
جانے کہاں لکها تها تُو، دیکهتے ہیں نکال کر

 

[زیرک]

آنکھ رہزن نہیں تو پھر کیا ہے
لوٹ لیتی ہے قافلہ دل کا
جلیل مانک پوری

 

[زیرک]

مرشد سائیاں! کیا بتلاؤں، دل سے سوگ نہیں جاتا
اس سے بچھڑے عمریں بیتیں لیکن روگ نہیں جاتا

 

[زیرک]

ہم سخاوت ہی پہ آمادہ نہیں ہیں، ورنہ
دل ہمارے بھی محبت کے خزانے ہو جائیں
سلیم کوثر

 

[زیرک]

نشہ ہے عارضی ابرک! یہ چاہے جانے کا
تمہارے دل سے بھی جلدی غرور نکلے گا
اتباف ابرک

 

[طاہر شیخ]

پھر یوں ہوا کہ دل میں کسی کو بسا لیا
پھر یوں ہوا کہ خواب سجائے تمام عُمر

نامعلوم

 

[زیرک]

ہر کوئی پارسائی کی عمدہ مثال تھا
دل خوش ہوا ہے ایک گنہگار دیکھ کر
عدیم ہاشمی

 

[زیرک]

شہرِ دل اب بھی سراسر ہے محبت کے لیے
میں نے غصے کو مضافات میں رکھا ہوا ہے
فریحہ نقوی

 

[زیرک]

ہم کو نہیں معلوم کہ اجڑے ہوئے دل سے
آوارہ مزاجی کا اثر کیوں نہیں جاتا
فرحت عباس شاہ

 

[زیرک]

شور برپا ہے خانۂ دل میں
کوئ دیوار سی گری ہے ابھی
ناصر کاظمی

 

[زیرک]

نشہ ہے عارضی ابرک یہ چاہے جانے کا
تمہارے دل سے بھی جلدی غرور نکلے گا
اتباف ابرک

 

[زیرک]

دل دُکھاتا ہے وہ مِل کر بھی مگر آج کی رات
اسی بے درد کو لے آؤ کہ کچھ رات کٹے

 

[زیرک]

احباب نے، رقِیب نے، دل نے، رفِیق نے
یہ بھی رہا نہ یاد کہ کس کس نے مات دی

 

[زیرک]

مزہ ہر ایک کو تازہ ملا ہے، عشقِ جاناں کا
نِگہ کو دید کا لب کو فُغاں کا دل کو ارماں کا
داغ دہلوی

 

[زیرک]

مجھ کو درکار وہ ساقی ہے جو دریا دل ہو
ایک دو جام سے بھرتی نہیں نیت اپنی

 

[زیرک]

یوں دیکھتا ہے تیرگی آب و گل میں کیا
شعلوں سے کھیل دل کو جلا اور جلا کے دیکھ
فانی بدایونی

 

[زیرک]

اک شہرِ آرزو سے کسی دشتِ غم تلک
دل جا چکا تھا اور یہ ہجرت عجیب تھی
پروین شاکر​

 

[زیرک]

مدت ہوئی ہے کوئے بتاں کی طرف گئے ہوئے
آوارگی سے دل کو کہاں تک بچائیں ہم​

 

[زیرک]

اور دیتے ہیں مزا جوں جوں پرانے ہوتے ہیں
زخمِ دل بھی ہو گئے جاناں! شرابوں کی طرح​