دل کو ٹٹولئے ، کوئی ارمان ڈھونڈئیے

[ظہیراحمدظہیر]

دل کو ٹٹولئے ، کوئی ارمان ڈھونڈئیے
پھر سے کسی نظرمیں پرستان ڈھونڈئیے

یونہی گزر نہ جائے یہ موسم شباب کا
آرائشِ حیات کا سامان ڈھونڈیئے

کب تک گلاب ہاتھ میں لیکر پھریں گے آپ
موسم بہت شدید ہے گلدان ڈھونڈئیے

دیوار ہی گری ہے ، یہ بازو نہیں گرے
ملبہ اٹھا کے سائے کا امکان ڈھونڈیے

اٹھتی ہے اک صدا سی مشینوں کے شور میں
ہوگا یہیں کہیں کوئی انسان ، ڈھونڈیئے

ملیے کبھی اکیلے میں خود اپنے آپ سے
سارے نقاب اُتار کے پہچان ڈھونڈیئے

ظہیر احمد ظہیر ۔ ۔ ۔ ۔ ۔ ۔ ۲۰۰۸

​

 

[سارہ خان]

اٹھتی ہے اک صدا سی مشینوں کے شور میں
ہوگا یہیں کہیں کوئی انسان ، ڈھونڈیئے

واہ ۔۔۔

 

[محمد تابش صدیقی]

بہت عمدہ، ظہیر بھائی۔ کیا خوب غزل کہی ہے۔

کب تک گلاب ہاتھ میں لیکر پھریں گے آپ
موسم بہت شدید ہے گلدان ڈھونڈئیے

دیوار ہی گری ہے ، یہ بازو نہیں گرے
ملبہ اٹھا کے سائے کا امکان ڈھونڈیے

اٹھتی ہے اک صدا سی مشینوں کے شور میں
ہوگا یہیں کہیں کوئی انسان ، ڈھونڈیئے

ملیے کبھی اکیلے میں خود اپنے آپ سے
سارے نقاب اُتار کے پہچان ڈھونڈیئے

 

[کاشف اختر]

واہ واہ ! بہت خوب ظہیر بھائی ! ماشاء اللہ

 

[کاشف اختر]

واہ واہ ! بہت خوب ظہیر بھائی ! ماشاء اللہ

دیوار ہی گری ہے ، یہ بازو نہیں گرے
ملبہ اٹھا کے سائے کا امکان ڈھونڈیے

 

[فاتح]

واہ ظہیر بھائی، ایک اور کمال غزل۔
یہ اشعار تو حاصل غزل ہیں:
دیوار ہی گری ہے، یہ بازو نہیں گرے
ملبہ اٹھا کے سائے کا امکان ڈھونڈیے

اٹھتی ہے اک صدا سی مشینوں کے شور میں
ہو گا یہیں کہیں کوئی انسان، ڈھونڈیے

 

[ظہیراحمدظہیر]

واہ ۔۔۔

اللہ ذوق سلامت رکھے آپ کا ۔ بہت ممنون ہوں ۔

 

[ظہیراحمدظہیر]

بہت عمدہ، ظہیر بھائی۔ کیا خوب غزل کہی ہے۔

تابش بھائی ، بہت محبت ! بہت نوازش! اللہ خوش رکھے آپ کو!

 

[ظہیراحمدظہیر]

واہ واہ ! بہت خوب ظہیر بھائی ! ماشاء اللہ

بہت شکریہ کاشف بھائی ۔ سلامت رہیں ۔

 

[ظہیراحمدظہیر]

واہ ظہیر بھائی، ایک اور کمال غزل۔
یہ اشعار تو حاصل غزل ہیں:
دیوار ہی گری ہے، یہ بازو نہیں گرے
ملبہ اٹھا کے سائے کا امکان ڈھونڈیے

اٹھتی ہے اک صدا سی مشینوں کے شور میں
ہو گا یہیں کہیں کوئی انسان، ڈھونڈیے

فاتح بھائی ، آپ کو پسند آئے تو مجھے بھی اعتبار آگیا ۔ اللہ تعالیٰ آپ کو سدا شاد آباد رکھے ! میں سراپا سپاس ہوں ۔

 

[نیرنگ خیال]

اٹھتی ہے اک صدا سی مشینوں کے شور میں
ہوگا یہیں کہیں کوئی انسان ، ڈھونڈیئے

واہ۔۔۔۔ عہد حاضر کا المیہ۔۔۔ بہت ہی خوب سر۔۔۔ ماشاءاللہ