مغزل
محفلین
دسمبر کی سرد شام محفلین کے نام
مغرب کی اذان سے کچھ قبل تھوڑی دیر کے لیے محفل میں حاضری ہوئی تو لڑی میں میل (میلا والا نہیں) ملاقات کا ذکر جاری تھا۔پرّی محوِ پرواز تھی اور ہم بھوت بنے محفل میں ٹامک ٹوئیاں مارتے پھر رہے تھے کوئی ساڑھے چھ بجے کا عمل تھا کہ امین میاں کا برقی مکتوب ملا کہ صاحب فہیم (المعروف رادھے موہن ) بیس منٹ میں تشریف لارہے ہیں۔ صاحب گھر میں مہمانوں سے بمشکل فراغت پاسکے (روزگار سے واپسی پر ’’طویل ل ل ل پاپوش ‘‘ کو داغِ مفارقت بھی نہ دے پائے تھے ) تو ’’ حسابِ دوستاں دردِ دل ‘‘ کے مصداق باہر نکل آئے (پرّی کی خاموشی کو رضامندی جان کر) بلیلہ کی باگ تھامی اور لات رسید کرنے کا شرف حاصل کیا تو تھوڑی سے ہنہناہٹ کے بعد سواری چلنے پر آمادہ اور تیّار ہوگئی ہم نے ایڑھ لگائی اور بلیلہ کی پشت نپولین بونا پاٹ کی طرح چسپیدگی کے مظہر بنے بلیلہ کو سرپٹ دوڑاتے ہوئے امین کی قیام گاہ پر متعیّنہ وقت سے تین منٹ قبل آن رُکے دروازے موصوف پر دستکوں کا شرف کارگر نہ رہا سو برقی مکتوب روانہ کیا، ٹھیک چار منٹ بعد قبلہ کا باچھیں کھلاتا چہرہ نمودار ہوئی بغل گیری اور پیٹھ ٹھونکنے کا شرف حاصل ہوا تو امین میاں نے بھی اپنی بلیلہ کےکان کھینچے اور لات رسید کی اور چل میرے گھوڑے حاجی اختر پکوان ۔۔ کہتے ہوئے ہی ہا ہی یاہ کی الگج چھیڑتے ہوئے حاجی اختر پکوان اور ریستوران کے قریب جارکے ۔۔کچھ دیرمیں سیاہ پوش (سیاہ فام نہ سمجھاجائے ) فہیم میاں آئے مسکرائے اور پسلیوں کے کڑاکے نکالنے لگے ۔ ہم غریب آدمی جو ٹھہرے (موبائیل چھیننے والا سمجھ کر گلا دبانا چاہا۔۔ حوالے کے طور پر تصویر دیکھ لیجئے گا۔)۔۔ ادھرادھر کی ہانکتےہوئے وقت گزرتا رہا بالآخر (شادیوں میں مصروفیت کا بہانہ بنانے سے سپریم کمانڈر) عمّار ابنِ ضیاء تشریف لائے دُور سے محسوس ہورہا تھا کہ موصوف بھی سیاہ پوش ہیں اور کہیں سے مجلس پڑھ کر آرہے ہیں بعدازاں بغور دیکھنے سے معلوم ہوا کہ موصوف گہرے نیلے رنگ کے کرتے میں بمشکل تمام مقیّد تھے۔۔احباب کا ناک نقشہ کیا کھینچتے کہ فہیم کی ناک کی نوک پر چونچ جلوے دکھلارہی تھی۔۔ یوں بھی امین کے علاوہ سراپا ہر دو محفلین کامحفل میں موجود ہے ۔ذرا سی کوتاہی پر ہمار ے مشاہدے کی کمزوری کا جواز بن سکتی ہے امین کی ’’سیرت و صورت ‘‘ آپ تصاویر اور ویڈیو میں خود ملاحظہ کرلیں گے ۔۔ ہاہاہہاہ۔۔ (یہ پہلی ملاقات ہے محفلین سے کہ اس میں لنگوٹیے دوستوں کی طرح ہم سب میں خاصی بے تکلفی رہی ۔۔ یعنی نہ دوستوں نے ہمارے مزاج کو خاطر میں لایا نہ ہم ان کے مزاج کے خلاف ہوئے )۔۔ ۔۔اس دوران ہمارے درمیان جو جو باتیں ہوئی (مجھ غریب العقل کی طر ف سے نہیں) وہ یہاں پیش کرنے میں نقصِ امن کا اندیشہ ہے ہاہہاہاہ۔۔ (بس آپ ٹوووونٹ ٹووونٹ ٹوووونٹ کی آوازیں سن لیجئے ۔۔ ہاہاہاہاہا) خدا نہ کرے کوئی بیہودگی غیر شائستگی یاوہ گوئی نہیں تھیں کہ احباب اس پر ہمیں ڈانٹنے کو پر تولنے لگے ہیں ہاہاہاہاہاہااہاہ۔۔۔ فہیم نے اپنی بلیلہ کو ایک پیدل چلنے والوں کے لیے مختص بالائی گزرگاہ کے نیچے ایک کھونٹے سے باندھ دیا تھا سو عمار اور میں ایک بلیلہ پر اور فہیم اور امین دوسری بلیلہ پر ہوا سے باتیں کرتےہوئے ’’مہران‘‘ قفلی (آئسکریم ) فروش کے ہاں جا وارد ہوئے ۔۔ ہاہاہہا۔۔ میزوں سے جڑی ہوئی نشستوں پر براجمان ہوئے ہی تھے کہ ۔۔موئی انگریزی میں منیو سامنے لایا گیا ہم نے اپنی اور پری کی پسند کا ذائقہ انناس منگوایا۔ باقیوں نے اپنی فرمائش پر۔۔ اور شیشوں کی عقبی دیوار سے (میں اور امین) پشت لگائے بیٹھے تھے جبکہ (فہیم اور عمّار) ہماری سمت یعنی قبلہ نما براجمان تھے ۔۔ ہم دو کو تو سڑک پر پھسلتی گاڑیاں نظر آرہی تھیں جبکہ فہیم اور عمار بار بار شیشوں کی بنی دیوار میں دیکھ دیکھ کر اپنے بال سنوارنے میں مصروف رہے ۔۔ ہاہاہاہاہہ جہاں ان کے ہی چہرے ان کا منھ چڑا رہے تھے۔۔ بہر کیف و بہر حال احوال تو آپ تصاویر میں دیکھ ہی لیں گے۔۔ خیر ۔۔ عمار نے گھر کی مصروفیت کی وجہ سے رخصت لی اور ہم تینوں اپنی اپنی بلیلہ پر سوار امین کے گھرکو چل دیے ۔۔امین کے کمرے میں کیا کیا ہوا یہ نہ پوچھیے ۔۔ اس دوران شمشاد بھائی اور سعود بھائی سے فون پر گفتگو بھی رہی جس کا احوال آئندہ سہی ۔۔بس توبہ توبہ۔۔ ویڈیو دیکھ آپ انداز ہ لگا سکتے ہیں کہ امین کس بے دردی سے اپنے مہمانوں کی تواضع کرتے ہیں۔ ہاہاہاہااہاہا۔۔۔ سب احباب جو جو امین سے ملنے کے خواہش مند ہیں وہ یہ ویڈیو دیکھیں اور عبرت حاصل کریں اب ہر بندہ میری طرح بلیک بیلٹ یا فہیم کی طرح بلیو بیلٹ نہیں ہوتا کہ سہہ جائے ۔۔۔ رات خاصی ہورہی ہے باقی احوال کی تفصیل آئندہ پر موقوف۔۔۔
فہیم کا گلا دبانے کی نادر تصویر۔۔۔ ہاہاہا
دائیں سے بائیں: عمار ابنِ ضیاء اور فہیم
دائیں سے بائیں: امین اور ہم
مابدولت: چاک گریبانی کے عالم میں ۔۔ہاہاہہا
فہیم: سوچتے ہوئے کہ کب آئے گی آئسکریم
فہیم کے بالوں کا قریبی جائزہ محفل کی بہنوں کی فرمائش پر۔۔ (جیسے چیل نے گھونسلہ بنا رکھا ہو)
پائن ایپل میری اور باقی تینوں کی پسند کے ذائقے ۔۔ (مزید تصاویر میں تفصیل دیکھ لیجے گا)
آئسکریم دیکھیئے قبل اس کہ یہ پیالیاں خالی نظر آئیں ۔ ہاہاہاہاہ
ملاقات میں ہمارے فوجی جوتوں کا ذکر بہت رہا ۔۔ مگر یہ راز ہے !
(مزید تصاویر آئندہ فی الحال امین کا میزبانی کا انداز ملاحظہ کیجے اور عبرت پکڑئیے )
