درد اور درد کی، سب کی ہے دوا ایک ہی شخص (الطاف حسین حالی)

نیرنگ خیال

لائبریرین
درد اور درد کی، سب کی ہے دوا ایک ہی شخص
یاں ہے جلاد و مسیحا بخدا ایک ہی شخص

حور و غلماں کے لیے لائیں دل آخر کس کا
ہونے دیتا نہیں یاں عہدہ برآ ایک ہی شخص

قافلے گزریں وہاں کیونکہ سلامت واعظ
ہو جہاں راہزن اور راہنما ایک ہی شخص

قیس سا پھر کوئی اٹھا نہ بنی عامرمیں
فخر ہوتا ہے گھرانے کا سدا ایک ہی شخص


جمگھٹے دیکھے ہیں جن لوگوں کے ان آنکھوں نے
آج ویسا کوئی دے ہم کو دکھا ایک ہی شخص

گھر میں برکت ہے مگر فیض ہے جاری شب و روز
کچھ سہی شیخ مگر ہے بخدا ایک ہی شخص

اعتراضوں کا زمانہ کہ ہے حالؔی پہ نچوڑ
شاعر اب ساری خدائی میں ہے کیا ایک ہی شخص​
 

سید زبیر

محفلین
بہت خوب
قافلے گزریں وہاں کیونکہ سلامت واعظ
ہو جہاں راہزن اور راہنما ایک ہی شخص
سلامت رہیں خوش رہیں
جیوے عشبہ رانی
 

نیرنگ خیال

لائبریرین
بہت خوب
قافلے گزریں وہاں کیونکہ سلامت واعظ
ہو جہاں راہزن اور راہنما ایک ہی شخص
سلامت رہیں خوش رہیں
جیوے عشبہ رانی
بہت شکریہ سرکار۔۔۔ :)

" ایک ہی شخص " ۔۔۔۔۔۔۔۔۔۔ لاجواب انتخاب بہت خوبصورت شراکت
بہت دعائیں
نایاب بھائی۔۔۔ بہت شکریہ :)
 
Top