خواب

[شمشاد]

آج پھر حسنِ دلآرا کی وہی دھج ہوگی
وہی خوابیدہ سی آنکھیں، وہی کاجل کی لکیر
(فیض)

 

[نوید صادق]

آنکھوں کے خواب زار کو تاراج کر گئی
پاگل ہوا چلی تو حدوں سے گزر گئی

شاعر: مقبول عامر

 

[شمشاد]

ڈھل چکی رات، بکھرنے لگا تاروں کا غبار
لڑکھڑانے لگے ایوانوں میں خوابیدہ چراغ
(فیض)

 

[نوید صادق]

ہم جسم سے ہٹا نہ سکے کاہلی کی برف
جس کی تہوں میں خواب بڑے تابناک تھے


شاعر: بانی

 

[شمشاد]

خیال وخواب کے منظر سجانا چاہتا ہے
یہ دل کا اِک تازہ بہانہ چاہتا ہے
(نوشی گیلانی)

 

[نوید صادق]

سوچتا ہوں یہ خواب سا کیا ہے
شام ہے، شہر ہے، فصیلیں ہیں

شاعر: منیر نیازی

 

[شمشاد]

میرے خوابوں کو راکھ کرڈالا
اور اپنے سنبھال کررکھے
(نوشی گیلانی)

 

[نوید صادق]

کون دے آواز خالی رات کے اندھے کنوئیں میں
کون اُترے خواب سے محروم بستر میں، اکیلا

شاعر: بانی

 

[شمشاد]

چشم آدم سے چھپاتے ہیں مقامات بلند
کرتے ہیں روح کو خوابیدہ ، بدن کو بیدار
(علامہ)

 

[زینب]

کیوں نا جھوٹی تسلی پے قناعت کر لیں

لوگ کہتے ہیں ادم خواب حسین ہوتے ہیں

 

[شمشاد]

تیرے دُکھ کے تمام ہی موسم
اے زمانے سنبھال کر رکھے
میرے خوابوں کو راکھ کر ڈالا
اور اپنے سنبھال کر رکھے
(نوشی گیلانی)

 

[نوید صادق]

شب کہ ذوقِ گفتگو سے تیرے، دل بے تاب تھا
شوخئِ وحشت سے افسانہ فسونِ خواب تھا


شاعر: غالب

 

[شمشاد]

کبھی یہ خواب میرا راستہ تھے
مگر اب تو آذاں تک جاگتی ہُوں
(نوشی گیلانی)

 

[نوید صادق]

انہیں یہ وہم مناتا ہوں رتجگے عامر
میں ہوں کہ خواب پرانے تلاش کرتا ہوں

شاعر: مقبول عامر

 

[شمشاد]

کیا کہا، ۔۔’’یہ دل مرا نا قابلِ تسخیر ہے؟‘‘
اب تجھے پانا ہی میرے خواب کی تعبیر ہے
(ناہید ورک)

 

[عیشل]

خواب ساتھ رہنے کے نت نئے دکھاتا ہے
یہ جو اصل موسم ہے یہ گذرتا جاتا ہے
خود کو سبز رکھا ہے آنسوؤں کی بارش میں
ورنہ ہجر کا موسم کس کو راس آتا ہے

 

[شمشاد]

آنکھوں میں تیرتے ہیں جو خواب شبنمی سے
ہر پل دمک رہی ہوں میں اُن کی روشنی سے
(ناہید ورک)

 

[عمر سیف]

اب دیکھ یہ حسرت بھری اجڑی ہوئی آنکھیں
دنیا تیرے بارے میں میرے‌‌ خواب بہت تھے

 

[شمشاد]

کتنی اُداسیاں تھیں مرے چار سُو بسی
واپس پلٹ گئی مری تعبیر خواب میں
(ناہید ورک)

 

[عمر سیف]

خواب ساتھ رہنے کے نت نئے دکھاتا ہے
یہ جو اصل موسم ہے یہ گزرتا جاتا ہے