چودھری مصطفی
محفلین
موقف تو علحدہ بات ہے مگر ماروی جیسے لوگ جو پہلے دوسروں کو اشتعال دلاتے ہیں ان کے ساتھ ایسا ہی ہونا چاہیے۔
خلیل الرحمان قمرنے ٹی وی پر براہ راست ماروی سرمد کو گالی دیدی
- صاحب لڑی جاسم محمد
- تاریخ ابتداء
- کیفیت
چودھری مصطفی
محفلین
اسی طرح جب فردوس عاشق اعوان نے کشمالہ طارق کو برا بھلا کہا، تو میری ذاتی رائے میں اسی نے نامعقول رویہ میں پہل کی۔ پہلے استہزائیہ انداز میں ہنسو اور جب دوسرا مزید نا معقولیت اختیار کرے تو معصوم بن جاؤ۔ مہذب مکالمہ کے دوران اگر کوئی آپ پہ ذاتی حملہ کرے تو غلط ہے مگر خود دوسروں کو اشتعال مت دلائیں۔
سید عمران
محفلین
وارث بھائی نے تو مزاحاً یہ لفظ لکھا تھا۔۔۔یا اللہ رحم۔ ہم تو خود مدارت سے بہت دور بھاگتے ہیں، کجا یہ کہ الٹا ہمیں ہی پکڑ کر مدیر بنا دیا جائے
آپ بھی دے دھنا دھن بس کاپی پیسٹ مارتے جانا!!!
آخری تدوین:
جاسم محمد
محفلین
عورت مارچ ایک عرصہ دراز سے یہاں مغرب میں ہو رہا ہے۔ اس حقوق نسواں مارچ کا فحاشی و عریانی کے پھیلاؤ سے دور دور تک کوئی تعلق واسطہ نہیں ہے۔ البتہ پاکستان میں جب یہ مارچ پچھلے سال پہلی بار ہوا تو بعض انتہا پسند لبرل خواتین نے اس میں متنازعہ پلے کارڈز اٹھا کر اسے خود ہی بدنام کر دیا۔ یوں اس عورت مارچ کا جو اصل مقصد تھا وہ کہیں کھو گیا ہے۔
سید عاطف علی
لائبریرین
ویری گڈ ۔ گویا مغرب میں بھی آج کی عورت کے حقوق غصب کیے جاتے ہیں ۔ خیر فی الحال یہ موضوع نہیں اس پر کسی اور دھاگے میں بات ہو تو اچھا ہےجس کا موضوع ایک مغربی ماحول میں عورت کے مقام ہو۔
اب آئیے اپنے معاشرے پر جو اپنا موضوع ہے ۔
ہماری محفل میں اکثر دھاگے کسی خبر پر شروع ہوتے ہیں اور جس طرح پاک میڈیا خبر کو چیونگ گم کی طرح چبا چبا کر کیش کرتا ہے ، ہم بھی اسی راہ پر چلنے لگتے ہیں ۔ کیا ہی اچھا ہو کہ ہم موضوعات کو زیر بحث لائیں خواہ اس کا محرک کوئی خبر ہی کیوں نہ ہو۔
سو اب اگر حقوق کی بات ہے تو اس مارچ کے مقاصد میں سے کچھ نہ کچھ نقاط ایسے ہوں گے جو ہماری معاشرتی اقدار سے یقینا متصادم نہیں ہوں گے ۔ اس کی وجہ یہ ہے کہ یہ ایک مسلمہ حقیقت ہے کہ ہمارے متنوع روایات کے مجموعی معاشرے میں ایسی روایات ضرور موجود ہیں جن کی بیخ کنی کی واقعی ضرورت ہے اور وہ ہر صورت میں لڑکی پر ظلم کی شکل ہیں ۔ کچھ مراسلوں میں ( جیسے جاسمن بہن کا ایک مراسلہ ) اس کی نشاندہی بھی کی گئی ہے۔
اب جب ہم اس مارچ کے تناظر میں وطن عزیز کی فضاؤں میں ایک شدید مزاحمتی ردعمل دیکھتے ہیں تو یقینا یہ بات بھی سمجھ میں آتی ہے کہ اس مارچ کے خلاف ردعمل کی بھی کوئی نہ کوئی ٹھوس بنیاد ضرور ہے جو معاشرے کا ایک بڑا حصہ اس کے خلاف اٹھ کھڑا ہونے کو تیار ہے۔ اسی مزاحمتی شکل کو جب ہم مارچ کے پلے کارڈ ، اس کی تقریریں اور متعلقہ مواد سے موازنہ کریں تو بہت سے خدشات کی تصدیق یا تکذیب ہوتی نظر آئے گی ۔
اس کا تجزیہ ہمیں یقینا کسی اچھے نتیجے پر پہنچا سکے گا۔اور اگر اس مارچ کا کوئی ہِڈن ایجنڈا ہو تو اس سے نبرد آزما ہونے کی حکمت عملی وضع کرنے کا موقع بھی ملے گا۔
سو میرا نقطہء نظر یہ ہے کہ اس کے نقاط کو زیر بحث لایا جائے اور اس کا تجزیہ پیش کیا جائے تاکہ متعلقہ نقطہ ہائے نظر سامنے آسکیں ۔
آخری تدوین:
چودھری مصطفی
محفلین
مغرب میں جو عورت مارچ ہو رہا ہے اس کا نعرہ بھی یہی ہے، مائی باڈی مائی چوائس ۔ جو کہ ابارشن کے اختیار کی آزادی ہے۔
یہ پرانا نعرہ ہے۔
جاسم محمد
محفلین
مختلف مغربی ممالک میں عورت مارچ خواتین کے عالمی دن ۸ مارچ کی مناسبت سے ایک صدی سے زائد عرصہ سے منعقد ہو رہے ہیں۔ معلوم نہیں عورتوں کے حقوق کیلئے نکالے جانے والی یہ ریلیاں سازش کیسے ہو سکتی ہیں؟ چونکہ خواتین کسی بھی ملک کی آبادی میں عددی اکثریت رکھتی ہیں۔ تو کیا ان کو سال میں ایک بار بھی اپنا احتجاج ریکارڈ کروانے کی اجازت نہیں ہونی چاہیے؟
۱۹۱۷، روس میں عورت مارچ
سید عاطف علی
لائبریرین
کیا ان 103 سال میں انہیں کچھ حقوق حاصل نہیں ہوئے ؟
کیا یہ آج کے ماحول بھی استحصال کا شکار ہیں ؟
جاسم محمد
محفلین
کیوں نہیں۔ عورت مارچ سے قبل مغربی خواتین مردوں کی رکھیل تھیں۔ ان کو ووٹ ڈالنے، تعلیم حاصل کرنے، کام کاج، اپنی مرضی کی شادی سے روکا جاتا تھا۔ ان منظم احتجاجوں کے سو سال بعد آج مغربی خواتین مردوں کے شانہ بشانہ کھڑی ہیں۔ معاشرہ سے صنفی تعصب دور ہو جانے سے مغربی ممالک نے تیزی سے معاشی، سماجی اور اخلاقی ترقی کی ہے۔ ظاہر ہے جن ممالک میں آدھی آبادی پر باقی کی آدھی آبادی حاوی نہیں ہوتی وہ کیونکر ترقی نہ کریں گے؟
سید عاطف علی
لائبریرین
یہ مقاصد حاصل ہونے ک بعد آج بھی احتجاج وغیرہ ؟ ؟
کیا یہ مارچ اس کی سالگرہ ہیں ؟
جاسم محمد
محفلین
صنفی برابری کا سفر کبھی ختم نہیں ہوتا۔ گو کہ مغربی خواتین کو اب بہت سے حق حقوق حاصل ہو گئے ہیں جن کا سو سال قبل کی مغربی عورت تصور بھی نہیں کر سکتی تھی۔ البتہ آج بھی خواتین کو ایک جیسے کام کی مردوں سے کم تنخواہ دی جاتی ہے۔ طلاق یا سیپریشن کے بعد مرد بچوں کی کفالت کی ذمہ داری ٹھیک سے نہیں اٹھاتا۔ اور اس جیسے سے بہت سے مسائل جوں کے توں موجود ہیں۔ بہرحال مغربی عورت آج مشرقی عورت سے کہیں زیادہ خودمختار ہو چکی ہے۔
زیک
مسافر
لگتا ہے کسی نے نہ عورت مارچ دیکھا نہ مارچ منتظمین کی پریس کانفرنس سنی۔ صرف سنسنی خیز خبروں پر اکتفا کیا
زیک
مسافر
عورت مارچ لاہور اور کراچی کے ٹوئٹر اکاؤنٹس ہی دیکھ لیں تو شاید آپ کی معلومات میں اضافہ ہو
زیک
مسافر
انیسویں صدی میں آدھے امریکہ نے غلامی کو کنٹرول کرنے کے معاملے پر بغاوت کر کے الگ ملک بنانے کی کوشش کی تھی۔ کیا اسے بھی ٹھوس بنیاد کہا جا سکتا ہے؟
- کیفیت