خلیل الرحمان قمرنے ٹی وی پر براہ راست ماروی سرمد کو گالی دیدی

جاسم محمد نے 'سنیما، ٹی وی اور تھیٹر' کی ذیل میں اس موضوع کا آغاز کیا، ‏مارچ 4, 2020

لڑی کی کیفیت:
مزید جوابات کے لیے دستیاب نہیں
  1. جاسم محمد

    جاسم محمد محفلین

    مراسلے:
    23,846
    خلیل الرحمان قمرنے ٹی وی پر براہ راست ماروی سرمد کو گالی دیدی
    ویب ڈیسک بدھ 4 مارچ 2020
    [​IMG]
    شو میں خلیل الرحمان قمر نے ماروی سرمد کے ساتھ انتہائی نازیبا زبان استعمال کرنی شروع کردی، فوٹوفائل

    کراچی: معروف مصنف و ہدایت کار خلیل الرحمان قمر نے سماجی کارکن ماروی سرمد کے ساتھ ٹاک شو کے دوران انتہائی نازیبا گفتگو کرتے ہوئے انہیں براہ راست گالی دیدی۔

    خواتین کے حوالے سے متنازع بیانات دینے کے حوالے سے مشہوررائٹر خلیل الرحمان قمر نےگزشتہ روز ایک ٹاک شو کے دوران سماجی کارکن ماروی سرمد کے ساتھ بحث کرتے ہوئے انتہائی نازیبا زبان استعمال کی۔

    نجی ٹی وی کے ٹاک شو میں خلیل الرحمان قمر اور ماروی سرمد’’عورت مارچ‘‘ کے حوالے سے بات کرنے کے لیے مدعو تھے۔ شو کی اینکر نے جب خلیل الرحمان قمر سے عورت مارچ کے حوالے سے عدالتی فیصلے کے بارے میں ان کی رائے جاننا چاہی تو خلیل الرحمان نے کہا کہ عدالت نے یہ منع کردیا ہے کہ ’’میرا جسم مرضی‘‘جیسے نعرے کو عورت مارچ میں منہا کردیا جائے۔ تاہم جب میں عورت مارچ اور اس نعرے کے بارے میں کروفر کے ساتھ ماروی سرمد کو بولتے ہوئے سنتا ہوں تو میرا کلیجہ ہلتا ہے۔

    ماروی سرمد نے یہاں خلیل الرحمان کی بات کاٹنے کی کوشش کی تو خلیل الرحمان قمر نے ماروی سرمد کو کہا ’’بیچ میں مت بولیے‘‘ ۔ خلیل الرحمان کے چلانے پر ماروی سرمد نے بھی چلا کر کہا ’’میرا جسم میری مرضی‘‘ اور اس کے بعد خلیل الرحمان قمر نے ماروی سرمد کے ساتھ نازیبا زبان استعمال کی۔

    اس پوری صورتحال میں شو کی میزبان مسلسل دونوں کو خاموش ہونے کے لیے کہتی رہی لیکن دونوں میں سے کوئی بھی خاموش ہونے کے لیے تیار نہیں تھا۔ دونوں کی لڑائی اس حد تک بڑھ گئی کہ خلیل الرحمان قمر نے شو کے دوران ماروی سرمد کو گالی دے دی۔ اس کے علاوہ انہوں نے ماروی سرمد کے لیے مزید نازیبا جملے استعمال کیے اور انہیں بدتمیز عورت بھی کہا۔

    شو میں عورت مارچ اور ’’میرا جسم میری مرضی‘‘ جیسے نعروں پر بولنے کے لیے جے یو آئی ف کے رہنما اور سینیٹر مولانا فیض محمد بھی موجود تھے تاہم وہ اس دوران خاموش رہے ۔ خلیل الرحمان قمر نے ماروی سرمد کو کہا کہ امریکا میں تحقیق کررہی ہے، بے حیائی کی تحقیق کررہی ہے، تیری ایسی کی تیسی۔

    خلیل الرحمان قمر نے خاتون اینکر سے کہا میں نے آپ سے درخواست کی بصد احترام کہا اور عرض کیا کہ میں نے آپ کی باتیں پورے غور سے سنیں لیکن میری بات سنی آپ نے ؟ اسی وقت ماروی سرمد نے کہا آپ نے مجھے گالی دی ہے ابھی اور یہ مجھے تمیز کی تقریر کررہا ہے جس پر خلیل الرحمان قمر نے کہا کس گھٹیا عورت کو لے لیا شو میں ۔ اور اس بار جے یو آئی ف کے رہنما نےکہا محترمہ خاموش کریں انہیں بولنے دیں خلیل صاحب آپ اپنی بات پوری کریں۔

    واضح رہے کہ لاہور ہائی کورٹ نے گزشتہ روز عورت مارچ کے حوالے سے درخواست نمٹاتے ہوئے حکم دیا کہ درخواست گزار کو عورت مارچ کے انعقاد پر کوئی اعتراض نہیں ہے، منتظمین و شرکا آئین و قانون کے اندر رہ کر مارچ کریں، ضلعی انتظامیہ عورت مارچ کی اجازت سے متعلق منتظمین کی درخواست کا قانون کے مطابق فیصلہ کرے۔
     
    • زبردست زبردست × 1
  2. سید عاطف علی

    سید عاطف علی لائبریرین

    مراسلے:
    10,213
    جھنڈا:
    SaudiArabia
    موڈ:
    Cheerful
    یہ وہی صاحب ہیں نا دانش کے قاتل !
    ایک قاتل سے کی گالی کیا شکایت !!!
     
    • پر مزاح پر مزاح × 4
    • متفق متفق × 1
  3. فرقان احمد

    فرقان احمد محفلین

    مراسلے:
    10,183
    عورت مارچ کی حمایت میں ہونا یا مخالفت میں ہونا الگ معاملہ ہے، خلیل صاحب یہاں سو فی صد غلط ہیں۔ انہیں کیا حق پہنچتا ہے کہ ایک خاتون کو شو کے اندر یا باہر گالی دیں۔ افسوس! اب ہم ان کی سوچ کا اچار ڈالیں۔ اس قدر تہذیب نہیں ہے کہ شو میں بات کیسے کی جاتی ہے۔ ایسے رائٹرز کو دور سے سلام۔
     
    • متفق متفق × 3
    • غیر متفق غیر متفق × 2
    • زبردست زبردست × 1
  4. جاسم محمد

    جاسم محمد محفلین

    مراسلے:
    23,846
    جس طرح عمران خان وزیر اعظم بننے کے بعد بھی کنٹینر پر چڑھے ہوئے ہیں۔ بالکل ویسے ہی خلیل الرحمان قمر حالیہ تاریخ کا مقبول ترین ڈرامہ لکھنے کے بعد بھی ابھی تک اسی کے ڈائیلاگ بول رہے ہیں۔ :)
     
    • زبردست زبردست × 1
    • پر مزاح پر مزاح × 1
  5. فرقان احمد

    فرقان احمد محفلین

    مراسلے:
    10,183
    کمرشل رائٹر عام طور پر وہی لکھتا ہے جو عوام پڑھنا، سننا یا دیکھنا چاہتے ہیں اور ادب میں ایسے ڈراموں کی کوئی خاص وقعت نہیں ہوتی ہے۔ اسی طرح، خلیل قمر صاحب نے عامیانہ زبان شو میں بھی استعمال کی۔ ثابت ہوا کہ ان کی سوچ پختہ نہیں ہے۔ وہ انتہائی بازاری زبان میں ماروی سرمد پر تنقید کے نشتر چلا رہے تھے۔ یہ ناقابل قبول رویہ ہے۔
     
    • متفق متفق × 3
    • پسندیدہ پسندیدہ × 1
  6. میم الف

    میم الف محفلین

    مراسلے:
    296
    جھنڈا:
    Pakistan
    موڈ:
    Fine
    • متفق متفق × 1
  7. محمد خلیل الرحمٰن

    محمد خلیل الرحمٰن مدیر

    مراسلے:
    9,870
    جھنڈا:
    Pakistan
    موڈ:
    Festive
    ابھی ابھی خلیل الرحمٰن قمر کو اسی قضیے کے تناظر میں منصور علی خان کے پروگرام میں دیکھا تو اندازہ ہوا کہ وہ ایک مریض ذہنیت کا انسان ہے۔
     
    • متفق متفق × 4
    • پسندیدہ پسندیدہ × 2
  8. جاسم محمد

    جاسم محمد محفلین

    مراسلے:
    23,846
    اسی سے مقبول ترین ڈرامہ سیریل میرے پاس تم ہو کی اذیت کا اندازہ کر لیں۔
     
  9. محمد خلیل الرحمٰن

    محمد خلیل الرحمٰن مدیر

    مراسلے:
    9,870
    جھنڈا:
    Pakistan
    موڈ:
    Festive
    شکر ہے ہم اس اذیت میں مبتلا نہیں ہوئے!
     
    • پر مزاح پر مزاح × 2
    • پسندیدہ پسندیدہ × 1
    • متفق متفق × 1
  10. جاسم محمد

    جاسم محمد محفلین

    مراسلے:
    23,846
    آپ کے کراچی سے معروف اینکر ڈاکٹر عامر لیاقت حسین نے بھی لائیو پروگرام میں خلیل الرحمان قمر کو ذہنی مریض کہہ دیا
     
  11. زیک

    زیک محفلین

    مراسلے:
    38,736
    جھنڈا:
    UnitedStates
    موڈ:
    Bookworm
  12. جاسم محمد

    جاسم محمد محفلین

    مراسلے:
    23,846
    خلیل الرحمان قمر اور عامر لیاقت حسین میں نوک جھونک۔
     
  13. محمد ظہیر اقبال

    محمد ظہیر اقبال محفلین

    مراسلے:
    27
    جھنڈا:
    Pakistan
    موڈ:
    Brooding
    یہ جو "میرا جسم میری مرضی" کا نعرہ ہے یہ برابری کے لئے نہیں لگایا جاتا بلکہ اس کے پیچھے سوائے فحاشی کے فروغ کے اور کوئی ایجنڈا نہیں۔
    ان لبرل خواتین کو یہ مسئلہ نہیں کہ کوئی ان کے جسم کو ان کی مرضی کے خلاف استعمال کرتا ہے بلکہ انہیں اصل تکلیف یہ ہے کہ اسلام انہیں ان کے جسم کا مادر پدر آزاد استعمال کرنے سے کیوں روکتا ہے۔
    یہ چاہتی ہیں کہ انہیں اسلامی معاشرہ میں بھی نیم برہنہ بلکہ برہنہ ہو کر پھرنے سے بھی کوئی نہ روکے۔ ان کا جسم ہے تو انہیں بالکل بھی نہ روکا جائے تاکہ یہ اپنی مرضی سے جو چاہے کرتی پھریں۔

    لیکن دین اسلام ان کی ہی کیا بلکہ کسی کی بھی نفسانی خواہشات کے تابع نہیں، اسلام اللہ کا دین ہے اس لئے اس کے حدود و قیود اللہ کے ہی طے کردہ رہیں گئے چاہے کسی کو ان سے کتنی ہی تکلیف کیوں نہ ہو۔

    قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ
    آپ کہہ دیں کہ میرے پروردگار نے بےحیائی کے کاموں کو حرام کیا ہے، ان میں سے جو ظاہر ہوں (ان کو بھی) اور جو چھپے ہوئے ہوں (ان کو بھی)
    اعراف - 33

    نبی کریم صلی اللہ علیہ وسلم نے فرمایا کہ اللہ سے زیادہ اور کوئی غیرت مند نہیں ہے۔ اسی لیے اس نے بےحیائیوں کو حرام کیا خواہ ظاہر میں ہوں یا پوشیدہ۔
    صحیح بخاری - 4637

    اِنَّ الَّذِیۡنَ یُحِبُّوۡنَ اَنۡ تَشِیۡعَ الۡفَاحِشَۃُ فِی الَّذِیۡنَ اٰمَنُوۡا لَہُمۡ عَذَابٌ اَلِیۡمٌ ۙ فِی الدُّنۡیَا وَ الۡاٰخِرَۃِ ؕ وَ اللّٰہُ یَعۡلَمُ وَ اَنۡتُمۡ لَا تَعۡلَمُوۡنَ
    جو لوگ مسلمانوں میں بے حیائی پھیلانے کے آرزو مند رہتے ہیں ان کے لئے دنیا اور آخرت میں دردناک عذاب ہیں اللہ سب کچھ جانتا ہے اور تم کچھ بھی نہیں جانتے ۔
    نور - 19

    یہ مردوں کی قائم کردہ نہیں بلکہ اللہ کی حدود ہیں اس لئے ہم فقط سمجھا ہی سکتے ہیں کیونکہ یقینا یہ تمہارا ہی جسم ہے اور اس پر تمہاری ہی مرضی چلے گی، پس تم جانو اور جس کی حدود تم توڑنے چلی ہو

    وَمَن يَعْصِ اللَّهَ وَرَسُولَهُ وَيَتَعَدَّ حُدُودَهُ يُدْخِلْهُ نَارًا خَالِدًا فِيهَا وَلَهُ عَذَابٌ مُّهِينٌ
    اور جو اللہ اور اس کے رسول کی نافرمانی کرے گا اور اس کی حدوں سے نکل جائے گا اس کو اللہ دوزخ میں ڈالے گا جہاں وہ ہمیشہ رہے گا۔ اور اس کو ذلت کا عذاب ہوگا۔
    نساء - 14
     
    • زبردست زبردست × 7
    • پسندیدہ پسندیدہ × 2
    • متفق متفق × 1
    • نا پسندیدہ نا پسندیدہ × 1
  14. سید ذیشان

    سید ذیشان محفلین

    مراسلے:
    7,342
    موڈ:
    Asleep
    مجھے تو یہ کافی عرصے سے سائکو لگتا تھا۔ اب تصدیق بھی ہو گئی ہے۔ اس ایکپوژر ملنے سے اس کا اصل روپ سامنے آ گیا ہے۔
     
    • متفق متفق × 4
    • پسندیدہ پسندیدہ × 1
    • نا پسندیدہ نا پسندیدہ × 1
  15. فہد مقصود

    فہد مقصود محفلین

    مراسلے:
    313
    عورتوں کے لئے تو تبلیغ کا فریضہ انجام دے دیا گیا ہے۔ خلیل الرحمان کی زبان کے بارے میں بھی کچھ عرض کریں گے تو ہماری بھی معلومات میں اضافہ ہوجائے گا۔
     
    • متفق متفق × 1
  16. فہد مقصود

    فہد مقصود محفلین

    مراسلے:
    313
    • زبردست زبردست × 1
    • نا پسندیدہ نا پسندیدہ × 1
  17. جاسم محمد

    جاسم محمد محفلین

    مراسلے:
    23,846
    محفل پر خوش آمدید۔ اپنا تعارف اس سیکشن میں کروا دیں۔
    تعارف و انٹرویو
     
  18. فہد مقصود

    فہد مقصود محفلین

    مراسلے:
    313
    تشکر۔ کیا تعارف کروانا ضروری ہے؟
     
  19. فہد مقصود

    فہد مقصود محفلین

    مراسلے:
    313
    مدیر مراسلے پبلش کردیں تو شراکت کی جائے۔ اب تک صرف ایک ہی مراسلہ منظور کیا گیا ہے۔
     
    • دوستانہ دوستانہ × 1
  20. جاسم محمد

    جاسم محمد محفلین

    مراسلے:
    23,846
    نئے ممبران کو اپروول سے گزرنا پڑتا ہے۔ امید ہے جلد ٹھیک ہو جائے گا۔
     
لڑی کی کیفیت:
مزید جوابات کے لیے دستیاب نہیں

اس صفحے کی تشہیر