خط میں نے تیرے نام لکھا

سیفی نے 'کھیل ہی کھیل میں' کی ذیل میں اس موضوع کا آغاز کیا، ‏مارچ 26, 2007

  1. محب علوی

    محب علوی لائبریرین

    مراسلے:
    12,181
    جھنڈا:
    Pakistan
    موڈ:
    Bookworm
    ایسے موقعوں پر اکثر سر درد کی شکایت ہوتی ہے۔ سچی اور قسم سے ، ایسے الفاظ ہیں جس سے لکھنے والا دوسروں کو کم اور خود کو زیادہ یقین دلاتا ہے کہ وہ جو کہہ رہا ہے وہ صحیح ہے اور وہ واقعی ایسا کر سکتا ہے۔ :lol:

    ایک دوسرے سے باتیں کرکے خوش ہونے میں ہی خوش رہو ورنہ تمہیں پتہ ہی ہے کہ مشکل ہوجائے گی تمہیں اور حجاب کو بھی۔ :)
     
    • پسندیدہ پسندیدہ × 1
  2. ماوراء

    ماوراء محفلین

    مراسلے:
    16,399
    حجاب، آ جاؤ میدان میں۔ کڑا وقت آ گیا ہے۔ مجھے تو اللہ کا شکر ہے شعر و شاعری سے کوئی شغف نہیں۔ اب تم ہی جواب دو۔ :wink: :lol:
     
    • پسندیدہ پسندیدہ × 1
  3. ماوراء

    ماوراء محفلین

    مراسلے:
    16,399
    نہیں، سر درد رات سے ہے۔ ابھی تو سر درد دور ہو رہا ہے۔ :wink: ہاں اسی لیے تم اپنے خط کا جواب خود ہی دے رہے ہو۔ :lol:

    اچھا۔۔ تم کچھ صبر تو کرو نا۔ اتنی جلدی تو ہمارے فرشتے بھی جواب نہیں لکھ پائیں گے۔ :p
     
  4. محب علوی

    محب علوی لائبریرین

    مراسلے:
    12,181
    جھنڈا:
    Pakistan
    موڈ:
    Bookworm
    ماورا کو سنا لو جو پہلے ہی ہاں میں ہاں ملا رہی ہے اور میں تو اب ہوں میدان میں اترا ہوا مگر بس باتیں ہی ہو رہی ہیں اور حملے ایک دوسرے کی آڑ‌ لے کر۔ :lol:
     
  5. حجاب

    حجاب محفلین

    مراسلے:
    3,433
    ماوراء محب کا یہ 1947 کا شاعرانہ محبت نامہ اُففففف اس کا جواب سوچ کے لکھا جا سکتا ہے ، محب اتنی مشکل محبت مت کریں کہ محبوب گھبرا کے صحرا میں نکل جائے :lol:
     
  6. ماوراء

    ماوراء محفلین

    مراسلے:
    16,399
    سلام سکھی،

    امید ہے کہ خیر خیریت سے ہو گی۔ ہمیشہ کی طرح کل بھی تمھارا ایک اور ورغلانے والا خط ملا۔ مجھے تو حیرت ہوتی ہے کہ جس رستے پر تم چل رہی ہو اسی رستے پر مجھے کیوں چلانا چاہتی ہو۔ اور سب سے پہلے تم مجھے یہ تو بتاؤ کہ یہ کس نے تمھیں پھونک دیا کہ میری عمر عزیز چالیس سال ہے۔ خدا کی پناہ، مجھے بھی اپنی عمر کا ہی بنا ڈالا۔ وہ تو تم سے اتفاق سے دوستی ہو گئی تھی، ورنہ ابھی تو میرے کھیلنے کے دن ہیں۔ اچھا۔۔۔اب عشق وشق کے کھیل نہ سمجھ لینا۔

    ویسے میں تمھارا خط ملتے ہی سمجھ جاتی ہوں، کہ کسی بے چارے کے برے آئے ہوئے ہیں۔ لیکن حیران ہوں اس بار تم نے اپنے پچھلے ناکام قصہ الفت کا رونا نہیں رویا۔ سچ پوچھو۔۔۔ تو تمھاری کہانیاں سن سن کر ہی میرا دل ان کاموں سے اتنا اچاٹ ہو چکا ہے، کہ مجھ میں اتنی ہمت ہی نہیں کہ ان چکروں میں پڑوں۔

    لگتا ہے آجکل سب جوبن پر ہے۔ تم اس “ف“ کی بات کرتی ہو، وہ اپنی “رضیہ“ نہیں تھی۔۔۔ہاں ہاں وہی۔۔۔وہ کھینچ تان کر کس کر بنائی ہوئی چٹیا، بھر بھر سلائیاں ڈالا سرما، ہاتھ پیر مہندی اور چوڑیوں سے بھرے، وہ بھاری بھاری جوڑے۔۔کسی لڑکے کو دیکھ کر ڈوپٹے کے گولے منہ میں ٹھونس کر ہنسی دباتے ادھر ادھر لوٹ پوٹ ہوتی رہتی تھی، شاید اپنی مسکراہٹ سے کسی کو متاثر کروانا چاہتی تھی۔۔۔اس نے تو ایسے گل کھلائے ہیں۔ توبہ توبہ۔

    کل ہی مجھے بازار میں ملی تھی، بڑی خوش دکھائی دے رہی تھی۔ میں نے خوشی کی وجہ دریافت کی۔۔۔تو بڑے فخر سے گوش گزار کرنے لگی۔کہ وہ “ شہلہ“ کے عاشق پر ڈورے ڈالنے میں کامیاب ہو گئی ہے۔ اب تو بس تین بول پڑھوانے کی دیر ہے۔ خوشی کے مارے بے چاری کے منہ سے بات ہی نہیں نکل رہی تھی۔ میں تو ہکی بکی رہ گئی۔ اور سنا ہے ادھر شہلہ بی بی رو رو کر ہلکان ہو رہی ہے۔ آجکل کے عاشقوں نے عشق کو بدنام کر دیا ہے۔

    اور یہ تمھارا مشورہ تو میں کبھی نہ مانوں۔ ساری عمر بیٹھی رہوں گی لیکن چاچی، مامی کے رشتوں کو قبول نہ کروں گی۔ اللہ جنت نصیب کرے میری ایک چاچی کو، جو میرا رشتہ مانگتے مانگتے اس جہاں فانی سے کوچ کر گئی۔

    اور مانا کہ منافقت اور خود غرضی کا دور ہے۔ لیکن سچ بتاؤں تو ابھی دنیا میں سچے اور مخلص لوگ ختم نہیں ہوئے۔ ویسے تو ہر نکڑ پر کوئی نہ کوئی کھڑا مل جاتا ہے۔ لیکن میں اکیسویں صدی میں رہتے ہوئے بھی بیسویں صدی کا عشق چاہتی ہوں۔ جو ملنا واقعی مشکل ہے، لیکن نا ممکن نہیں۔

    تم مجھے اپنی سناؤ کہ تمھارا عشق لاحاصل کہاں تک پہنچا ہے؟ میری فکریں چھوڑو، اب تم بھی شادی کرنے کا فیصلہ کر ہی لو۔اور کتنوں کو بے وقوف بناؤ گی۔

    اپنا ڈھیر سارا خیال رکھنا اور ہاں میرے لیے دعا کرنے کی زحمت نہ کیا کرو۔ اللہ کی ذات مجھ پر ویسے ہی بہت مہربان ہے۔

    تمھارا اللہ ہی حافظ۔

    تمھاری پیاری سہیلی۔
     
  7. ماوراء

    ماوراء محفلین

    مراسلے:
    16,399
    lol۔ اسی لیے تو بے چارے کو ڈھنگ کی محبت بھی نہیں ملی۔ :p
     
  8. محب علوی

    محب علوی لائبریرین

    مراسلے:
    12,181
    جھنڈا:
    Pakistan
    موڈ:
    Bookworm
    سوچ کے لکھ لو میں نے کب منع کیا اور مختلف ادوار کا خیال تو رکھنا ہے نہ ویسے اکیسویں صدی کے خطوط بھی آئیں گے فکر مت کرو۔

    اتنی مشکل محبت بھی تو محبت ہی ہوتی ہے اور محبوب جب صحرا میں ہو تو لیلی کہلاتی ہے اور وہیں پر مجنوں کی صدائیں بھی گونجی رہی ہوتی ہیں جو عشق میں دیوانہ کہلاتا ہے۔ :lol:

    میں نے تو خطوط کو مخصوص بھی نہیں کیا ، گنجائش کافی رکھی ہے ویسے ان کے ساتھ ہی ایک دو خطوط کے اور سلسلے بھی شروع کر دوں گا تاکہ تمام طبقات کی نمائندگی ہو سکے :lol:
     
  9. حجاب

    حجاب محفلین

    مراسلے:
    3,433
    تمہارا خط اب کی بار کیا ملا سمجھو قیامت آ گئی طبیعت پہلے ہی ناساز تھی اب ساز و آواز بن گئی، تم خط پھینکتے ہوئے خط کے ساتھ چھوٹا سا پتھر باندھا کرو اس بار تمہارا خط امّاں کے سر پر لگا وہ تو شُکر تھا کہ امّاں اپنی چیخ و پکار میں یہ بھول گئیں کہ کیا چیز لگی ہے سر پر ورنہ دن میں تارے نظر آ جاتے مجھے :roll:
    میں تمہاری شاعری سمجھنے کی کوشش کروں ، تمہارے خط سنبھالوں یا تمہاری حرکتوں پر پردے ڈالوں ایک ننھی سی معصوم میری جان اور اُس پر اتنے ظلم
    :cry:

    اور غزل ہی بھیجنا تم کبھی تحفے بھی بھیج دیا کرو ایسے تو کافی خبریں ملتی ہیں اڑتی اڑتی انار کلی میں گھوم رہے ہوتے ہو وہ تو شکر کرو اکیلے ہوتے ہو اس لیئے کبھی پوچھا نہیں اور یاد رکھو آئندہ بھی اکیلے گھومنا ورنہ وہ غزل ابّا کو بھجواؤں گی تمہارے جو تم نے مجھے لکھی ہے پھر تم پر دیوان لکھیں گے ابّا تمہارے :wink:

    اور ہاں یہ تمہارے خط لکھنے کا شوق اور اُس سے زیادہ جواب مانگنے کا شوق کچھ زیادہ نہیں ہو گیا کہیں منشی لگنے کا ارادہ تو نہیں رکھتے اگر ایسا ہے تو ذرا قلم کو قابو میں رکھنا میں تمہارے مزاج سے خوب واقف ہوں :twisted:
    اچھا اب اجازت دو تمہاری نئی رپورٹ ملے گی تو خط لکھوں گی۔
     
  10. تیشہ

    تیشہ محفلین

    مراسلے:
    21,892



    :laugh: بہت خوب ۔ مطلب اچھے جواب لکھ لیتی ہو ۔ پسند آیا ۔

    لگتا ہے آج سارا دن یہی سوچتی رہی ہو ۔ :p
     
  11. ماوراء

    ماوراء محفلین

    مراسلے:
    16,399
    زبردست حجاب۔ :D

    خط اماں کے ہاتھ لگنے والی بات سے تو ایک بات یاد آ گئی۔ یقیناً محب کو بھی یاد آ گئی ہو گی۔ ہاہاہاہا۔ (حجاب تمھیں بعد میں بتاؤں گی۔)

    اور محب انار کلی میں اکیلا نہیں جوتیاں گھیسٹتا رہتا۔ پکے ثبوت ہیں میرے پاس۔ :wink:

    چلو، اس خط و کتابت میں میں تمھاری اس سہیلی کا کردار ادا کرتی ہوں جو اکثر ساری رپورٹس آ کر دیتی ہے۔ لیکن قسم سے آخر میں اسے اڑا نہیں لے جاؤں گی۔ :p :lol:
     
  12. ماوراء

    ماوراء محفلین

    مراسلے:
    16,399
    نہیں، اس خط میں سوچنا نہیں پڑا۔ یہ بس لکھتی گئی۔ :D
     
  13. محب علوی

    محب علوی لائبریرین

    مراسلے:
    12,181
    جھنڈا:
    Pakistan
    موڈ:
    Bookworm

    کیا زمانہ آ گیا کہ خط کا ملنا قیامت ٹھہرا اور طبیعت ناساز سے آہ و فریاد بن گئی۔ پہلے خط آنے پر بہار چھا جایا کرتی تھی جلترنگ سے بجنے لگتے تھے ، ہوائیں گنگنانے لگتی تھیں اور طبیعت پر نکھار آ جایا کرتا تھا اور اب قیامت ، ساری نا شکری کی بات ہیں ، گھر بیٹھے خط جو مل جاتے ہیں خود لکھ کر اس طرح پھینکنے پڑیں تو قدر بھی ہو۔ خط کے ساتھ چھوٹا پتھر باندھا کروں ، کیا خط لکھوانے کے ساتھ ساتھ پتھر مارنے کا کام بھی مجھ سے لیا کرو گی۔ گھر والوں سے نہیں بنتی تو یہ غضب تو نہ ڈھاؤ ، کچھ تو خیال کرو ان کا آخر تمہارے گھر والے ہیں ، میں اتنا خیال رکھتا ہوں کہ صرف آدھ پاؤ کے ٹماٹر میں لپیٹ کر خط پھینکتا ہوں اس پر بھی تمہاری اماں کا واویلا آدھا شہر سنتا ہے۔ ویسے تمہیں دن میں تارے نظر آنے بھی چاہیے رات بھر جو تارے گنواتی رہتی ہو مجھے۔
    شاعری سمجھنے کی کوشش نہ کیا کرو بس پڑھا کرو ، سمجھ لی تو خود بھی لکھنے لگو گی اور پھر تمہارے لکھے کو کون پڑھے گا ، خط سنبھالنے کے لیے نہیں پڑھنے کے لیے بھیجتا ہوں اور حرکتیں تمہارے گھر سے باہر ہوتی ہیں تم ان سے آنکھیں بند رکھا کرو اور جتنی معصوم تمہاری جان ہے وہ میں جانتا ہوں یا تمہاری اماں۔

    غزل تو خط کو سجانے کے لیے بھیجتا ہوں اور تحفے کی خوب کہی ، ابھی پچھلے ماہ ہی تو نقلی چاندی کی قیمتی انگوٹھی بھیجی تھی تمہیں۔ اب میں نواب تو ہوں نہیں کہ ہر خط کے ساتھ ایک عدد جڑاؤ ہار بھی بھیجا کروں اور بالفرض نواب ہوتا تو پھر ان عشق کے بکھیڑوں میں پڑنے کی ضرورت ہی کیا تھی ، اب میں تو خدا لگتی کہتا ہوں چاہے کسی کے دل پر جا کر لگے۔
    انار کلی میں گھومتا ہوں مگر انار اور کلی دونوں سے دور دور ہی رہتا ہوں گو کھینچتے دونوں ہیں مگر تمہارا خیال ہے وگرنہ کب کا اکیلا پن ختم ہو چکا ہوتا۔ دھمکیاں مت دو غزلوں اور ابا کی اور دینی ہے تو ایک ایک کرکے دو ، اکھٹی دونوں تو نہ دو ویسے غزل میں نے وزن میں لکھی تھی اس لیے تمہارے ابا نہیں مانیں گے کہ میری ہے اور تمہارے لیے تو قطعا نہیں مانیں گے جتنے استعارے اور تشبہیات اس غزل میں ہیں اس کے بعد کسی کا خیال کسی الپسرا سے کم پر نہیں ٹھہرے گا، بھولے سے بھی تمہارا خیال نہیں آئے گا انہیں ، اک عمر گزری ہے ان کی اس دشت میں ، سمجھ جائیں گے کہ کسی نے کسی کو فردوسِ بریں دکھائی ہے۔

    بھولے سے خط کا جواب دیتی ہو اور پھر یہ تاکید کہ میں جواب کا اصرار بھی نہ کروں ، منشی لگ جاتا کہیں تو تم خود پہروں بیٹھ کر خط لکھا کرتی مجھے ، تمہاری طبیعت سے اتنی واقفیت تو مجھے بھی ہے ۔

    اجازت کی کتنی جلدی ہے اور جیسے سب کام میری اجازت سے کرتی ہو ، نئی رپورٹ سے پہلے ذرا اپنے گھر کی رپورٹ لکھ بھیجنا اور ہاں خط کے لیے کسی قاصد کا بندوبست کرلو اب مجھے سے ہر بار خط پھینکا نہیں جاتا۔
     
    • زبردست زبردست × 1
  14. محب علوی

    محب علوی لائبریرین

    مراسلے:
    12,181
    جھنڈا:
    Pakistan
    موڈ:
    Bookworm
    اف آگئی ماورا ، پھوٹ ڈلوانے والی ، مائی بگو :wink:

    ایک دو بار کسی کو بنارسی ساڑھی ہاؤس تک کیا چھوڑ دیا ، بات ہی پکڑ‌ لی ، اب اتنا تو آدمی کا اخلاقی فرض بنتا ہے پر یہ حاسد کیا جانیں اور کسی کو ہنستا بستا کہاں دیکھا جاتا ہے لوگوں سے۔
     
  15. ماوراء

    ماوراء محفلین

    مراسلے:
    16,399
    اس پھیکی محبت میں ذرا جلدی سے رنگ بھرو۔ پتہ ہی نہیں چلا کہ یہ محبت نامہ تھا۔ :lol:
     
  16. ماوراء

    ماوراء محفلین

    مراسلے:
    16,399
    کسی دوسرے کی کہانی میں کوئی ولن نہ ہو تو مزہ نہیں آتا۔ ہاں البتہ اپنی کہانیوں میں ولن کے بغیر ہی مزہ آتا ہے۔

    ویسے کہتے ہو تو تمھاری وہ تصویر لگا دیتی ہوں، جس میں تم آئس کریم کھلانے کسی کو لے گئے تھے۔ اور وہ جیولری کی دکان پر بھی گئے تھے۔ :wink: :lol:
     
  17. محب علوی

    محب علوی لائبریرین

    مراسلے:
    12,181
    جھنڈا:
    Pakistan
    موڈ:
    Bookworm
    کتنا شوق ہے لڑائی کروانے کا ، پر جلنے سے کیا ہوگا اپنا ہی خون کم ہو گا تمہارا

    آئسکریم کی دکان پر کب وہ تو جوس کی دکان تھی اور جیولر کی دکان تو ساتھ ہی تھی اس پر کب لے کر گیا تھا جھوٹی۔

    اب خط لکھنے دو ، ذہنی انتشار نہ پھیلاؤ۔
     
  18. شمشاد

    شمشاد لائبریرین

    مراسلے:
    205,291
    جھنڈا:
    Pakistan
    موڈ:
    Relaxed
    پُتر ظفری

    خوش رہو۔ کافی دن ہو گئے نیں تمہارا کوئی خط نہیں آیا۔ میں پرانے محلے وی گیا سی پتہ کرن لئی۔

    پتر اے خط میں تمہیں بہت ہولی ہولی لکھ ریا واں کیونکہ مینوں پتہ ہے تون تیز تیز نئیں پڑھ سکدا۔ اور ہاں توں ہلے جہیڑا وی خط لکھیں گا او اپنے تائے رجوان دے پتے تے پاویں۔ ایسی نواں گھر خریدا اے۔ پر ایدا اجے پتہ نہیں ہے۔ کیونکہ پرانے مالک ایدا پتہ اپنے نال ای لے گئے ہیں۔

    پچھلے ہفتے تمہارا محب چاچا وی ولائتوں آیا تھا۔ پر حرام اے جے ہمارے گھر آیا ہووے کہ کتے کوئی تحفہ شحفہ ای نہ دینا پڑ جائے۔ اور اپنے تائے رجوان کا تو تمہں پتہ ای ہے کہ اس نے تے کدی آنا ہی نہیں۔ آہو جی وڈے لوک ہو گئے نے۔ اسلام آباد کوٹھی جو بنا لئی ہے۔

    اور ہاں ہم نے تمہارے لئی اک رشتہ وی پسند کیتا اے۔ تم کہیں آتے ہوئے اپنے ساتھ کوئی میم نہ لے آنا۔ ہم نے جو لڑکی تمارے واسطے پسند کی ہے۔ وہ بہت اچھی ہے۔ جب کبھی وہ ہماری گلی سے سر پر ٹوکرا اٹھا کر گزرتی ہے تو بالکل ایسے لگتا ہے جیسے سر پر بڑا سا تاج پہنا ہوا ہے۔ ملکہ لگتی ہے ملکہ۔ کیا ہوا جو اس کی عمر تھوڑی زیادہ ہے۔ ہے تو برسر روزگار۔ چنگا کما لیتی ہے۔

    اچھا پتر ہلے بس ایناں ای۔

    تیرے نال جو حوریں ہیں اوندا کی حال اے؟

    ٕتمہاری بھرجائی وی تمہیں دعائیں لکھوا رہی ہے۔
    دعا گو
    تیرا وڈا بھائی
     
    • زبردست زبردست × 1
  19. الف عین

    الف عین لائبریرین

    مراسلے:
    35,229
    جھنڈا:
    India
    موڈ:
    Psychedelic
    محب کیا پرانا سٹاک نکال رہے ہو؟؟
     
    • دوستانہ دوستانہ × 1
  20. سیفی

    سیفی محفلین

    مراسلے:
    634
    اعجاز صاحب۔۔۔۔۔۔۔۔۔۔چہ نسبت خاک را عالمِ بے باک :lol:
    کہاں احمد ندیم قاسمی اور کہاں ہم۔۔۔۔۔۔۔


    محب! بہت شکریہ۔۔۔۔۔۔۔۔۔بہت عرصہ مشینوں سے مغز آزمائی کے بعد مہلت ملی تو کچھ دل مچل رہا تھا۔۔۔۔

    خطوط لکھنے والوں سے درخواست ہے کہ اپنے خط میں وصول کنندہ کا اور خط لکھنے والے کا فرضی یا اصلی نام ضرور لکھیں تاکہ (سند رہے اور بوقتِ ضرورت کام آئے :) ۔۔۔) بعد میں کسی خط میں‌ حوالہ دینا ہو تو آسانی ہو۔۔۔۔۔اب میں نے محب اور ماوراء اور حجاب کے لکھے خطوط کے حوالے سے خط لکھنا تھا تو پتہ ہی نہیں‌ کہ جناب کس کو کون خط لکھ رہا ہے۔۔۔۔۔۔چلو میں‌ اصلی نام سے ہی لکھ دیتا ہوں اگر اچھا نہ لگے تو بتا دیں تبدیلی کر دوں‌گا۔۔۔۔۔

    شمشاد آپ تو چھپے رستم نکلے۔۔۔۔۔بہت اچھا لکھا ہے
     
    • پسندیدہ پسندیدہ × 1

اس صفحے کی تشہیر