حکمت اعلیٰ حضرت رحمہ اللہ: فوز المبین در رد حرکت زمین ایک سیاسی کتاب ہے نہ کہ مذہبی یا سائنسی

سید رافع نے 'سیاست' کی ذیل میں اس موضوع کا آغاز کیا، ‏جون 2, 2020

لڑی کی کیفیت:
مزید جوابات کے لیے دستیاب نہیں
  1. سید رافع

    سید رافع محفلین

    مراسلے:
    1,267
    جھنڈا:
    Pakistan
    موڈ:
    Relaxed
    زمین گھوم رہی ہے اپنے محور کے گرد بھی اور سورج کے گرد اپنے مدار میں بھی۔ پھر کیا وجہ ہے کہ امام احمد رضا خان رحمہ اللہ تعالیٰ نے آج سے قریباً 100 برس قبل زمین کی حرکت کا رد کیا؟ انہوں نے کتاب فوز المبین در رد حرکت زمین میں 105 دلائل زمین کے ساکن ہونے کے لیے دیے۔ زمین کا ساکن ثابت کرنا ان کے نزدیک کھلی کامیابی یا فوز المبین تھی۔ امام احمد رضا رح وسیع اطلاع انسان تھے۔ انہیں قدیم فلاسفہ سے لے کر گلیلیو و نیوٹن کے زمینی حرکت کے قوانین کا علم تھا۔ قرآن و حدیث پر ان کی گرفت ظاہر و باہر ہے جو اعلان کر رہا ہے کہ كُلٌّ فِىۡ فَلَكٍ يَّسۡبَحُوۡنَ ۞ تمام (آسمانی کرّے) اپنے اپنے مدار کے اندر تیزی سے تیرتے چلے جاتے ہیں۔ سورۃ نمبر 21 الأنبياء آیت نمبر 33۔ پھر کیا وجہ ہے کہ انہوں نے زمین کا ساکن ہونا ناصرف ثابت کیا بلکہ اسے "کسی" کے خلاف کھلی کامیابی قرار دیا۔

    یہ کتاب دراصل علی گڑھ کی سائنس نما مذہبی تحریک پر ایک سیاسی بند تھا۔ جو لوگ حکمت امام احمد رضا رحمہ اللہ تعالیٰ سے واقف ہیں وہ جانتے ہیں کہ یہ کتاب نہ ہی سائنسی ہے اور نہ ہی دینی بلکہ یہ ایک سیاسی کتاب ہے جس کا مقصد دشمن کو الجھائے رکھنا ہے۔ دشمن بھی ایسا جو اپنوں کے روپ میں سر سید بن کر روز جزا و سزا، میدان حشر و نشر ، شیطان و جن الغرض اسلام کی عمارت کی ایک ایک اینٹ زمین پر پٹخ دینا چاہتا ہو۔

    جس طرح سرسید نے واضح اسلامی تعلیمات کا انکار کر کے سائنس کے لیے راہ ہموار کی اسی طرح سے اعلی حضرت رحمہ اللہ تعالیٰ نے واضح سائنسی انکشافات کا انکار کر کےایک مسلمانوں میں مباحثے کی فضاء پیدا کرکے مسلمان کے ایمان بچانے میں کھلی کامیابی حاصل کی۔ یہ کامیابی بغیر کسی اسلامی حکومت اور افواج کے محض قلم کے ذریعے حاصل کی گئی۔ جوں جوں انسانیت اسلام سے متعلق دجل سے آگاہ ہوتی جائے گی اور سچ کی راہ پر گامزن ہو گی توں توں مذہب کی طرف سے باندھے گئے سیاسی بند بھی کھلتے چلے جائیں گے۔

    دعا ہے کہ انسانیت دجل کا مقابلہ کرنے کی صلاحیت پیدا ہو۔ آمین۔
     
    آخری تدوین: ‏جون 2, 2020
    • مضحکہ خیز × 5
    • پسندیدہ × 1
    • معلوماتی × 1
    • پر مزاح × 1
    • غیر متفق × 1
    • غمناک × 1
  2. عبدالقیوم چوہدری

    عبدالقیوم چوہدری محفلین

    مراسلے:
    18,311
    جھنڈا:
    Pakistan
    موڈ:
    Relaxed
    کتاب پڑھنے کی کوشش کی لیکن انتہائی مشکل ترکیبات اور زبان استعمال کی گئی ہے۔
     
    • متفق متفق × 1
  3. سید رافع

    سید رافع محفلین

    مراسلے:
    1,267
    جھنڈا:
    Pakistan
    موڈ:
    Relaxed
    آپ کو شاید یہ بات پرمزاح معلوم ہو لیکن میرے نزدیک یہی کتاب کا مقصد ہے کہ پڑھیں نہیں اور پڑھ لیں تو سمجھ نہ پائیں اور سمجھ لیں تو 105 دلائل کے مباحثے سے کبھی باہر نہ نکل سکیں۔
     
    • پر مزاح پر مزاح × 2
    • پسندیدہ پسندیدہ × 1
  4. عبدالقیوم چوہدری

    عبدالقیوم چوہدری محفلین

    مراسلے:
    18,311
    جھنڈا:
    Pakistan
    موڈ:
    Relaxed
    آپ نے کتاب کے سیاسی ہونے کی رائے خود سے قائم کی یا اس کا بھی کوئی منبع ہے؟
     
    • پسندیدہ پسندیدہ × 2
    • متفق متفق × 1
  5. ابو ہاشم

    ابو ہاشم محفلین

    مراسلے:
    875
    ویسے سیاست تو کچھ اور چیز ہوتی ہے
     
    • متفق متفق × 1
  6. فرخ منظور

    فرخ منظور لائبریرین

    مراسلے:
    12,857
    جھنڈا:
    Pakistan
    موڈ:
    Cold
    ایک تو ہے علم الکلام والے جو سائنس اور مذہب کا تال میل بٹھاتے رہتے ہیں۔ جیسے سرسید وغیرہ اس کے علاوہ وہ لوگ ہیں جو اپنے اپنے عالم کو حق پر دکھانے کے لیے دلائل تراشتے رہتے ہیں۔ انھیں کونسے علم کا ماہر قرار دیا جائے؟ اکثر سوچتا رہتا ہوں۔
     
    • زبردست زبردست × 3
  7. سید رافع

    سید رافع محفلین

    مراسلے:
    1,267
    جھنڈا:
    Pakistan
    موڈ:
    Relaxed
    یہ میری ذاتی رائے ہے۔ اس رائے کو عام کرنا میں نے اس لیے اہم سمجھا کہ اس دور میں حکمت امام احمد رضا رحمہ اللہ تعالیٰ معدوم ہوتی جا رہی ہے۔ جو بنیادی طور پر دجل کی آنکھ میں آنکھ ڈال کر دیکھنا اور اسکا مقابلہ کرنا ہے۔
     
    • پر مزاح پر مزاح × 2
    • پسندیدہ پسندیدہ × 1
  8. سید رافع

    سید رافع محفلین

    مراسلے:
    1,267
    جھنڈا:
    Pakistan
    موڈ:
    Relaxed
    علم تزکیہ کا ماہر۔
     
    • معلوماتی معلوماتی × 2
  9. سید رافع

    سید رافع محفلین

    مراسلے:
    1,267
    جھنڈا:
    Pakistan
    موڈ:
    Relaxed
    سیاست بالا دستی برقرار رکھنے کا نام ہے۔
     
    • معلوماتی معلوماتی × 1
    • متفق متفق × 1
  10. جاسم محمد

    جاسم محمد محفلین

    مراسلے:
    23,884
    پاکستان میں ہوتا ہوگا۔ ادھر مغرب میں سیاست وسائل کی تقسیم کا نام ہے
     
    • معلوماتی معلوماتی × 1
  11. جاسم محمد

    جاسم محمد محفلین

    مراسلے:
    23,884
    آپ سو سال پہلے کی بات کر رہے ہیں۔ یہاں تو آجکل کے اعلی مذہبی حضرات یہی نظریہ رکھتے ہیں
     
    • پسندیدہ پسندیدہ × 1
  12. جاسم محمد

    جاسم محمد محفلین

    مراسلے:
    23,884
    پھر تو آپ کو یہ بھی معلوم ہوگا کہ قرآن پاک کوئی سائنسی کتاب نہیں ہے۔ اس کے باوجود آپ نے سائنسی علم فلکیات سے متعلق ایک قرآنی آیت اوپر کوٹ کر دی ہے
     
  13. عبدالقیوم چوہدری

    عبدالقیوم چوہدری محفلین

    مراسلے:
    18,311
    جھنڈا:
    Pakistan
    موڈ:
    Relaxed
    ایسا صرف پاکستان میں نہیں۔ عطاری صاحب کی ویڈیو کافی دنوں سے ٹیوٹر پر زیر بحث ہے۔ یوٹیوب پر کافی ایسے لوگوں کی ویڈیوز موجود ہیں جو زمین کے ساکن ہونے پر یقین رکھتے بحث کرتے دکھائی دئیے۔
     
    • معلوماتی معلوماتی × 1
  14. عبدالقیوم چوہدری

    عبدالقیوم چوہدری محفلین

    مراسلے:
    18,311
    جھنڈا:
    Pakistan
    موڈ:
    Relaxed
    پائین۔۔۔ ادھر برصغیر کی ہی بات ہو رہی ہے۔ معلومات کا شکریہ
     
    • دوستانہ دوستانہ × 1
  15. محمد وارث

    محمد وارث لائبریرین

    مراسلے:
    26,564
    جھنڈا:
    Pakistan
    موڈ:
    Depressed
    چوہدری صاحب برصغیر کی بات ہے تو برصغیر میں تو "اعلیٰ حضرت" سے بڑی ہستی کوئی نہیں، کس کی مجال ہے کہ اعلیٰ حضرت کے کہے پر انگلی دھر سکے اور جب اعلیٰ حضرت نے فرما دیا کہ زمین ساکن ہے تو زمین کی یا کم از کم برصغیر کی زمین کی کیا مجال کہ اپنی جگہ سے دم بھی مار جائے!
     
    • پر مزاح پر مزاح × 5
    • پسندیدہ پسندیدہ × 1
    • زبردست زبردست × 1
    • متفق متفق × 1
  16. زیک

    زیک محفلین

    مراسلے:
    38,752
    جھنڈا:
    UnitedStates
    موڈ:
    Bookworm
    کیا او پی نے احمد رضا خان کو جاسم عارف کی نسبت سے ٹرول قرار دیا ہے؟
     
    • پر مزاح پر مزاح × 2
    • معلوماتی معلوماتی × 1
  17. عبدالقیوم چوہدری

    عبدالقیوم چوہدری محفلین

    مراسلے:
    18,311
    جھنڈا:
    Pakistan
    موڈ:
    Relaxed
    کتاب مجھ سے پڑھی تو جا رہی ہے پر سمجھ ککھ بھی نہیں آ رہی۔ البتہ اعلیٰ حضرت سے عقیدت ہونے کے باوجود میں ان کے دعوی کو فی الحال ایک طرف رکھتے ہوئے کچھ عرصے کے لیے زمین کو ساکن مان رہا ہوں۔
     
    • پر مزاح پر مزاح × 3
  18. عبدالقیوم چوہدری

    عبدالقیوم چوہدری محفلین

    مراسلے:
    18,311
    جھنڈا:
    Pakistan
    موڈ:
    Relaxed
    قرآن پاک میں بہت سے موضوعات پر بات کی گئی ہے، اس میں فلکیاتی سائنس بھی شامل ہے۔ کوٹ کرنے سے کیا سائنس کی تضحیک ہو گئی ہے ؟
     
    • متفق متفق × 2
  19. فہد مقصود

    فہد مقصود محفلین

    مراسلے:
    318
    آپ کا نقطہ نظر یہ ہے کہ اعلیٰ حضرت نے جانتے بوجھتے جھوٹ بولا؟؟؟؟
    یعنی سر سید صاحب کے نظریات کا رد سچ بول کر اور مدلل دلائل دے کر نہیں کیا جاسکتا تھا؟؟؟؟ سیاسی طور پر مذہب کو استعمال کرتے ہوئے جھوٹ بول کر ہی مقابلہ کرنا رہ گیا تھا؟؟؟؟؟

    ایمان اس طرح بچایا جارہا تھا؟؟؟؟؟ بڑے دلچسپ دلائل دیے ہیں آپ نے!!!!
    آپ سے معلوم کرنے کا دل کر رہا ہے کہ جو اعلیٰ حضرت نے خدا کی شان میں گستاخیاں کی ہیں اس کے پیچھے آپ کے نزدیک کیا حکمت ہوگی؟؟؟؟
    ذرا اس بارے میں بھی کچھ فرمائیے
    propaganda & propaganda tools

    آپ دجل کا مقابلہ جھوٹ بول کر اور وہ بھی مذہب کے نام پر جھوٹ بول کر کرنے کا ارادہ رکھتے ہیں؟؟؟؟ یہ صلاحیت آپ کو ہی مبارک ہو!!!!!

    کیا مذہب کے نام پر جھوٹ بولنا واقعی آپ کے نزدیک پرمزاح ہے؟؟؟؟؟

    ایک مشورہ ہے اور وہ بھی بالکل مفت!!!!! کبھی بھی کمزور بنیادوں پر جنگ لڑنے کی کوشش نہ کریں اور وہ بھی جانتے بوجھتے مذہب کے نام پر!!!! میرا ماننا ہے کہ ایسے افراد بہت بری طرح شکست سے دوچار ہوتے ہیں!!!!
     
    • زبردست زبردست × 3
    • پسندیدہ پسندیدہ × 2
    • متفق متفق × 1
  20. جاسم محمد

    جاسم محمد محفلین

    مراسلے:
    23,884
    قرآن پاک کے بالکل شروع میں فرما دیا گیا ہے کہ یہ کتاب اللہ کی طرف سے متقین کیلئے ہدایت ہے۔ کچھ کم نہ زیادہ:
    [​IMG]
    اس لئے قرآن کی آیات میں سے جدید سائنس، معیشت، معاشرت، سیاست، تاریخ و فلسفہ وغیرہ نکالنے والوں کو خود غور کرنا چاہئے کہ وہ کر کیا رہے ہیں۔ جس چیز کا قرآن خود دعویٰ نہیں کر رہا اسے آخر کیوں کتاب اللہ سے منسوب کیا جا رہا ہے؟ کل جو سائنس کہتی تھی وہ آج نہیں کہتی، اور آج جو سائنس کہتی ہے وہ کل نہیں کہے گی۔ تو کیا بدلتی سائنس کے ساتھ قرآنی آیات کے مطالب و تشریحات بھی تبدیل کرتے چلے جائیں گے؟ خدارا دین اسلام پر کچھ رحم کریں۔ اسے روحانیات تک محدود رکھیں۔ خوامخواہ مادی سائنس کے ساتھ جوڑ کر آپس میں گڈمڈ نہ کریں۔
     
    • پسندیدہ پسندیدہ × 1
لڑی کی کیفیت:
مزید جوابات کے لیے دستیاب نہیں

اس صفحے کی تشہیر