جو دل میں شعر آئے وہ لکھ دیجیے -- نیا سلسلہ

[عبدالحسیب]

یہ عشق ہی ہے کہ منزل ہے جس کی الا للہ
خرد نے صرف رہ لا الہ پائی ہے ​

 

[نیرنگ خیال]

دیوار بارِ منّتِ مزدور سے ہے خم​

اے خانماں خراب نہ احساں اٹھائیے

یا میرے زخمِ رشک کو رسوا نہ کیجیے
یا پردۂ تبسّمِ پنہاں اٹھائیے......!!!​

 

[شیزان]

شفاف ہو گئیں سبھی اونچی حویلیاں!​

اک جھونپڑی کی چھت نہ رہی بارشوں کےبعد​

 

[محمداحمد]

شفاف ہو گئیں سبھی اونچی حویلیاں!​

اک جھونپڑی کی چھت نہ رہی بارشوں کےبعد​

 

[نیرنگ خیال]

چھت ٹپکتی دیکھ کر روتی ہے ماں
چھت تلے اک چھت پرانی اور ہے

عباس تابش

 

[شیزان]

یہ سفر بہت ہے کٹھن مگر
نہ اداس ہو میرے ہمسفر

 

[عبدالحسیب]

واپس نہیں پھیرا کوئی فرمان جنوں کا
تنہا نہیں لَوٹی کبھی آواز جرس کی
خیریتِ جاں، راحتِ تن، صحت داماں
سب بھول گئیں مصلحتیں اہلِ ہوس کی

-فیض ​

 

[محمداحمد]

یہ سفر بہت ہے کٹھن مگر
نہ اداس ہو میرے ہمسفر

کٹھن ہے راہ گزر تھوڑی دور ساتھ چلو
بہت کڑا ہے سفر،تھوڑی دور ساتھ چلو

تمام عمر کہاں کوئی ساتھ دیتا ہے
میں جانتا ہوں مگر تھوڑی دور ساتھ چلو

 

[باباجی]

ہوئے مر کے ہم جو رُسوا، ہُوئے کیوں نہ غرقِ دریا
نہ کبھی جنازہ اُٹھتا، نہ کہیں مزار ہوتا

 

[سید زبیر]

ہوئے مر کے ہم جو رُسوا، ہُوئے کیوں نہ غرقِ دریا
نہ کبھی جنازہ اُٹھتا، نہ کہیں مزار ہوتا

ایسی باتیں نہ کرو جاو کھیلو
جاو کھیلو یہ لو جھنجھنا

 

[سید زبیر]

کرتا ہے بسکہ باغ میں تو بے حجابیاں
آنے لگی ہے نکہتِ گل سے حیا مجھے
کھلتا کسی پہ کیوں مرے دل کا معاملہ
شعروں کے انتخاب نے رسوا کیا مجھے

 

[عبدالحسیب]

یا وسعتِ افلاک میں تکبیرِ مسلسل
یا خاک کے آغوش میں تسبیح و مناجات
وہ مذہب مردانِ خود آگاہ و خدا مست
یہ مذہبِ مُلّا و جمادات و نباتات

-علامہ اقبال ​

 

[باباجی]

آگ دل میں جو لگی تھی وہ بجھائی نہ گئی
اور کیا تجھ سے پھر اے دیدہ گریاں ہوگا

 

[عاصم العصر]

تیز رکھنا سرِ ہر خار کو اے دشتِ جنوں
شائد آ جائے کوئی آبلہ پا میرے بعد

میر تقی میر

 

[رابطہ]

یہ عجیب امتحاں ہے کہ تمہی کو بھولنا ہے
ملےکب تھے اس طرح ہم تمہیں بے دلی سے پہلے

 

[رابطہ]

یوں نہ مل مجھ سے خفا ہو جیسے​

ساتھ چل موجِ صبا ہو جیسے​

 

[عاصم العصر]

آنکھوں سے لگایا ہے کبھی دست صبا کو
ڈالی ہیں کبھی گردن مہتاب میں باہیں

 

[عمر سیف]

ایک حقیقت سہی فردوس میں حوروں کا وجود
حسن انسان سے نمٹ لوں تو وہاں تک دیکھوں

احمد ندیم قاسمی

 

[فلک شیر]

ایسی باتیں نہ کرو جاو کھیلو
جاو کھیلو یہ لو جھنجھنا

مزاحیہ کی ریٹنگ دینے والے نین بھائی اور نیلم آپا!براہِ کرم اس ریٹنگ پہ نظر ثانی فرمائیں...................... ہائے ہائے........کیا کہہ دیا ہے کسی نے...........اگر یہ صرف نثر بھی ہوتی تو:...........کیا انداز اور کیا احساس ہے..............ایک باپ کی کیفیت طاری کر کے دیکھیے.........جب کبھی بچے عجیب سوال اور مرنے ورنے کی باتیں کر بیٹھتے ہیں بھولپن یا بچپنے کے ناز نخرے اور غصے میں.............تو باپ یا ماں اندر ہی سے کانپ جاتے ہیں اور پھر کہتے ہیں...............

ایسی باتیں نہ کرو! جاؤ کھیلو​

جاؤ کھیلو! یہ لو جھنجھنا!!​

سید صاحب! اللہ تعالیٰ آپ پہ بے پناہ رحمت کرے.................​

 

[عبد الرحمن]

جو یاد آتی ہے ان کی دل میں گھبراتا ہوں گلشن میں​

مجھے تو قرب کا عالم دیا ہے آہِ صحرا نے​