طارق شاہ
محفلین
غزل
سِراؔج اورنگ آبادی
جس کو مزا لگا ہے تِرے لب کی بات کا
ہرگز نہیں ہے ذَوق اُسے پِھر نبات کا
دیکھے سے اُن لبوں کے جسے عُمرِ خضر ہے
پیاسا نہیں ہے چشمۂ آبِ حیات کا
اے شوخ! بزمِ ہجر میں روشن ہے شمعِ آہ
قصّہ نہ پُوچھ مجھ سے جُدائی کی رات کا
یا رب! طلب ہے داغِ محبّت کی مُہر کی
مُدّت سے کام بند ہے دِل کی برات کا
جو ہے شہیدِیار، وہ ہے زندۂ مُدام
ہر زخم رُوح بخش ہے ظالم کی ہات کا
آبِ رَواں ہے حاصِلِ عُمرِ شتاب رَو
لَوحِ فنا میں نقش نہیں ہے ثبات کا
اے بُت پرست! دیدۂ بینا سے دیکھ تو!
اِک ذات میں ظہوُر بہت سی صِفات کا
میرے بغل میں خواہشِ دُنیا کا بُت نہیں
کُچلا ہے میں نے لات سے سر اُس منات کا
رُخسارِ یار حلقۂ کاکُل میں ہے عیاں
یا چاند ہے سراؔج اَماوَس کی رات کا
سِراؔج اورنگ آبادی
سِراؔج اورنگ آبادی
جس کو مزا لگا ہے تِرے لب کی بات کا
ہرگز نہیں ہے ذَوق اُسے پِھر نبات کا
دیکھے سے اُن لبوں کے جسے عُمرِ خضر ہے
پیاسا نہیں ہے چشمۂ آبِ حیات کا
اے شوخ! بزمِ ہجر میں روشن ہے شمعِ آہ
قصّہ نہ پُوچھ مجھ سے جُدائی کی رات کا
یا رب! طلب ہے داغِ محبّت کی مُہر کی
مُدّت سے کام بند ہے دِل کی برات کا
جو ہے شہیدِیار، وہ ہے زندۂ مُدام
ہر زخم رُوح بخش ہے ظالم کی ہات کا
آبِ رَواں ہے حاصِلِ عُمرِ شتاب رَو
لَوحِ فنا میں نقش نہیں ہے ثبات کا
اے بُت پرست! دیدۂ بینا سے دیکھ تو!
اِک ذات میں ظہوُر بہت سی صِفات کا
میرے بغل میں خواہشِ دُنیا کا بُت نہیں
کُچلا ہے میں نے لات سے سر اُس منات کا
رُخسارِ یار حلقۂ کاکُل میں ہے عیاں
یا چاند ہے سراؔج اَماوَس کی رات کا
سِراؔج اورنگ آبادی