جاپان کی تصویری یاداشتیں

[فہد اشرف]

واہ شاندار جی بہت خوبصورت تصویریں ہیں

 

[محمد وارث]

جاپان کی سرزمین کا اصل اور قدیم مذہب شنتو ہے۔ چھٹی صدی میں بدھ مت چین کے ذریعے جاپان داخل ہوا۔ تب سے دونوں مذاہب جاپانی تاریخ کا حصہ ہیں۔ بدھ مت تقریبا ۴۰ فیصد کے قریب ہے، اور شنتو کے بعد دوسرا بڑا مذہب ہے۔
دونوں مذاہب اپنی اصل، اساس، قدامت، تفصیلات وغیرہ میں کافی مختلف ہیں۔ دونوں کے معبد بھی الگ الگ ہیں۔
بدہ مت کے لیے مندر، اور شنتو کے لیے شرائن مخصوص ہے۔
زیرِ نظر تصویر سونے کے مندر میں نصب چند مورتیوں کی ہے۔مندر آنے والے لوگ ان کے سامنے چند سکے، ایک مذہبی فریضے کے طور پر، اور اپنی نامکمل آرزوؤں کی تکمیل کی امیدمیں، رکھ جاتے ہیں۔

مذاہب چاہے جتنے مختلف ہوں لیکن یہ سکے اور نوٹ اور چڑھاوے 'یونیورسل کانسٹنٹ' ہیں!

 

[عرفان سعید]

واہ شاندار جی بہت خوبصورت تصویریں ہیں

حسنِ نظر ہے جناب کا!

 

[عرفان سعید]

مذاہب چاہے جتنے مختلف ہوں لیکن یہ سکے اور نوٹ اور چڑھاوے 'یونیورسل کانسٹنٹ' ہیں!

قبلہ جب آپ نے التفات کیا ہے تو لگے ہاتھوں آپکے علم و فضل سے فیض یاب ہوا جائے۔
اس آفاقیت کی ممکنہ وجوہ پر کچھ روشنی ڈالنا پسند فرمائیں گے؟

 

[محمد وارث]

قبلہ جب آپ نے التفات کیا ہے تو لگے ہاتھوں آپکے علم و فضل سے فیض یاب ہوا جائے۔
اس آفاقیت کی ممکنہ وجوہ پر کچھ روشنی ڈالنا پسند فرمائیں گے؟

اس کا جواب تو آپ کی اپنی تحریر میں تھا قبلہ۔ "نا مکمل آرزؤں کی تکمیل کی امید'۔

 

[عرفان سعید]

اس کا جواب تو آپ کی اپنی تحریر میں تھا قبلہ۔ "نا مکمل آرزؤں کی تکمیل کی امید'۔

واہ! لطف آگیا حضور۔

 

[عرفان سعید]

مندر کے احاطے میں پجاریوں کے لیے ایک کمرہ۔
کمرے کا فرش تاتامی سے تیار کردہ ہے۔ تاتامی چاول کی فصل کے بھوسے سے تیار ہونے والی ایک چٹائی ہے۔ ہمارے ہاں گرمی کے موسم میں بعض مسجدوں کے صحن میں صفیں بچھائی جاتی ہیں۔ تاتامی کو ان صفوں کے مماثل قرار دیا جاسکتاہے۔ فرق یہ ہے تاتامی زیادہ سلیقے، مہارت اور خام مواد سے تیار کی جاتی ہے۔ جس کے باعث بہت زیادہ پائدار ہوتی ہے۔
تاتامی کی تاریخ اتنی ہی قدیم ہے جتنی جاپان کی تاریخ۔ تمام تاریخی عمارات کے فرش اس تاتامی سے تیار کیے جاتے تھے۔دورِ حاضر کے جاپان نے اپنی ترقی کا لوہا پورے عالم سے منوایا ہے۔لیکن آج بھی نیا تعمیر ہونے والا شائد ہی ایسا گھر ہو جہاں کم از کم ایک کمرے میں تاتامی استعمال نہ کی گئی ہو۔
جاپانیوں کی روایت ہے کہ گھر میں کم سے کم فرنیچر رکھا جائے۔اس لیے براہ راست فرش پر یا تاتامی پر بیٹھنا عام رواج ہے۔ مہمانوں کی خاطر کے لیے خاص طور پر صوفے، قالین وغیرہ رکھنا تقریبا ناپید ہے۔

 

[شاہد شاہ]

مذاہب چاہے جتنے مختلف ہوں لیکن یہ سکے اور نوٹ اور چڑھاوے 'یونیورسل کانسٹنٹ' ہیں!

خدا بھی انسے بیزار ہے اسی لئے کوئی فائدہ نہیں دیتا

 

[محمد وارث]

خدا بھی انسے بیزار ہے اسی لئے کوئی فائدہ نہیں دیتا

خدا کی خدا ہی جانتا ہے قبلہ "شاہ" جی، ہم آپ نہیں جان سکتے کہ اگر جان گئے تو وہ خدا نہ رہا، سو ایسا سوچنے کا بھی کوئی فائدہ نہیں!

 

[سید عاطف علی]

ان میں سے کچھ سکے بیچ میں سوراخ والے ہیں یا کوئی نٹ بولٹ کے واشربھی ڈال گیا۔
ویسے کچھ سکے ایسے میں نے بھی دیکھے ہیں ۔کیا جاپان میں یا کہیں اب بھی ایسے سکے رائج ہیں ؟

 

[عرفان سعید]

ویسے کچھ سکے ایسے میں نے بھی دیکھے ہیں ۔کیا جاپان میں یا کہیں اب بھی ایسے سکے رائج ہیں ؟

جی عاطف بھائی، بالکل رائج ہیں۔ ۵ اور ۵۰ ین کے سکے سوراخ والے ہیں۔

 

[عرفان سعید]

جاپان کے عام انتخابات ۲۰۰۵: چند اشتہارات

جاپانی قوم کو اگر دنیا کی مہذب ترین قوم کہا جائے تو بے جا نہ ہو گا۔ اپنی مشترکہ اور قومی املاک کے بارے میں انتہائی حساس یہ قوم درخت کا ایک پتہ بھی دانستہ توڑ لینا معیوب سمجھتی ہے۔ درج ذیل تصاویر چند انتخابی اشتہارات کی ہیں جنہیں براہ راست دیواروں وغیرہ پر لگانے سے پہلے کسی کاغذ، گتے، لکڑی یا پلاسٹک کے فریم پر چپکا کر اس طرح آویزاں کر دیا جاتا ہے کہ معمولی سا عیب بھی بعد میں دکھائی نہ دے۔ جس جوش و ولولے سے انتخابات سے قبل انہیں مشتہر کیا جاتاہے، مہم اختتام پذیر ہونے کے بعد اتنے ہی احساسِ ذمہ داری کے ساتھ اتار دیا جاتا ہے۔


[url=https://flic.kr/p/25XdT4o]
[url=https://flic.kr/p/28CQv3u] [/url][/url]

 

[شاہد شاہ]

جاپانی قوم کو اگر دنیا کی مہذب ترین قوم کہا جائے تو بے جا نہ ہو گا۔

کیا یہ سب ایٹم بم کی کرامات ہیں؟ یا اس سے پہلے بھی یہ قوم اتنی ہی مہذب تھی؟

 

[عبید انصاری]

جاپان کے عام انتخابات ۲۰۰۵: چند اشتہارات

جاپانی قوم کو اگر دنیا کی مہذب ترین قوم کہا جائے تو بے جا نہ ہو گا۔ اپنی مشترکہ اور قومی املاک کے بارے میں انتہائی حساس یہ قوم درخت کا ایک پتہ بھی دانستہ توڑ لینا معیوب سمجھتی ہے۔ درج ذیل تصاویر چند انتخابی اشتہارات کی ہیں جنہیں براہ راست دیواروں وغیرہ پر لگانے سے پہلے کسی کاغذ، گتے، لکڑی یا پلاسٹک کے فریم پر چپکا کر اس طرح آویزاں کر دیا جاتا ہے کہ معمولی سا عیب بھی بعد میں دکھائی نہ دے۔ جس جوش و ولولے سے انتخابات سے قبل انہیں مشتہر کیا جاتاہے، مہم اختتام پذیر ہونے کے بعد اتنے ہی احساسِ ذمہ داری کے ساتھ اتار دیا جاتا ہے۔

واہ بہت ہی اعلیٰ!
ذرا لگے ہاتھوں کچھ دوسرے مہذب ممالک کے اشتہارات کا طریقہ کار بھی بتائیں۔ اچھا طریقہ لگا

 

[عرفان سعید]

ذرا لگے ہاتھوں کچھ دوسرے مہذب ممالک کے اشتہارات کا طریقہ کار بھی بتائیں۔ اچھا طریقہ لگا

پاکستان کے حالات سے آپ خود بخوبی واقف ہیں۔
جرمنی میں میرا قیام سوا دو سال کے قریب تھا۔ اس دوران کسی انتخابات سے سابقہ نہیں پیش آیا۔
فن لینڈ میں حال ہی میں الیکشن ہو ئے ہیں۔ قبل و مابعدِ انتخابات قومی املاک کی حالت میں کوئی فرق نظر نہیں آیا۔اس کے علاوہ کہیں رہا نہیں، اس لیے تبصرہ کرنے کی دسترس نہیں پاتا۔

 

[لاریب مرزا]

جرمنی میں میرا قیام سوا دو سال کے قریب تھا۔ اس دوران کسی انتخابات سے سابقہ نہیں پیش آیا۔

آپ کی باتوں سے معلوم ہوتا ہے کہ آپ کا زیادہ تر واسطہ غیر ملکی زبانوں سے رہا ہے۔ لیکن اس کے باوجود آپ کی اردو بھی خوب ہے۔ بہت خوب!

 

[عرفان سعید]

کیا یہ سب ایٹم بم کی کرامات ہیں؟ یا اس سے پہلے بھی یہ قوم اتنی ہی مہذب تھی؟

میرے ذاتی خیال کے مطابق روزمرہ زندگی میں تہذیب و شائستگی اس قوم کی اساس میں داخل ہے جس کی جڑیں تاریخ میں بہت دور تک جاتی ہیں۔
البتہ یہ درست ہے کہ اجتماعی حیثیت میں دوسری جنگِ عظیم سے پہلے یہ قوم اپنے جنگی جنون میں مبتلا رہتی تھی۔ دوسری جنگِ عظیم کی شکست کے بعد پوری قوم نے اس منفی مزاج کو تبدیل کر دیا۔ یہ قومی سطح پر ایک عظیم فکری انقلاب تھا۔ قوم کے ہر فرد نے علم کی دوڑ میں سر دھڑ کی بازی لگا کر جاپان کو دنیا کی دوسری بڑی اقتصادی قوت بنا کر دکھا دیا۔
ایٹم بم کبھی کرامات نہیں لے کر آتا۔ہیروشیما اور ناگاساکی صرف جاپان ہی کا نہیں، پوری انسانیت کا سیاہ ترین باب ہے۔

 

[عرفان سعید]

آپ کی باتوں سے معلوم ہوتا ہے کہ آپ کا زیادہ تر واسطہ غیر ملکی زبانوں سے رہا ہے۔ لیکن اس کے باوجود آپ کی اردو بھی خوب ہے۔ بہت خوب!

آپ کا حسنِ نظر ہے، بہت عنایت حوصلہ افزائی کے لیے۔

 

[عبید انصاری]

آپ کا حسنِ نظر ہے، بہت عنائیت حوصلہ افزائی کے لیے۔

اچھا اب آپ زیادہ پھول نہ جائیں اس لیے عرض کرتے ہیں کہ "عنائیت" نہ لکھا کیجیے بلکہ "عنایت" لکھا کیجیے۔

 

[عرفان سعید]

اچھا اب آپ زیادہ پھول نہ جائیں اس لیے عرض کرتے ہیں کہ "عنائیت" نہ لکھا کیجیے بلکہ "عنایت" لکھا کیجیے۔

جی بہت بہتر، نشاندہی کے لیے بہت "عنایت"