فارسی شاعری تنم فرسودہ جاں پارہ ز ہجراں یارسول اللہ (از مولاناجامی مع ترجمہ)

[مہ جبین]

’’اے اللہ کے رسول صل اللہ علیہ وسلم ، میں ابوبکر کی صداقت اور عمرِ فاروق کی دوستی/ محبت کا طلبگار / خواہاں ہوں ،اور دل و جان کے کو عثمان پر فدا کرتا ہوں ‘‘
( واللہ اعلم و رسولہ ُ )

جزاک اللہ مغزل (م، م، مغل) اللہ آپ کے علم و عمل میں برکتیں عطا فرمائے آمین

 

[مغزل]

جزاک اللہ مغزل (م، م، مغل) اللہ آپ کے علم و عمل میں برکتیں عطا فرمائے آمین

آمین ثم آمین ، جزاک اللہ خالہ جان۔۔
ہم ’’مغزل‘‘ آپ کے شکرگزار ہیں ۔اللہ آپ کو سبھی خوشیاں مرحمت فرمائے جو دینوی دنیاوی و اخروی فلاح و فوزِ کبیر کا سبب ٹھہریں ،آمین

 

[مہ جبین]

الٰھم آمین

 

[سید زبیر]

​

​

نعت رسول ﷺ​

حضرت عبدالرحمٰن جامی رحمۃاللہ علیہ​

​

​

تنم فرسودہ ، جاں پارہ،ز ہجراں یا رسول اللہ​

دلم پذمردہ ، آوارہ،ز عصیاں یا رسول اللہ​

(یا رسول اللہ ! آپ کی جدائی میں میرا جسم ناکارہ اور جان ریزہ ریزہ ہے اور​

گناہوں کے بوجھ سے دل پژمردہ اور راہ گم کردہ ہو گیا ہے)​

چوں سو ئے من گزر آری،من مسکیں زنا داری​

فدائے نقش نعلینت، کنم جاں ، یا رسول اللہ​

(یا رسول اللہ ! اگر آپ کبھی اس جانب توجہ فرمائیں تو میں عاجز و مسکیں​

اپنی ناداری میں آپ کے جوتوں کے نقوش پر اپنی جان نثار کر دوں )​

ز کردہ خویش حیرانم ،سیہ شد روز عصیانم​

پشیمانم ، مشیمانم ، پشیماں ، یا رسول اللہ​

(یا رسول اللہ ! میں اپنے کیے پر حیراں ہوں کہ روز حساب میرا نامہ اعمال گناہوں​

سے سیاہ ہوگا۔میں پشیمانی و شرمنگی سے پانی پانی ہو رہا ہوں) ​

ز جام حب تو مستم ،بہ زنجیر تو دل بستم​

نمی گویم کہ من ہستم،سخن داں ،یا رسول اللہ​

(یا رسول اللہ میں تو آپ کی محبت سے سرشار اور آپ کے عشق کی زنجیر کا قیدی​

ہوں۔میں کیسے دعویٰ کر سکتا ہوں کہ میں بڑا سخن دان ہوں)​

چوں بازوئے شفاعت را ،کشائی بر گنہ گارا ں​

مکن محروم جامی را ،درا آں ، یا رسول اللہ​

(یا رسول اللہ ! جب روز حساب آپ اپنا بازہ گناہ گاروں کے سروں پر شفاعت کے لے​

پھیلائیں تو اس عاجز جامی کو نہ محروم رکھیے گا)​

 

[چھوٹاغالبؔ]

روایت ہے کہ مولانا عبدالرحٰمن جامی(رحمتہ اللہ علیہ)نے مکّہ معظّمہ میں حج سے فارغ ہوکر جب مدینہ منّورہ جانے کا عزم کیا،تو اُسی رات گورنر مکّہ کو خواب میں زیارت کرواتے ہوئے رسولِ مقبول(صلی اللہ علیہ وآلٰہ وسلم)نےفرمایا کہ حجاج کرام میں عبدالرحٰمن جامی نام کا ایک شخص ایران سے آیا ہوا ہے اسے مدینہ آنے سے روکنے کی کوشش کرو،اگر وہ وجہ دریافت کرے تو اسے میرا یہ پیغام دو کہ تمہاری نیلی واسکٹ کی جیب میں جو نعت ہے،اگر تم نے وہ نعت میرے روضہ پر آکےپڑھ دی تو،مجھے مجبورا" شرعی حدود پار کرکے قبر سے ہاتھ نکال کر تم سے مصافحہ کرنا پڑےگا،میں چاہتا ہوں کہ تم سے ایران ہی میں ملاقات کروں،اس کیلیئے تم کو ہر جمعرات کو (100 سو مرتبہ درود شریف اور گیارہ مرتبہ یہ نعت) پڑھ کر سو جانا ہوگا،میری زیارت ہوجایا کرے گی،گورنر مکّہ کی زبانی یہ سُن کر مولاناعبدالرحٰمن جامی(رحمتہ اللہ علٰیہ) ایران پلٹ گئے اور سرکارِ دو عالم(صلی اللہ علیہ وآلٰہ وسلم)کے بموجب فرمان ہر جمعرات یہ عمل کرتے اور زندگی بھر زیارتِ مصطفٰے(صلی اللہ علیہ وآلٰہ وسلم) سے مستفیض ہوتے رہےاسی بِنا پر ہر جمعہ کو آپکے جسم سے بڑی لطیف خوشبو آیا کرتی تھی،سرکارِ دوعالم نورِ مجسّم(صلی اللہ علیہ وآلٰہ وسلم) کی زیارت کایہ فیضان تھا،اللہ تعالٰی ہمیں بھی اس نعمت سے نوازے،(آمین)​

ماخوذ قصص الاولیا​

 

[چھوٹاغالبؔ]

تَنَم فَرسُودَہ جَاں پَارہ
زِھِجراں یا رَسُول اللہ

میرا جسم ناکارہ اور ٹکڑے ٹکڑے ہوگیا ہے
آپ کی جدائی میں،اے اللہ کے پیارے نبیؐ

دِلَم پَژ مُردَہ آوارَہ
زِعصیَاں یَارسُول اللہ

میرا دل بھٹک رہا اور دل کا پھول مُرجھا چکا ہے
گُناہوں کہ بوجھ سے،اے اللہ کے پیارے نبیؐ

چُوں سُوئے مَن گُزر آرِی
مَنِ مِسکیں زِ نَاداری

کبھی خواب میں اپنا جلوہ دکھا دیں
اس عاجِز مِسکین اور غریب نادار سائل کو

فِدائے نقشِ نعلَینَت
کُنم جَاں یَا رسُول اللہ

تو میں پھر آپکے(جوتےکے)نقشِ پَا پر فدا
ہو جاؤں گا،اے اللہ کے پیارے نبیؐ

زِکردہ خویش حَیرانم
سِیاہ شد روز عِصیَانَم

میں نے جو کچھ کیا ہے بہت حیران ہوں
روزِحساب میرا اعمال نامہ گناہوں کی بہتات سے سیاہ ہوگا

پَشیمَانم پَشیمَانم
پشِیماں یَا رسُول اللہ

میں انتہائی پشیماں اور سخت شرمندہ ہوں
پشیمان ہی پشیمان ہوں،اے اللہ کے پیارے نبیؐ

زِجَامِ حُبِّ تومَستَم
بَہ زَنجیرِ تو دِل بَستَم

آپؐ کی محبت میں،میں مَست ہوں
آپکے عشق کی زنجیر سے میرا دل بندھا ہوا ہے

نمی گویم کہ مَن ھستم
سُخن دَاں یَا رسُول اللہ

میں عاجز اور مِسکین کوئی دعویٰ نہیں کرتا کہ میں
ایک بہت بڑا شاعرہوں،اے اللہ کے پیارے نبیؐ

چُوں بازُوئے شفاعَت را
کُشائی بَر گُنَاہ گاراں

جب روزِ قیامت آپؐ اپنی شفاعت کا بازو
لمبا کرکے گناہ گاروں کے سر پر پھیلا دیں گے

مَکُن محرومِ جامی را
دَرا آں یَا رسُول اللہ

اُس روز اِس عاجز جامی کو محروم نہ رکھیے گا
اُس جان جوکھوں کی نازک گھڑی میں،اے اللہ کے پیارے نبیؐ​

 

[غلام ربانی فدا]

مشہورزمانہ نعت شئیرکرنے کے لئے شکریہ

 

[منصور مکرم]

ماشاء اللہ ،ایک محفل میں یہ نعت سنی تھی،بس پھر دل کو بہت بھاگئی تھی۔آپ سب کو اللہ تعالیٰ جزائے خیر دئے۔آمین

 

[غلام ربانی فدا]

جی اللہ آپ جزائے خیردے۔ آمین۔ میں نے بھی جمعہ کی شب میرے ایک دوست منیراحمدجامی نے دعائے کریمانہ(کریمہ بادشاہ) پڑھی۔ دل کو بہت متاثرکرگئی۔

 

[نور وجدان]

تنم فرسودہ جاں پارہ زے ہجران یارسول اللہ
دلم پژمردہ، آوارہ ز عصیاں، یا رسول اللہ ۖ


یا رسول اللہ، آپ سے دوری کی وجہ سے میرا تن فرسودہ اور جان پارہ پارہ ہو چکی ہے اور میرا دل گناہوں کی وجہ سے مرجھایا ہوا اور آوارہ ہے (بھٹک رہا ہے)۔

چوں سوئے من گذر آری، منِ مسکیں ز ناداری
فدائے نقشِ نعلینت کنم جاں، یا رسول اللہ ۖ


اگر آپ (ص) کبھی میری طرف تشریف لائیں تو میں مسکین ناداری اور عاجزی سے آپ کے نعلینِ مبارک کے نقش پر اپنی جان قربان کر دوں۔

زجامِ حب تو مستم، با زنجیر تو دل بستم
نمی گویم کہ من ھستم سخنداں، یا رسول اللہ ۖ


آپ کی محبت کے جام سے میں مست ہوں اور میرا دل آپ کی زنجیر سے بندھا ہوا ہے، میں یہ نہیں کہتا کہ میں کوئی سخندان ہوں (یہ سب تو فقط آپ کی محبت سے ہے)۔


ز کردہ خویش حیرانم، سیاہ شد روز عصیانم
پشیمانم، پشیمانم، پشیماں، یا رسول اللہ ۖ

اپنے کیے پر میں حیران و پریشان ہوں، میرے نصیب میرے گناہوں سے سیاہ ہو چکے ہیں اور اس پر یا رسول اللہ میں پشمیان

ہوں، پشیمان ہوں، پشیمان ہوں۔
چوں بازوئے شفاعت را کشائی بر گناہگاراں
مکن محروم جامی را در آں، یا رسول اللہ ۖ

یا رسول اللہ جیسے کہ آپ کے شفاعت کے بازو گناہگاروں کے لیے کھلے ہوئے ہیں تو جامی کیوں محروم رہے یارسول اللہ

 

[نایاب]

سبحان اللہ
بہت خوبصورت نعت ہے
آخری لائن ترجمے میں ایسے ہو کہ
یا رسول اللہ جیسے کہ آپ کے شفاعت کے بازو گناہگاروں کے لیے کھلے ہوئے ہیں تو جامی کیوں محروم رہے یا رسول اللہ
بہت دعائیں

 

[نور وجدان]

سبحان اللہ
بہت خوبصورت نعت ہے
آخری لائن ترجمے میں ایسے ہو کہ
یا رسول اللہ جیسے کہ آپ کے شفاعت کے بازو گناہگاروں کے لیے کھلے ہوئے ہیں تو جامی کیوں محروم رہے یا رسول اللہ
بہت دعائیں

سبحان اللہ. میری پسندیدہ ترین نعت ہے .. تدوین کردی .. جامی اور رضا۔۔۔ زبردست

 

[زبیر مرزا]

سبحان اللہ- جزاک اللہ

 

[نور وجدان]

سبحان اللہ- جزاک اللہ

جزاک اللہ ۔

 

[لئیق احمد]

جزاک اللہ

 

[الشفاء]

تنم فرسودہ جاں پارہ ۔۔۔ واہ۔۔۔ سبحان اللہ۔۔۔

 

[نور وجدان]

تنم فرسودہ جاں پارہ ۔۔۔ واہ۔۔۔ سبحان اللہ۔۔۔

بہت اچھی نعت ہے
پہلے میں نے خود لکھی سن کر
پھر نیٹ پر محترم وارث صاحب کی ترجمے کے ساتھ دیکھی تو شریک کردی۔ یہ نعت میں کب سے سنتی رہی اور کچھ نشید بھی ہیں ۔فارسی بہت میٹھی اور پیاری زبان ہے

 

[الشفاء]

پہلے مصرعے میں جہاں کو جاں سے بدلنے کا اشارہ بھی دیا تھا۔۔۔ شائد توجہ نہیں فرمائی۔۔۔

 

[نور وجدان]

پہلے مصرعے میں جہاں کو جاں سے بدلنے کا اشارہ بھی دیا تھا۔۔۔ شائد توجہ نہیں فرمائی۔۔۔

او سوری بہنا۔۔۔۔۔۔تدوین کا اختیار نہیں ہے ۔محترم محمد وارث ابن سعید ،، براہ مہربانی مراسلے کی تدوین کر دیں ۔۔۔۔۔۔۔۔ ''جہاں '' کو ''جاں '' کرنا ہے

 

[الشفاء]

او سوری بہنا۔۔۔۔۔۔تدوین کا اختیار نہیں ہے ۔محترم محمد وارث ابن سعید ،، براہ مہربانی مراسلے کی تدوین کر دیں ۔۔۔۔۔۔۔۔ ''جہاں '' کو ''جاں '' کرنا ہے

اپنے اس بھائی کو دعاؤں میں یاد رکھا کریں۔۔۔