سید عمران
محفلین
جیسا کہ کہہ چکا ہوں کہ صحیح کا مطلب اس کا عکس یعنی غلط نہیں بلکہ محدثین کی اصطلاح ہے۔۔۔راویوں اور اسناد سے متعلق۔۔۔
تسنن، تقدس اور تصنع
- صاحب لڑی راحیل فاروق
- تاریخ ابتداء
حسن محمود جماعتی
محفلین
قبلہ میرے لیے بہر حال علماء کی بات حتمی ہو گی اور اس پر ایک تفصیل تحریر لکھنے کو جی بہت چاہا مارے سستی لکھ نہ پایا کہ رائے، اختلاف رائے اور احترام اختلاف رائے۔۔۔۔۔۔ بات موضوع سے کافی دور نکل رہی ہے۔
حسن محمود جماعتی
محفلین
قبلہ غلط قیاس معذرت کے ساتھ۔۔۔۔ احادیث کبھی بھی غلط صحیح نہیں ہوتی۔ جیسا شاہ جی بیان کر چکے کہ علم حدیث میں صحیح، غلط کا متضاد نہیں بلکہ ایک ٹیکنیکل ٹرم ہے۔ دوم صحیح یا ضعیف کا اعتبار راوی پہ ہوتا ہے۔۔۔۔ پھر وہی بات کہ یہ ٹیکنکل ٹرمزہیں اور بات اور رخ چلی جائے گی۔۔۔۔
ربیع م
محفلین
ایک برادرانہ مشورہ کہ لازمی لکھئے اور الگ موضوع بنا کر لکھیں۔
حسن محمود جماعتی
محفلین
سید لبید غزنوی
محفلین
ایک پر اثر اچھی تحریر۔۔۔چند ایک جملوں پر گزارشات ۔۔۔۔
اور سعادت مندی سمجھ کر کیے ہو ئے ایسے کام جن پر مہر مصطفوی نہیں ہے بجائے جنت میں لے جانے کے جہنم میں لے جائیں گے ۔۔۔
حقیقت ہے اس سے انکار نہیں۔۔۔اسلام کے اصل سرچشمے تو قرآن و حدیث تھے ۔۔۔ان سے دوریت کی بنا پے اسلام کی روح سکرات الموت کی کیفیت میں ہے ۔۔۔
فرشتہ بننے کی ترغیب واقعی نہیں دی مگر فرشتہ صفت ہو نے کی تر غیب ضرور دی ہے ۔۔جیسا کہ فرشتے اپنے مالک کے بے دام غلام ہیں ذرا بھی چوں چراں نہیں من و عن مالک کے احکامات کو بجا لاتے ہیں ۔۔۔انسانو ں کو عقل و شعور راستی ارو گمرہی میں تمیز کرنے والا بنا کر اور تمیز کروانے والا بھیج کر ۔۔۔چاہت وہی رکھی ہے ۔۔۔جسے فرشتے پورا کرتے ہیں۔۔اب فرشتے کوتاہی نہیں کرتے مگر انعام نہیں ۔۔۔انسان پہاڑوں کے برابر گناہ بھی کرلے ۔پھر مرنے سے پہلے سچے دل سے توبہ کرلے دل سے گناہ چھوڑنے کا عہد کرلے تو انعام ہے ۔۔۔اور وہ جنت ہے ۔۔۔تو فرشتہ بننا نہیں مگر فرشتہ صفت ضرور بننا ہے ۔۔بتقاضائے بشریت کوتاہیاں ہونا ۔۔ممکن ہیں ۔۔تو بہ کر نے نا کرنے کا ہمیں اختیار ہے ۔۔۔
اگر یہاں ان کا ذکر ہو جاتا تو تحریر کی چاشنی اور افادیت میں اضافہ ہو جاتا۔۔۔
بد قسمتی سے میں اس بات کا عینی شاہد ہوں ۔۔۔دین دار لوگوں کے گھر کنبے قبیلے گمراہیوں سے اٹے پڑے ہیں ۔۔اور ان کے گھروں میں وہ تمام خرافات موجود ہیں جن کا وہ اپنے مواعظ او رخطبات میں قرآن و سنت کا حوالہ دے کررکنے کا درس دیتے ہیں ۔۔ایسے تما م مواغظین اور خطباء حضرات سے درمندانہ اپیل ہے ۔۔۔پہلے اپنے گھروں میں انقلاب لایے ۔۔۔پھر گلی محلے گاؤں شہر ملک میں انقلاب آئے گا ۔۔آپ کے گھروں میں پر شکوہ دیدہ زیب شوکیسوں میں خوبصورت غلافوں میں لپٹا نسخہ قرآنی آپ کی توجہ کا محتاج ہے ۔۔اور چیخ و پکار میں مصروف عمل ہے ۔۔۔میں صرف دوسروں کے لے ہی نہیں ہوں تمھارے لیے بھی ہوں ۔۔۔مجھے پڑھو مجھے سمجھو پھر آگے پہنچاؤ۔۔یہ تمہاری ذمہ دار ی ہے ۔۔۔اور یاد رکھو تم سے تمھاری ذمہ داری کے بارے میں سوال کیا جائےگا۔۔
کاش کوئی عمررضی اللہ عنہ جیسا حکمران پھر سے آجائے او رمارمار کے (دُرّے ) اس کی شرماہٹ کو درو کر دے جو دین و دنیا کے حوالہ سے ہے ۔۔۔
اپنے قول و فعل سے اسلام کی روح کی مردہ کر دینے کے بعد خود کو زندہ تصور کرکے تو ہین محسوس کرنے والی قوم اس رویے کو حماقت سے ہی متصور کیا جا سکتا ہے ۔۔اگر زندہ ہو تو کچھ ایسا کرکے تو دکھلاؤ کے پور ی دنیا میں یہ تہلکہ مچ جائے (خون مسلم میں ابھی زندگی باقی ہے ) اپنے قول و عمل سے ثابت کر و کے ہم مسلمان ہیں اور ہم ایک زندہ قوم ہے ۔۔۔تمھارا اپنے اعمال کو درست کر لینا اور قول و عمل میں قرآن اور حدیث کے مطابق ہو جانا ہی اغیار کے ماتھے پہ کلنک کا ٹیکہ ہوگا۔۔۔
عَائِشَةَ رَضِيَ اللَّهُ عَنْهَا عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: «مَنْ أَحْدَثَ فِي أَمْرِنَا هَذَا مَا لَيْسَ مِنْهُ; فَهُوَ رَدٌّ». وَفِي رِوَايَةٍ لِ۔ مُسْلِمٍ: «مَنْ عَمِلَ عَمَلًا لَيْسَ عَلَيْهِ أَمْرُنَا; فَهُوَ رَدٌّ».
اور سعادت مندی سمجھ کر کیے ہو ئے ایسے کام جن پر مہر مصطفوی نہیں ہے بجائے جنت میں لے جانے کے جہنم میں لے جائیں گے ۔۔۔
بولہبی کے ایسی جرأت کہاں۔۔۔جہاں میں آگ لگانے کی ۔۔ دراصل تو یہ بو لہب کے پیروکار ہیں جنہوں نے لبادہ دین مصطفوی اوڑ رکھا ہے ۔۔۔اور بھر پور تیاری کے ساتھ دین مصطفوی پر یورش کیے ہوئے ہیں ۔۔۔
آخری تدوین:
ادب دوست
معطل
راحیل بھائی، محفل پر بہت سے اطلاعات میری منتظر تھیں ، مگر آپ کی تحریر دیکھی تو پہلے یہاں آگیا، ۔۔۔ تحریر پڑھی۔۔ پوری پڑھی۔۔ کچھ دیر ایک تک سوچتا رہا کہ اس تحریر کے محرکات کیا ہوسکتے ہیں۔ بہرحال نہیں سمجھ سکا ، پھر چونکہ آپ کی تحریر تھی اس لئے سوچا کہ اپنی رائے دی جائے، اگر آپ کے علاوہ کوئی اور یہ تحریر کرتا تو شاید مجھے ذرا برابر کشش محسوس نہ ہوتی، مگر یہ آپ کی تحریر ہے اور آپ ہمارے اچھے دوست ہیں، پھر یہ بھی ہمیں اندازہ ہے کہ آپ کو ہماری تعریف سے زیادہ ہمارا رائے دینا پسند آئے گا ۔
چونکہ رائے موافقانہ بھی ہوسکتی ہے اور مخالفانہ بھی یہ بھی اندازہ ہے کہ آپ ہر نوعیت کے اختلاف کو اس کی حدود میں رکھیں گے۔اس لئے طے ہوا کہ ہم اس تحریر پر رائے دینگے۔یعنی یہ خود کتنا بڑا اعزاز ہوا راحیل بھائی کہ مابدولت اپنی رائے دینے پر آمادہ ہوگئے۔
فاخر رضا
محفلین
ربا تیری جنت پچھے
دنیا دوزخ ہوگئ اے
ادب دوست
معطل
حیرت تو آپ کو اس بات پر ہوگی کہ ہم نے آپ کیلئے محفل کے شاعروں کی خفیہ فہرست میں جو درجہ مقرر کر رکھا تھا
آپ کی نثر دیکھ کر اس میں اضافہ کردیا گیا ہے، جی ہاں یہ بھی سن رکھیں کیوں، وہ اس لئے کہ ہمارے خیال میں شاعر کا دماغ جتنا تختہ، منطقی ، ٹھوس استدلال والا ہوگا اتنا ہی اسے شاعری میں درجہ دیا جائے گا، خیر یہ تو جملہء معترضہ تھا، اب آئیے تحریر کی طرف راحیل بھائی، مجموعی اعتبار سے یہ تحریر آپ کے طے کردہ اصول کے تحت ہے کہ
اس موقع پر آکر ہم دیکھتے ہیں کہ اصول کے بیان کے بعد آپ نے کچھ دلائل جمع کئے، پھر آپ بحث سمیٹتے ہوئے نتیجے کی جانب گئے۔ اختتامیہ اور نتائج تو خیر بعد میں پہلے نظائر اور دلائل کی طرف دیکھتے ہیں
ابھی باہر جانا ہے باقی باتیں بعد میں
آپ کی نثر دیکھ کر اس میں اضافہ کردیا گیا ہے، جی ہاں یہ بھی سن رکھیں کیوں، وہ اس لئے کہ ہمارے خیال میں شاعر کا دماغ جتنا تختہ، منطقی ، ٹھوس استدلال والا ہوگا اتنا ہی اسے شاعری میں درجہ دیا جائے گا، خیر یہ تو جملہء معترضہ تھا، اب آئیے تحریر کی طرف راحیل بھائی، مجموعی اعتبار سے یہ تحریر آپ کے طے کردہ اصول کے تحت ہے کہ
پھر اس کے بعد آپ نے اسی اصول ہر دوپہلوں پر کچھ دلائل جمع کئے، قران سے بھی استفادہ کیا تاریخ سے بھی مثالیں لیں، اور اپنا موقف ہمارے سامنے رکھا۔ چونکہ تحریر کے حوالے سے آپ کا بیان کردہ یہ اصول بنیاد کے پتھر کی طرح ہے اس لئے بجائے پوری تحریر پر بات کرنے کے اگر اس اصول پر بات کرلی جائے تو ہمیں ادھر ادھر الجھنے کی ضرورت نہیں پڑے گی، یعنی اگر یہ اصول درست ہے تو ہم آگے بات کریں گے اور اگر اس اصول میں ہی کوئی سقم ہے تو تحریر میں موجود باقی تمام باتیں بے معنی ہوجاتی ہیں کیونکہ وہ تمام باتیں تمام دلائل اسی ایک اصول کے "تحت" جمع کئے گے ہیں۔ چلیں اس اصول کے تحت ہم تاریخ اقوام عالم کا جائزہ لیتے ہیں ، یونانی قوم (سکندریہ) نے عروج حاصل کیا ، ایرانیوں نے ایک طویل دور گزارا، منگول ایک دنیا پر چھائے ، کئی اور مثالیں بھی دی جاسکتی ہیں، مگر کسی ایسی قوم کی مثال موجود نہیں جو تقدس کی بنیاد پر زوال پزیر ہوئی ہو، اصول کے دوسرے حصے میں عروج کی جو وجہ بیان کی جارہی ہے وہ بھی تاریخی دلائل کی متلاشی معلوم ہوتی ہے، یعنی ہم "جرات، جوانمردی، بہادری، اتحاد، نظریہ، تعصب، حمیت ، انتظامی و فکری صلاحیت کی بنیادوں پر تو قوموں کو عروج حاصل کرتا ہوا دیکھتے ہیں مگر بے باکی کی بنیاد پر عروج حاصل کرتا تاریخ انسانی میں کوئی گروہ نہیں ہے۔ یعنی یہ اصول جس کے تحت بحث کا آغاز کیا گیا ہے وہ اصول ہی اپنی بنیادوں کا متلاشی نظر آتا ہے،۔ لہذا اس اصول کے تحت جو کچھ بھی دلائل اکھٹے کئے گئے ہیں وہ اس اعتبار سے قابلِ توجہ نہیں البتہ دوسرے اعتبار بلکہ اعتبارات سے انہیں دیکھا جاسکتا ہے ، اول تو اس میں یہی ہے کہ اگر اس اصول کو برائے گفتگو درست تسلیم بھی کرلیا جائے تب ان نظائر و دلائل سے اس اصول کا کیا واسطہ ہے، دوم یہ کہ آپ ہمارے دوست ہیں اور آپ نے بات کی ہے بہرحال اس پر بحث کرنا ہماری دوستانہ زمہ داری ہے۔
اس موقع پر آکر ہم دیکھتے ہیں کہ اصول کے بیان کے بعد آپ نے کچھ دلائل جمع کئے، پھر آپ بحث سمیٹتے ہوئے نتیجے کی جانب گئے۔ اختتامیہ اور نتائج تو خیر بعد میں پہلے نظائر اور دلائل کی طرف دیکھتے ہیں
حدیث قرطاص، کو حوالہ کرتے ہوئے آپ نے جس "اصولِ بےباکی" کی دلیل اخذ کی ہے، یقین کیجئے یہ دلیل اس واقعہ سے نکلتی ہی نہیں ، مگر چونکہ آپ نے گفتگو کی بنیاد فلسفیانہ اور موضوع اسلامیات رکھا ہے اس لئے ہمیں تاریخ میں اسلامی مفکرین کی طرف ایک نظر ضرور دیکھنا چاہئے کہ انہوں نے اس حدیث سے کیا رائے لی ہے ، میرا خیال ہے کسی ایک نے بھی اس حدیث سے وہ اصول اخذ نہیں کیا جو اوپر مذکور ہے۔ آپ نے جو یہ نتیجہ دیا کہ "حکم لائق اعتنا نہیں" یہ محض ایک رائے ہو سکتی ہے جو آپ نے قائم کی مگر یہ کہنا کہ فاروق اعظم رضی اللہ تعالیٰ عنہ نے بھی "اسی وجہ" سے کہا تھا میں سمجھتا ہوں ایک طرح کی زیادتی ہے اور تاریخ پر فلسفہء تاریخ کو زبردستی لاگو کرنے والی بات ہے۔
یہ معاملہ بھی تاریخ اسلامی سے ماخوذ ہے ، جس میں کسی طور بے باکی کی جا نہیں ہے بلکہ ایک مشورہ تھا جسے رد بھی کیا جاسکتا تھا قبول بھی ، اور امت مسلمہ میں یہ چلن عام ہے ، تاریخ اسلامی ان نظائر سے خالی نہیں، وہ بدر کے دن خیمہ لگانے کا معاملہ اور حدیبیہ سے سفیر مقرر کرنے کا معاملہ ہو مدینہ میں سیف البحر سے اس کی ابتدا کیجئے تو حج الودع تک یہ ایک عمومی بات نظر آتی ہے۔ مکی دور کا حوالہ میں اس لئے نہیں دے رہا کہ کہا جاسکتا ہے کہ انتظامی حثیت میں بہرحال فرق تھا۔
یہ ایک اور اہم اصول بیان کیا گیا ، گو کہ یہ خود ایک علیحدہ موضوع ہے جس پر علیحدہ بات کی جانی چاہیئے، لیکن اس ذیل میں جو آیات آپ نے حوالے کے طور سے دی ہے اس سے بات بالکل مختلف ہوگئی ہے
اس پر بحث کی جاسکتی ہے مگر ابھی اس کا وقت نہیں ہے۔
راحیل بھائی اس مقام پر آپ اپنے نظریے اور اصول کے دفاع میں کچھ سخت محسوس ہوئے، جبکہ ہمیں آپ سے یہ توقع نہیں ہے، اردو میں ایک ہزار سے زائد تراجم اور تفاسیر موجود ہیں فارسی کا دامن بھی بہت وسیع ہے عربی کا تو کہنا ہی کیا، یہ ممکن ہی نہیں کہ ایک زندہ زبان میں کسی لفظ کے معنی اپنی اصل سے ہٹ جائیں اور کسی کو کان و کان خبر نہ ہو کہ تقدیس کے پردے میں لفظ ہاتھ سے گیا، جبکہ مذکورہ بالا تینوں زبانوں میں ایک بات بہت مشترک ہے وہ یہ کہ ان تینوں زبانوں کے بولنے والے اپنی انپی زبانوں سے بہت محبت کرتے ہیں ، اور تینوں زبانوں میں زبان کے ماہرین کثرت سے موجود ہیں۔
یہ بھی محض زورِ کلام میں کہا گیا جملہ محسوس ہوتا ہے ورنہ ہمیں بحیثیت اردو بولنے ، سمجھنے ، پڑھنے والے کے ایسا کوئی طبقہء فکر نظر نہیں آتا جو اس زبان کے محاورں کو اسلامیانے پر تلا ہو، البتہ ہم اپنے گھر میں ایسے سینکڑوں محاورے استعمال کرتے ہیں جن میں ہندوستان کی مذہبی تاریخ کی خوشبو محسوس ہوتی ہے ،
راحیل بھائی، اسلام کا فلسفہء زندگی دوسرے فلسفوں سے اس قدر مختلف ہے کہ اسے کسی دوسرے فلسفے پر قیاس کر کے نہیں دیکھا جاسکتا، اسلام انسان کو انسان ہونے کی تعلیم دیتا ہے۔ مگر اس کے باوجود اسلام کے اصول اس سلسلے میں کافی مختلف ہیں۔
اس خاص تناظر میں آپ نے دو ایسی چیزوں کے درمیاں فرق کا ذکر کردیا جو سرے سے مذکور ہی نہیں۔ بلکہ فرق صرف "انسان" اور "صالح انسان" کا ہے۔ ظاہر سی بات ہے جو شخص بھی اسلام کا مطالعہ رکھتا ہے وہ جانتا ہے کہ صالح انسان کو کسی طور فرشتہ ہونے کو نہیں کہا جاتا بلکہ اسے اس کے علاوہ کچھ اور تعلیمات دی جاتی ہیں۔ جس کا فرق ظاہر کیا جانا چاہیئے تھا
یہ ایک تیسرا اصول بیان کیا گیا ہے مگر چونکہ یہ اصول فلسفیانہ اور ذاتی ہے اس لئے اس پر پھر کبھی بات ہوگی، ابھی صرف اس بات کے ذیل میں آپ کا یہ کہنا کہ اسلام بھی یہی کچھ معاملہ رکھتا ہے اس پر بات کرتے ہیں ۔ یہ ایک مسلم حقیقت ہے کہ اسلام کا مطالعہ اسلام سے درست آگاہی فراہم کرنے کیلئے کافی نہیں بلکہ جب تک اس پر عمل نہ کیا جائے تب تک اس کا درست طور سے ادراک ممکن نہیں۔ اس معاملے میں بھی یہ بات واضح ہوجانا ضروری ہے کہ شخصیتِ انسانی کا محاکمہ ایک بالکل علیحدہ شے ہے جبکہ اس انسان کے بعض افعال پر گرفت کرنا یا بعض افعال کی توصیف کرنا ایک الگ بات ہے ۔ ہم کسی طور ان دونوں باتوں کو یکساں نہیں کرسکتے۔ اسلام ، افعال کے معاملے میں کسی ایک طرف جھکاؤ کا قائل ہرگز نہیں۔ ویسے تو یہ بھی الگ موضوع ہے اگر بات اگے چلی تو اس سلسلے میں اسلامی تعلیمات سے استفادہ کیا جائے گا۔
یہ بالکل عجیب معاملہ ہے کہ تمام جماعتِ صحابہ کو چھوڑ کر ابو محجن رضی اللہ عنہ کی روش کو نظیر بنایا جائے۔ یعنی پہلے تو فرق میں انسان اور صلح انسان کی بجائے انسان اور فرشتہ کی بات کی جائے اور پھر اس اصول کے تحت گروہ صحابہ میں محجن رضی اللہ کی روایت کو دلیل بنایا جائے۔ بنو ثقیف کا ایک مزاج ہے اور تاریخ کے قاری اس سے بخوبی واقف ہیں، پھر قادسیہ کے جس معرکے کا ذکر کیا گیا ہے اس کی اپنی ایک تاریخ ہے ان دو حوالوں کو نظر انداز کرکے اس واقعہ کو نظیر کی حثیت سے دیکھنا درست نہیں ہے۔ بلکہ سیاق و سباق کے اعتبار سے معاملے کو دیکھنا چاہیئے ۔
دیکھیئے میں عرض کرچکا ہوں کہ یہ معاملہ تو سرے سے موجود ہی نہیں ہے تو کیونکر اس کی بنیاد پر ایک ایسی رائے قائم کی جاسکتی ہے جو تاحال منتظر دلیل ہے۔
ابھی باہر جانا ہے باقی باتیں بعد میں
رومانہ چوہدری
محفلین
مراسلہ نمر 26 کا دوسرا پیرا
مقام محمود کے علاوہ اور کوئی لفظ میسر نہیں تھا !
عصر حاضر میں کوئی ایک ایسا سماج بتائیے جو اس سے پاک ہو اور آپ کے لیے رول ماڈل ہو !!! مرد وزن کے تعلقات کی کونسی نوعیت ؟ وضاحت فرما دیں گے۔
تحریر کے پہلے حصے میں آپ اسلام کے ابتدائی دور کی روایتیں اور مثالیں دے رہے ہیں شراب، درے، طلاق بلا بلا۔ لیکن جس نکتے پر لانے کے لیے آپ نے یہ سب مثالیں پیش کی اور قران مجید کے بے لاگ طرز گفتگو کا حوالہ تک دیا ہے وہاں آپ 'اکثر معاملات' اور 'جس قسم کی رسوم' کہہ کر بات کو گول مول کر گئے ہیں۔ واہ صاحب واہ
نام لیکر بیان کیجیے، کہیے کہ آپ عید میلاد النبی ﷺ، عاشورہ محرم، سیرت کانفرنسوں، صحابہ کانفرنسوں، دعوت اسلامی اور رائے ونڈ کے مذہبی اجتماعوں، گیارہویں کے لنگروں، کونڈوں کی نیازوں، قلوں کے ختم وغیرہ وغیرہ وغیرہ وغیرہ کے خلاف بات کر رہے ہیں۔
آخری تدوین:
راحیل فاروق
محفلین
عثمان بھائی، میں کوشش کرتا ہوں کہ لکھتے ہوئے حد درجہ احتیاط سے کام لوں۔ اس لیے اگر میری تحریروں کو غور سے پڑھا جائے تو شاید اکثر سوالات پیدا ہی نہ ہوں۔ مگر پھر میں یہ بھی سمجھتا ہوں کہ وقت کی قلت کے باعث مجھ ہیچ مدان کی معروضات پر اتنی توجہ صرف کرنا ممکن ہی نہیں ہو سکتا۔
بہرحال، آپ کے سوال کے جواب میں فقط یہ عرض کروں گا کہ میں نے تمدنی تصنع کے صرف آغاز کا ملزم عجمیت کو ٹھہرایا ہے۔ ورنہ تو زوال کے ساتھ ساتھ یہ بیماری ثقافت پر مختلف سمتوں سے ورود کرتی ہی رہتی ہے۔
ایک دوسری جہت کی جانب اشارہ بھی میں نے اسی لیے کیا تھا:
جہاں تک خاص عرب معاشرے کا تعلق ہے تو اس کا میں نباض نہیں۔ مگر میرا خیال ہے (جو غلط بھی ہو سکتا ہے) کہ فی زمانہ وہ اکثر جگہوں پر اس مرض سے ہماری نسبت زیادہ مامون ہیں۔ گو کہ چیدہ چیدہ معاملات میں ان کی شدت غضب کی ہے مگر من حیث المجموع وہ کسی حد تک اس فطرتیت اور اصلیت کو بحال رکھنے میں کامیاب ہو گئے ہیں جس کا کچھ تعلق اسلام کے علاوہ بدویت سے بھی ہے۔ پھر تیل کے انقلاب نے چونکہ انھیں اچانک ہی دورِ جدید میں لا کھڑا کیا ہے تو مغرب کے تمدن سے وہ ہماری نسبت متاثر بھی زیادہ ہوئے ہیں جس نے انھیں تصنع کا ہماری حد تک شکار ہونے سے بچا لیا ہے۔
---
پس نوشت:
حکم کی تعمیل کی گئی، بھائی!
ادب دوست
آخری تدوین:
ادب دوست
معطل
راحیل بھائی میں نے آپ کا مراسلہ نہیں پڑھا۔ یہ "بئی مانٹی" ہے ۔ پہلے ہماری بات ختم ہونے دیتے پھر بات کرتے ، ورنہ آپ کی درمیان میں کی گئی بات میرے رائے پر اثر انداز ہو سکتی ہے جبکہ میں یہ چاہتاہوں کہ میری خالص رائے بغیر بیرونی اثرات کے آپ تک پہنچ جائے ۔ لہذا اپنا مراسلے حذف کیجئے اور جب میری بات مکمل ہوجائے تو دوبارہ اسے پوسٹ کردیجئے گا۔
راحیل فاروق
راحیل فاروق
نیرنگ خیال
لائبریرین
شعر علامہ جمیل مظہری کا ہے۔
تحریر پر تبصرہ: کن چکروں میں پڑے ہو بھائی۔۔۔۔ میں جانتا ہوں بہت گناہگار آدمی ہو۔ اور جانتے ہو کہ بڑھاپے میں سب معاف نہیں کروا پاؤ گے۔ پھر بھی میری مانو تو شیلا کی جوانی سنو مست رہو۔۔۔
نیرنگ خیال
لائبریرین
اس سے فساد خلق کا اندیشہ ہے۔ کیوں مذہبی عقیدت سوچنے سمجھنے کی صلاحیت مفقود کر دیتی ہے۔ بات راحیل کی نہیں۔ بات ان لوگوں کی ہے جو سامنے سے اندھا دھند حوالات و مقالات کے کاپی پیسٹ کا بازار گرم کر دیں گے۔
ادب دوست
معطل
راحیل بھائی میرا خیال ہے یہاں ہمیں ٹھہر نا چاہیئے، اور رک کر ایک نظر پیچھے کی طرف دیکھنا چاہیئے کہ آیا ہم اس جملے کیلئے اپنی تحریر میں کسی نوعیت کا اہتمام کر آئے ہیں؟ اگر نہیں تو ایسی صورت میں یہ جملہ انتہائی سخت تصور کیا جائے گا۔ پہلی بات تو یہ کہ برصغیر میں تمدنی تصنع سے عرب کے خطے ، زبان، اور تمدن سے کسی طور موازنہ بنتا ہی نہیں ہے،، کجا یہ کہ برصغیر کے تمدنی تصنع کو عرب کے معاشرے پر قیاس کیا جائے اور وہ بھی جہالت کے دور سے ۔
یہ بنیادی بات ہے، تمدنی تصنع سے آپ کی جو کچھ مراد ہے اس کے بعد کسی ذی فہم کو آپ کی بات سے اختلاف ممکن نہیں ، مگر اس سلسلے میں بھی وضاحت بہت ضروری ہو جاتی ہے کہ آیا وہ شے جس کے بارے میں گمان کیا جائے اپنی جنس میں بھی ویسی ہی ہے جیسا کہ گمان کیا گیا ہے۔ کیونکہ تمدن کی بہت ساری چیزیں ایسی ہیں جنہیں عموماََ لوگ گیہوں کے ساتھ پیس دیا جاتا ہے جبکہ حقیقی اعتبار سے اس شے میں کوئی خرابی نہیں
راحیل بھائی یہاں بھی اختلافی نوٹ، اور وہ یہ کہ اس قسم کی رائے کے اظہار کے بعد آپ یہ ایک بہت بڑے دعویٰ کے علم بردار بن جاتے ہیں ، جسے پورا کرنا کم از کم انٹرینٹ کے کسی فورم کی گفتگو میں ممکن نہیں ہوسکے گا لہذا علاقائی بیماریوں کو سوادِ اعظم پر لاگو کرنا نامناسب معلوم ہوتا ہے۔
یہ میرا ایک باقاعدہ موضوع ہے ، اپنی قوم کے خلاف میں اتنا کچھ پڑھ چکا ہوں کہ اب میں اس موضوع پر بات کرنا چاہتا ہوں یہ ایک عمومی رویا بنتا جارہا ہے ۔ ۔۔۔۔۔ لیکن ابھی نہیں کیونکہ اس موضوع پر میں کچھ جذباتی ہو جاوں گا ایسا نہ ہو کسی سخت جملے کا روِ سخن آپ جناب کی طرف ہونے کا اہتمال ہو اور بے وجہ گستاخی کا سبب بنے۔
یہ زیادہ پرانی بات نہیں اور جس طوراسے ادب میں برتا جاتا ہے اور نہ صرف اس کو بلکہ اس جیسی اور چیزوں کو وہ اس بات پر دلیل ہیں کہ ہمارے پاس اس نوعیت کی تنگ نظری موجود نہیں جس کا ہمیں مجرم ٹھہرایا جاتا ہے
اب آیئے اختتامیہ کی طرف، حضور کہہ لیجئے، کوئی پابندی تو بہرحال نہیں ہے مگر دو ایسی چیزوں میں یکسانیت دکھانے کی کوشش کر رہے ہیں جن میں بلا کا فرق پایا جاتا ہے۔
یہ وہ اقتباسات ہیں جن پر میں نے اپنی رائے دی ہے۔۔۔۔۔
مگر ٹھہریے ۔۔ رائے ابھی باقی ہے ۔۔۔
عثمان
محفلین
چونکہ ابتدائی اسلامی تہذیب عرب کے بدو معاشرے میں اٹھی اسی لیے عرب بدومعاشرے کو اسلامی تہذیب کی "اصلیت" کے تناظر میں دیکھا جاتا ہے۔ اس کے مقابلے میں باقی دنیا کو ظاہر ہے ایک چیلنج درپیش ہے کہ ایک عقائد پر مبنی نظام کو اپنے ہاں کے معاشرتی رواج سے ہم آہنگ کیا جائے۔
ورنہ اگر خالص اسلامی اصولوں کی اپنے نظام حیات میں رائج کرنے کی بابت بات کی جائے تو میرا نہیں خیال عرب معاشرے اس سلسلے میں کئی گئی کوتاہیوں سے دیگر معاشروں کی نسبت بری الذمہ ہیں۔عرب معاشروں نے اسلامی شناخت اور تہذیب کو جو نقصان پہنچایا ہے اس کی جڑیں تو آج تک کی مذہبی شدت پسندی میں تلاش کی جاسکتی ہیں۔ اس کے مقابل عجمی معاشروں نے اسلامی تہذیب کو جو فطری تغیر فراہم کیا ہے وہ تہذیب کی خوبصورتی اور اسلامی تہذیب کی عالمگیریت کے حق میں دلیل ہے۔
بہرحال جیسا کہ میں نے کہا کہ آپ کی تحریر اور نکتہ نظر منفرد اور دلچسپ ہے۔ مکالمہ اور سوال ایک دوسرے سے سیکھنے کا عمل ہے۔
ادب دوست
معطل
راحیل بھائی، دراصل اس تحریر میں مجھے چند باتوں سے اصولی، چند سے جزوی اختلاف ہے، جبکہ بہت سے نکتے ایسے ہیں جن میں یہ خادم آپ کا ہم زبان ہے۔
اول تو یہ دیکھیں کہ ذرا سے تغیر کے ساتھ میرا یہ خیال ہے کہ تکلف تہذیب کا وہ خاصہ ہے جس کی متجاوز شکل تمدن کی جڑ کاٹ دیتی ہے۔ یہی شے آگے چل کر تصنعِ بے جا کا محرک بنتی ہے۔ "تکلف + تصنعِ بے جا" ایک ایسی ہیجانی کیفیت اپنا لیتی ہیں کہ زندہ انسانوں کا ایسے ماحول میں سانس لینا مشکل ہو جاتا ہے ۔
آپ کی تحریر بنیادی طور پر اسی درد سے اٹھنے والی لہر معلوم ہوتی ہے۔
بہرحال اب مجھ سے صبر نہیں ہو رہا آپ کا مراسلہ پڑھنا چاہتا ہوں اس لئے اپنی بات کو یہیں رک رہا ہوں ۔ مگر اس سے پہلے کچھ باتیں اور لازم ہیں وہ بھی ہاتھ کے ہاتھ کرتا چلوں
اول تو یہ دیکھیں کہ ذرا سے تغیر کے ساتھ میرا یہ خیال ہے کہ تکلف تہذیب کا وہ خاصہ ہے جس کی متجاوز شکل تمدن کی جڑ کاٹ دیتی ہے۔ یہی شے آگے چل کر تصنعِ بے جا کا محرک بنتی ہے۔ "تکلف + تصنعِ بے جا" ایک ایسی ہیجانی کیفیت اپنا لیتی ہیں کہ زندہ انسانوں کا ایسے ماحول میں سانس لینا مشکل ہو جاتا ہے ۔
آپ کی تحریر بنیادی طور پر اسی درد سے اٹھنے والی لہر معلوم ہوتی ہے۔
بہرحال اب مجھ سے صبر نہیں ہو رہا آپ کا مراسلہ پڑھنا چاہتا ہوں اس لئے اپنی بات کو یہیں رک رہا ہوں ۔ مگر اس سے پہلے کچھ باتیں اور لازم ہیں وہ بھی ہاتھ کے ہاتھ کرتا چلوں
آخری تدوین:
ادب دوست
معطل
اکمل زیدی کے مراسلے پڑھ کر بہت افسوس ہوا، جس کا فوری اظہار ضروری ہے تاکہ اگر وہ اس حوالے سے مناسب سمجھیں تو اپنی بات کہہ دیں۔ اول تو یہ کہ جہاں بے باکی نام کو نہیں تھی وہاں تقدس کی بنیاد پر سولات کردیئے گے۔ ( آوازِ گدا کی طرف اشارہ ہے) اور اب مختلف معاملہ ہے ، عجیب بات ہے۔
خیر گفتگو کے دوران ایک دوسرے کے جذبات کا خیال رکھا جائے تو ہر طرح کی گفتگو کی جاسکتی ہے ، اس دھاگے میں اہلسنت کی اہم ترین کتابوں پر اس نوعیت کے جملے کسنے سے کیا مراد ہے ؟ اور اس سے کیا حاصل ہو سکتا ہے؟ سوائے اس کے کہ آپس میں تلخی پیدا ہو، دھاگہ خراب ہو، بات کا مزہ جاتا رہے ، ایک دوسرے پر تنقید کا ایک صحتمند طریقہ اختیار کیا جائے تو اس سے کسی کو اختلاف نہیں ہوگا۔
خیر گفتگو کے دوران ایک دوسرے کے جذبات کا خیال رکھا جائے تو ہر طرح کی گفتگو کی جاسکتی ہے ، اس دھاگے میں اہلسنت کی اہم ترین کتابوں پر اس نوعیت کے جملے کسنے سے کیا مراد ہے ؟ اور اس سے کیا حاصل ہو سکتا ہے؟ سوائے اس کے کہ آپس میں تلخی پیدا ہو، دھاگہ خراب ہو، بات کا مزہ جاتا رہے ، ایک دوسرے پر تنقید کا ایک صحتمند طریقہ اختیار کیا جائے تو اس سے کسی کو اختلاف نہیں ہوگا۔
اگر آپ کو اس سلسلے میں محفلین سے بات کرنی ہو تو ایک نیا دھاگہ کھولیں اور بات کرلیں ، مگر ایسے سستے فقروں کا استعمال بہرحال نامناسب ہے، یہ تو باقاعدہ اشتعال دلانا ہے، اگر کوئی پلٹ کر اسی نوعیت کے سوال داغ دے تو ؟ یہ فرقہ وارانہ انداز گفتگو مناسب نہیں ہے ، اور فرقہ پرستی کی بنیاد پر لکھے جانے والے سو سو صفحہ کے کتابچوں سے متاثر ان جملوں سے دوستوں میں گفتگو کا مزہ ختم ہو جاتا ہے۔ میری ددرخواست ہے کہ آپ اپنے رویے پر نظر ثانی فرمائیں اور اس میں تبدیلی کی کوشش کیجئے، یقین کیجئے باقی احباب کا مطالعہ یقناََ مجھ سے زیادہ ہی ہوگا مگر یہ خاکسار بھی ان موضوعات پر پچیس پچاس سیر سیاہی مَلا کاغذ اپنی نظر سے گزار چکا ہے اس لئے بھر پور اندازہ ہے کہ یہ انداز کیوں کب اور کیسے اختیار کیا جاتا ہے۔