ترکاریات
- صاحب لڑی ظہیراحمدظہیر
- تاریخ ابتداء
محمداحمد
لائبریرین
سبزیوں سے استغناء کے ساتھ ساتھ یہ استثناء بھی خوب ہے۔
عرفان سعید
محفلین
شلجم وہ ہوتا ہے جو ہم بازار سے لاتے ہیں۔ شلغم وہ ہوتا ہے جو اماں غصے میں پکا دیتی ہیں، خاص طور پر جب ہم نے دال کھانے میں بھی نخرہ دکھایا ہو۔
ظہیراحمدظہیر
لائبریرین
یعنی آپ مجھے بالواسطہ سبزی خور یعنی second-hand-vegetarian بننے کا مشورہ دے رہی ہیں ۔
آپ کے فارمولے کے مطابق اس بقرعید پر تقریباً ایک کلو سبزی تو کھالی ہے اب تک۔ 
ظہیراحمدظہیر
لائبریرین
یہ دونوں ایک ہی ترکاری کے نام ہیں ۔ شلغم اصلاً فارسی تھا وہاں سے عربی میں جا کر شلجم ہوگیا۔ اب عربی اور فارسی دونوں ہی زبانوں میں یہ دونوں املا رائج ہیں ۔ چنانچہ اردو میں بھی دونوں املا ملتے ہیں ۔ امید ہے اب سمجھ میں آگیا ہوگا۔
ظہیراحمدظہیر
لائبریرین
جی جی ، بالکل ، احمد بھائی! بلکہ یوں کہیے کہ بطنِ مادر سے زیادہ یہ بطنِ فادر کی دلی آواز ہے۔بہت ہی دلچسپ اور مزیدار مضمون ہے ظہیر بھائی!
ساتھ ساتھھ بہت سے دلوں اور بطنوں کی آواز ہے۔
جب بھی یہاں آتا ہوں، پھر سے پڑھنے بیٹھ جاتا ہوں اور تبصرہ رہ جاتا ہے۔
سبزیوں سے استغناء کے ساتھ ساتھ یہ استثناء بھی خوب ہے۔
محمداحمد
لائبریرین
ہم تو اب تک "غین" کو دیکھ کر شلغم کو عربی سمجھتے رہے۔
کیا وجہ ہے کہ غ کا حرف ہونے کے باوجود عربوں نے اس سبزی کو "شل" بھی کیا اور "جمنے" کا حکم بھی دیا؟
یہ بات ہماری سمجھ میں نہیں آئی؟
ظہیراحمدظہیر
لائبریرین
محمداحمد بھائی ، الفاظ کا ایک زبان سے دوسری زبان تک سفر بہت ہی پیچیدہ اور آہستہ رو ہوتا ہے ۔ اس کے پسِ پردہ متعدد عوامل کارفرما ہوتے ہیں ۔ تحقیق کے بعد بعض الفاظ کی تاریخ یعنیetymology معلوم تو کی جاسکتی ہے لیکن بیشتر اوقات ایسا ممکن نہیں ہوتا۔ اردو جیسی نوجوان زبانوں میں لفظوں کی ابتدا اور ارتقا کا معلوم کرنا نسبتاً آسان ہے لیکن عربی جیسی قدیم زبان میں بہت مشکل۔ہم تو اب تک "غین" کو دیکھ کر شلغم کو عربی سمجھتے رہے۔
کیا وجہ ہے کہ غ کا حرف ہونے کے باوجود عربوں نے اس سبزی کو "شل" بھی کیا اور "جمنے" کا حکم بھی دیا؟
یہ بات ہماری سمجھ میں نہیں آئی؟
عربی دنیا کی معدودے چند زبانوں میں سے ہے کہ جن میں بیرونی زبانوں سے بہت کم الفاظ داخل ہوئے ہیں کیونکہ جزیرۂ عرب کا بیرونی دنیا سے جغرافیائی اور تاریخی تعلق محدود رہا ہے ۔ ایک دلچسپ مثال اس ضمن میں یہ ہے کہ عربی لفظ سجیل (سج+جیل) فارسی کے سنگِ گِل کی معرب شکل ہے۔یہ لفظ سورہ الفیل میں بھی آیا ہے۔ ظاہر ہے کہ یہاں لسانی مجبوری کے تحت گاف کو جیم سے بدل دیا گیا اور عربی زبان کے عام دستور کے مطابق ایک حرف کو مکرر لکھنے کے بجائے تشدید کا استعمال کیا گیا ۔ اب عربی میں سنجِ جِل سے سجیل تک کے مراحل کیسے اور کتنے عرصے میں طے ہوئے یہ تحقیق طلب ہے اور عربی دانوں کا کام ہے۔ عین ممکن ہے کہ یہ ارتقائی معلومات کہیں موجود ہی نہ ہوں۔
اب ایک اور مزے کی بات یہ ہے کہ جب مصر کی فتح کے بعد وہاں کی قِبطی زبان یعنی coptic کی جگہ آہستہ آہستہ عربی نے لے لی تو وہ لوگ عربی کے جیم کو گاف کی طرح بولنے لگے۔ چنانچہ مصر میں جمال اور جمعہ گمال اور گمعہ ہوگئے۔ میں اپنے مصری دوستوں کو مذاق میں ایجپشن کے بجائے اگپشن کہتا ہوں تو وہ مسکراتے ہیں ۔
خالد سعید مرزا
محفلین
کیا ہم لوگ اس مضمون کو اپنے ادارےکے سالانہ میگزین میں چھاپ سکتے ہیں۔اس کے لیے کوئی پابندی وغیرہ تو نہیں ہے ؟
ظہیراحمدظہیر
لائبریرین
کوئی پابندی نہیں بھائی ۔ اس کا مفصل جواب میں نے آپ کے دوسرے مراسلے پر دے دیا ہے ۔ اسے دیکھ لیجیے۔
صابرہ امین
لائبریرین
اگرچہ مضمون اپنی جگہہ خاصا جاندار ہے۔ اس میں مزاح کا خوب سامان ہے۔ مگر کیا کیجیے دل دکھ سا گیا ہے۔ ہماری تمام پسندیدہ سبزیوں کی توہین خاص ہوئی ہے۔ ہم جیسے گھرانوں میں تو روز ہی گوشت کا جوڑ ایک عدد سبزی ہوتی ہے۔ سسرال میں تو گاجر گوشت اور چقندر گوشت تک کھایا!! اماں بیت مزیدار کھانے بنایا کرتی تھیں۔ بلکہ ہم اور چھوٹی نند مل کر ان کی ہدایت فالو کرتے ہوئے بناتے تھے!! معلوم نہیں آپ نے کبھی ٹنڈے گوشت، پالک گوشت، بھنڈی گوشت، آلو گوشت، آلو کا بھرتہ، آلو کی قتلیاں ، شلجم گوشت، آلو گاجر اور مٹر کی بھجیا، بینگن کا بھرتہ اور وہ بھی پرا ٹھے کے ساتھ، مولی کے پراٹھے اور بھجیا، توری کی بھجیا، گوبھی گوشت، آلو ، گوبھی اور مٹر کی بھجیا، قیمہ کریلے اور چائنیز سبزیوں سے بھر پور کھانوں کو لفٹ کرائی ہے کہ نہیں۔ اگر نہیں تو آپکے ذوق پر سوال تو اٹھیں گے!! اور ہاں سلاد کے پتے تو ہمارے لیے اسنیک کا کام کرتے ہیں۔۔ ہلکی پھلکی بھوک میں چند پتے چبا لئے مٹھی بھر ڈرائی فروٹ کے ساتھ۔۔
معلوم ہے کہ آپ نے مزاح لکھا ہے۔ اور تمام محفلین نے خاصی ہاں میں ہاں ملائی ہے۔ ہنسی بھی خوب آئی ہے۔ مگر سبزیوں کی توہین ہے کہ برداشت ہی نہیں ہو رہی۔۔
ہماری تمام پسندیدہ سبزیوں کی توہین خاص ہوئی ہے۔ ہم جیسے گھرانوں میں تو روز ہی گوشت کا جوڑ ایک عدد سبزی ہوتی ہے۔ سسرال میں تو گاجر گوشت اور چقندر گوشت تک کھایا!! اماں بیت مزیدار کھانے بنایا کرتی تھیں۔ بلکہ ہم اور چھوٹی نند مل کر ان کی ہدایت فالو کرتے ہوئے بناتے تھے!! معلوم نہیں آپ نے کبھی ٹنڈے گوشت، پالک گوشت، بھنڈی گوشت، آلو گوشت، آلو کا بھرتہ، آلو کی قتلیاں ، شلجم گوشت، آلو گاجر اور مٹر کی بھجیا، بینگن کا بھرتہ اور وہ بھی پرا ٹھے کے ساتھ، مولی کے پراٹھے اور بھجیا، توری کی بھجیا، گوبھی گوشت، آلو ، گوبھی اور مٹر کی بھجیا، قیمہ کریلے اور چائنیز سبزیوں سے بھر پور کھانوں کو لفٹ کرائی ہے کہ نہیں۔ اگر نہیں تو آپکے ذوق پر سوال تو اٹھیں گے!! اور ہاں سلاد کے پتے تو ہمارے لیے اسنیک کا کام کرتے ہیں۔۔ ہلکی پھلکی بھوک میں چند پتے چبا لئے مٹھی بھر ڈرائی فروٹ کے ساتھ۔۔معلوم ہے کہ آپ نے مزاح لکھا ہے۔ اور تمام محفلین نے خاصی ہاں میں ہاں ملائی ہے۔ ہنسی بھی خوب آئی ہے۔ مگر سبزیوں کی توہین ہے کہ برداشت ہی نہیں ہو رہی۔۔
ظہیراحمدظہیر
لائبریرین
اب یہ سمجھ میں نہیں آرہا کہ سبزیوں کی اس توہین پر بھنڈی ، توری اور شلجم سے معافی مانگوں یا آپ سے ؟!اگرچہ مضمون اپنی جگہہ خاصا جاندار ہے۔ اس میں مزاح کا خوب سامان ہے۔ مگر کیا کیجیے دل دکھ سا گیا ہے۔
معلوم ہے کہ آپ نے مزاح لکھا ہے۔ اور تمام محفلین نے خاصی ہاں میں ہاں ملائی ہے۔ ہنسی بھی خوب آئی ہے۔ مگر سبزیوں کی توہین ہے کہ برداشت ہی نہیں ہو رہی۔۔
ارے بھئی ، یہ فکشن ہے ، حقیقت تھوڑی ہے۔ یعنی یہ تو معلوم ہی ہے کہ شاعر اور ادیب آپ بیتی کم اور جگ بیتی زیادہ لکھتے ہیں ۔ اور طنز و مزاح تو اکثر مشاہدات اور تخیلات ہی پر مبنی ہوتا ہے۔ کچھ سچ اور بیشتر گپ۔ بیگم نے بہت پہلے جب ایک دفعہ ڈائٹنگ شروع کی تو اس سے اس مضمون کا خیال پیدا ہوا تھا ۔ یہ پرانا مضمون ہے۔
ہم دہلی والے ہیں ۔ جن جن پکوانوں کے نام آپ نے لیے وہ سب ہمارے ہاں بھی معمول کے مطابق پکتے ہیں ۔ بچپن سے یہی کھانے کھا تے آئے ہیں اور زبان انہی کی لذت سے آشنا ہے۔ میری والدہ (اللہ ان کے درجات بلند فرمائے) اور باجی ( اللہ ان کی عمر دراز کرے) بہت ہی زبردست کھانے بناتی تھیں۔ ان کے ہاتھ کا ذائقہ پورے خاندان میں مشہور تھا ۔ بیگم ہماری حیدرآبادی ہیں لیکن کھانے انہوں نے بھی سب دہلی والے سیکھ رکھے ہیں ۔ بھنڈی ، کدو ، ٹنڈے ، شلجم ، بینگن ، مٹر ، کریلے (بشرطیکہ کڑواہٹ کم کرکے بنائے ہوں)، آلو ، اروی اور پالک میری پسندیدہ سبزیاں ہیں ۔ بھنڈی فرائی اللہ کی نعمت ہے!!! دال چاول یا صرف تڑکا لگی ہوئی دال روٹی پر ساری عمر گزارا کرسکتا ہوں ، الحمدللہ ۔( گرما گرم روٹی اور فرائی دال کا تصور کرکے بھوک لگ گئی۔
) آپ کا ہاں کا نہیں معلوم لیکن میں سالن میں سے ایک یا دو بوٹی سے زیادہ گوشت نہیں کھاتا کہ یہاں کے گوشت میں نجانے کیوں مجھے ہیک آتی ہے ۔ خصوصاً لیمب اور بیف میں ۔ بعض اوقات تو زبردستی ڈانٹ کر کھلایا جاتا ہے۔ ☹️آپ نے اتنے سارے کھانوں کے نام لکھ کر مجھے ہوم سک کردیا ۔ امی اور باجی کی یاد آگئی۔ آلو بھرے پراٹھے ، قیمہ بھرے پراٹھے ، مولی کے پراٹھے ، قیمہ کریلے ، آلو کا بھرتہ !!!!!!!!
البتہ سلاد کے پتے میں نہیں چبا سکتا ۔
اگر چند پتے چبالوں تو میں میں میں کرنے اور کسی کو ٹکر مارنے کا جی چاہتا ہے۔
آخری تدوین: