ترکاریات

[محمداحمد]

بہت ہی دلچسپ اور مزیدار مضمون ہے ظہیر بھائی!

ساتھ ساتھھ بہت سے دلوں اور بطنوں کی آواز ہے۔

جب بھی یہاں آتا ہوں، پھر سے پڑھنے بیٹھ جاتا ہوں اور تبصرہ رہ جاتا ہے۔

 

[محمداحمد]

زیرِ زمین اُگنے والی خفیہ نباتات کی یہ قسم اگرچہ مضر ہے لیکن اسے کدّو کش کرنے کے بعد دودھ ، شکر اور گھی میں دیر تک پکا کر ایک مرکب بنالیا جائے اور اس پر ماوے کا اضافہ کردیا جائے تو ماہرین کی متفقہ رائے میں اس کے تمام نقصانات ختم ہوجاتے ہیں۔ سردیوں میں اس مرکب کا روزانہ استعمال مردانہ وجاہت میں اضافہ اور طبیعت میں شگفتگی پیدا کرتا ہے۔

سبزیوں سے استغناء کے ساتھ ساتھ یہ استثناء بھی خوب ہے۔

 

[ابو ہاشم]

مجھے تو آج تک یہ سمجھ نہیں آیا کہ شلجم اور شلغم میں کیا فرق ہے!

 

[عرفان سعید]

مجھے تو آج تک یہ سمجھ نہیں آیا کہ شلجم اور شلغم میں کیا فرق ہے!

شلجم وہ ہوتا ہے جو ہم بازار سے لاتے ہیں۔ شلغم وہ ہوتا ہے جو اماں غصے میں پکا دیتی ہیں، خاص طور پر جب ہم نے دال کھانے میں بھی نخرہ دکھایا ہو۔

 

[ظہیراحمدظہیر]

دیکھیے اس مسئلہ کا حل بھابھی جان کو یہ بتائیے کہ سبزی کھانے کا واحد اور صحیح طریقہ یہی ہے کہ سبزیاں بکرے کو کھلائیے اور پھر بکرے کو خود کھائیے۔

یعنی آپ مجھے بالواسطہ سبزی خور یعنی second-hand-vegetarian بننے کا مشورہ دے رہی ہیں ۔

سرگوشی: ویسے

آپ کے فارمولے کے مطابق اس بقرعید پر تقریباً ایک کلو سبزی تو کھالی ہے اب تک۔

 

[ظہیراحمدظہیر]

مجھے تو آج تک یہ سمجھ نہیں آیا کہ شلجم اور شلغم میں کیا فرق ہے!

یہ دونوں ایک ہی ترکاری کے نام ہیں ۔ شلغم اصلاً فارسی تھا وہاں سے عربی میں جا کر شلجم ہوگیا۔ اب عربی اور فارسی دونوں ہی زبانوں میں یہ دونوں املا رائج ہیں ۔ چنانچہ اردو میں بھی دونوں املا ملتے ہیں ۔ امید ہے اب سمجھ میں آگیا ہوگا۔

 

[ظہیراحمدظہیر]

بہت ہی دلچسپ اور مزیدار مضمون ہے ظہیر بھائی!

ساتھ ساتھھ بہت سے دلوں اور بطنوں کی آواز ہے۔

جب بھی یہاں آتا ہوں، پھر سے پڑھنے بیٹھ جاتا ہوں اور تبصرہ رہ جاتا ہے۔

جی جی ، بالکل ، احمد بھائی! بلکہ یوں کہیے کہ بطنِ مادر سے زیادہ یہ بطنِ فادر کی دلی آواز ہے۔

سبزیوں سے استغناء کے ساتھ ساتھ یہ استثناء بھی خوب ہے۔