بیت بازی

[فاتح]

نہ ہوا پر نہ ہوا میر کا انداز نصیب
ذوق یاروں نے بہت زور غزل میں مارا​

 

[محمد وارث]

اچھے عیسٰی ہو، مریضوں کا خیال اچھا ہے
ہم مرے جاتے ہیں، تم کہتے ہو حال اچھا ہے

(امیر مینائی)

۔

 

[فاتح]

یہ اور بات اس پہ مسلط ہیں بد نہاد
یہ خوش نما دیار ہمیں‌ بے گھروں سے ہے​

(حبیب جالب)

 

[محمد وارث]

یقیں مثلِ خلیل آتش نشینی
یقیں اللہ مستی، خود گزینی
سن اے تہذیبِ حاضر کے گرفتار
غلامی سے بتر ہے بے یقینی

(اقبال)

۔

 

[شمشاد]

یہ مہکتی ہوئی غزل مخدوم
جیسے صحرا میں رات پھولوں کی
(مخدوم)

 

[تیشہ]

یوں بھی عہد وفا نبھائے گئے
خواب جلتے ہوئے دکھائے گئے۔

 

[فاتح]

یہ کون باغ میں خنجر بدست پھرتا ہے
یہ کس کے خوف سے چہرہ بدل رہی ہے ہوا​

(پروین شاکر)

 

[الف عین]

آج ہم بے کراں سمندر ہیں
تم وہ دریا نہیں کہ تم سے کہیں
اعجاز عبید

 

[شمشاد]

نہ لوگ اجنبی ہیں نہ محفل اداس ہے
لیکن تیرے بغیر میرا دل اداس ہے

 

[محمد وارث]

یہ میں ہوں یا ترا پرتو اتر گیا مجھ میں
یہ کون تھا جو غزل خواں گزر گیا مجھ میں

(رضی اختر شوق)

۔

 

[شمشاد]

نہ جی بھر کے دیکھا نہ کچھ بات کی
بڑی آرزو تھی ملاقات کی
(بشیر بدر)

 

[محمد وارث]

یوں زندگی گزار رہا ہوں ترے بغیر
جیسے کوئی گناہ کیے جا رہا ہوں میں

(جگر مراد آبادی)

۔

 

[عمر سیف]

نہ جانے آخر ان آنسوؤں پر کیا گزری
جو دل سے آنکھ تک آئے مگر بہا نہ سکے

 

[شمشاد]

یہ عنایتیں غضب کی یہ بلا کی مہربانی
میری خیریت بھی پوچھی کسی اور کی زبانی
(نذیر بنارسی)

 

[زینب]

یوں بھی نہین کہ شہر کو ویران چھوڑ آئے

لوگوں مین اس سے عشق کے امکان چھوڑ آیے

لہجے کے بعد اب وہ بدلتا نگا ہ بھی

رستہ بدل کے ہم اسے حیر ان چھوڑآیے۔۔۔۔۔۔

 

[شمشاد]

یہ کس مقام پہ پہنچا دیا زمانے نے
کہ اب حیات پہ ترا بھی اختیار نہیں
(ساحر)

 

[الف عین]

نہ جانے اوروں کو میں کس طرح کا لگتا ہوں
یہ آرزو ہے کہ باہر سے دیکھ لوں خود کو

ا ع

 

[شمشاد]

وہ اجلے دریچوں میں پائل کی چھن چھن
تنفس کی الجھن پہ طبلے کی دھن دھن
یہ بے روح کمروں میں کھانسی کی ٹھن ٹھن
ثنا خوان تقدیسِ مشرق کہاں ہیں؟
(ساحر)

 

[عمر سیف]

نیند میں کوئی اپنے آپ سے باتیں کرتا رہتا ہے
کال کنویں میں گونجتی ہے، آواز کسی سودائی کی

 

[فاتح]

یہ علم کا سودا، یہ کتابیں، یہ رسالے
اک شخص کی یادوں کو بھُلانے کے لئے ہیں​